Saturday, August 13, 2011

မန်လည်ဆရာတော် ( မဃဒေ၀ လင်္ကာသစ်) - သမီးတစ်ကောင် ၊ နွားတစ်ထောင်သို့

မန်လည်ဆရာတော် ( မဃဒေ၀ လင်္ကာသစ်)

"လူ့ရွာအတီး ၊ ဝေါဟာပြီးသား
သမီးတစ်ကောင် ၊ နွားတစ်ထောင်သို့
လုံအောင်အမြဲ ၊စောင့်နိုင်ခဲဟု
မလွဲပမာ ၊နန်းတွင်းမှာလျှင်
ရာဇာမွေးဘ ၊မြဲနိစ္စဖြင့်
နေ့ညမကင်း ၊စောင့်ပါလျဉ်းလည်း
လက်တွင်းကသာ၊ သူ့ဘက်ပါ၏ "

အရွယ်ရောက်လာပြီ ဆိုတာနဲ့ အဖေလုပ်သူက အိမ်ထောင်ပြုတာမကောင်းကြောင်း ၊ အိမ်ထောင်မပြုစေလိုကြောင်း ကို ဟိုလိုတမျိုး ဒီလိုတသွယ်ပြောပါတော့တယ် ။သမီး ကို အိမ်ထောင်ဒုက္ခ မခံရ စေချင်ပါတဲ့ ။

ဒီလိုဆိုတော့  အတွေးထဲ က ရော ပါးစပ်ကပါ (မျက်နှာရိပ် မျက်နှာကဲ ကြည့်ပြီး) အလျဉ်းသင့်သလို ပြန်ပြောတာပေါ့ ။ ဟင်င်င်င် အဖေတို့ က အဖော်ရအောင် ညီမ တယောက်လောက်မွေးထားရင် ဟုတ်ရဲ့ ၊ခုတော့  အသက်ကြီးလို့  နာလာရင် တယောက်ထဲ ဘယ်သူ့ ကို အားကိုးရပါ့  ....လို့ တမျိုး ။ ဒါမှမဟုတ် အမလေး အမေတို့  ဒုက္ခရောက်တယ်ဆိုတာ အဖေကမှ ငွေရှာမကောင်းတာကိုး ။ဒါကြောင့် အလုပ် လုပ်ရ ကလေးထိန်းရ အိမ်အလုပ်လုပ်ရနဲ့ ဆိုတော့  ပင်ပန်းတာပေါ့ ၊သမီးကတော့  သူဌေးရွေးယူလိုက်ရင်ပြီးတာဘဲ....လို့ တဖုံ ပြန်ပြောပြီး အပျိုကြီးလုပ်ရေး ကတိ မခံခဲ့ပေါင်ပါ ။ ဒါတောင် အဲဒီ အချိန်မှာ ချစ်သူထားဘို့ အရေး ပဲများဘို့ အရေး ဘာဆိုဘာမှ မဘာသေးတဲ့ အချိန်၇ှိသေးတယ်။

ဒါတောင် ဆယ်တန်း တုန်းက အင်္ဂလိပ်စာသင်တဲ့ ဆရာမ အပျိုကြီးကို ကြုံတုန်းသွားကန်တော့ တော့ သူကလဲ အပျိုကြီး လုပ် လို့ ပြောလို့  အဲဒီလို ပြန်ပြောမိပါတယ် ..ဆရာမ က စိတ်တွေတိုပြီး ..ဟဲ့ သန္တာလွင်ရဲ့ ထမင်းအသက် ၇ ရက် ၊ရေအသက် တမနက်တဲ့ ..နင် မလုပ်နိုင်မကိုင်နိုင် အိုလို့  နာလို့  ထမင်းမချက်နိုင်မစားနိုင်လို့  ဒုက္ခ ခံရရင် 7 ရက်ဘဲ ။ ယောင်္ကျားယူ တသက်လုံး လေ လို့ ပြန်ငေါက်တော့  ..ပြန်ထပ်မပြောတော့ပေမဲ့ စိတ်ထဲကတော့  ဟင်းးးးးးးးးးဘာဒုက္ခလဲပေါ့ ။

ဒီလိုဘဲ ..ကျမလို သူငယ်ချင်းနောက်တယောက်ရှိသေးတယ် ။ဘာဘဲ ဖြစ်ဖြစ် ကိုယ့်မှာ ချစ်သူရီးစားလဲ ရှိတာမဟုတ်သေးဘဲနဲ့ လူကြီးမိဘပြောရင် ဟင့်အင်း မလုပ်ဘူး ယူမှာဘဲ ဆိုတဲ့ ချစ်သူငယ်ချင်း သန်းသန်းလွင် ..သူ ခုထိ အပျိုကြီးဘဲ ရှိသေးတယ် ။ ;P

"ခုတော့ ကျမ သိပြီ " ;P တကယ့် ကို သိပါပြီ ။

အိမ်ထောင် တခုမှာ ဘယ်လောက်တောင် မှ ဒုက္ခ များတယ်ဆိုတာကိုလေ ။
ခု အချိန်မှာ ကျမကို ဘယ်သူ ကဘဲ အိမ်ထောင်ပြုဘို့ လာတိုင်ပင် လာတိုင်ပင် ကျမ ကတော့  ဒီဒုက္ခ တွေပြောပြ ပြီး အိမ်ထောင်မပြုဘို့ ကိုဘဲ တရားတွေ ဟောမှာ ..ဟီးးး(ကိုယ်တိုင်ကျပြုပြီးတော့ )

စကားမစပ် ကျမဒီရောက်ခါစ က သူငယ်ချင်းတယောက် သူ့ မင်္ဂလာဆောင်ကို ဖုန်းနဲ့ .. ဟင်းးငါ မယူချင်ပါဘူးဆိုမှ မကြိုက်ပါဘူးဆိုမှ... ဆိုပြီး ညီးပြောလေးနဲ့ ဖိတ်ပါတယ် ။ ဒီတော့ ကျမကလဲ အလန့်တကြား ဟယ် သယ်ရင်း နင်တကယ် မယူချင်ရင် မယူနဲ့လေ ငါတို့ မှာ အရမ်းချစ်လို့  ယူခဲ့တာတောင် တခါတလေ သီးခံချင်တာ မဟုတ်ဘူး ၊သူများ ဘာပြောပြော ဂရုမစိုက်နဲ့ ဘာညာ ပြန်ပြောနေတာ ဖိတ်တဲ့ သူက အင်းအဲ ဆိုပြီး ဖုန်းချသွားလေရဲ့ ။ ယောင်္ကျား က စလုံးမှာ အလုပ် လုပ်နေတာ ဘယ်မိဘ မှ အတင်းအကျပ် ယူခိုင်းလို့ မဟုတ် သူ့ဟာသူ ယူချင်လို့ ယူတာကို အလိုက်မသိ သွားပြော နေသေးတယ်လို့  ဆူပါလေရော ။ မယ်သံ တို့ က အဲဒီလို ....။ ပြီးတော့ လဲ အဲဒီ မင်္ဂလာဆောင်ကိုသွားသေးတာ သတို့ သား က ပြုံးတောင်မပြဘူး .. ဟင်း အပုပ်ကြီး ။

1995 ကထဲကကျောင်းပြီး လို့  ရန်ကုန်မှာ ဆင်းပြီးအလုပ် လုပ်တဲ့သမီးလေး ကို တနှစ်တခါ အိမ်ပြန်လာတဲ့အခါ တွေ့ မတွေ့ အမေတို့ ကမေးပါတယ် ။ သူ့ သမီးက ယူမှာဘဲ ယူမှာဘဲ လို့ပြောထားတာကိုး ။

ဒီလိုနဲ့ ခုနစ်နှစ်အကြာ 2002 မှာတော့  သတင်းထူးပါလာခဲ့ ပါပြီ ။ ၇ှိနေပါပြီပေါ့ ။ အဖေကလဲ ရန်ကုန်ဆင်းဘို့ ရှိတာနဲ့ ရန်ကုန်လာ သတ်သတ်ကြီး မတွေ့ ချင်ဘူး ဆိုတာနဲ့ တခြား သူငယ်ချင်းတွေအပါ ညစာ အတူစားကြတယ် ။ နောက်နေ့ အဖေ့ သဘောထားကိုမေးတဲ့ အခါ NO ပါတဲ့ ။ အကြောင်းပြချက်ကတော့  ရုပ်ဆိုးလို့ ပါတဲ့ ..ဟင့် ။
ဒီကလဲ ဟင် သမီးအသက်ကြီးနေပြီ 27 တောင်ရှိပြီ ဟိုင်းနေပြီ သမီးရှာတာ မကြိုက်ရင် အဖေတို့ ရှာပေးပါလား ဘာလား ရှောက်ပြောတာ .....အဖေတောင် စလေပြန်ရောက်တော့  အမေ့ကို သမီးအတွက် ဘယ်သူ့မြင်လဲ ဘယ်ဝါ့မြင်လဲနဲ့ တဲ့ ။ခုမှ အမေပြန်ပြောပြလို့ သိ၇တာ ။ ဟီး

ဒီလိုနဲ့ အဲဒီတယောက်နဲ့ ကိစ္စပြတ် ပြီး ဒီတယောက်နဲ့ လဲ ကျရော ကိုယ်ကလဲ ထုံးစံအတိုင်း စလေဘုရားပွဲ တနှစ်တခါပြန်တာ ။ကိုယ် ဒိနေ့ပြန် သူကနောက်တနေ့  စလေကို လိုက်လာတာ ဆရာ ။ အသိလဲ ရှိဘဲ နဲ့ စလေများ ရန်ကုန်လို တည်းခိုခန်းတွေဘာတွေ ရှိတယ်ထင်နေလားမသိ ။
ဟော မထင်ဘဲ သူရောက်လာတော့  မျက်ကလဲဆန်ပြာကြောက်ပြီး ထုံးစံ အတိုင်းမောင်လေးကို အယင်ပြောရတော့တာ ။ မောင်လေးကလဲ နင့်ထက် ငယ်တာ သူကယူမှာသေချာလို့ လားဟနဲ့ ..နောက် မောင်နှမ နှစ်ယောက် မျက်နှာသေလေးနဲ့ အဖေနဲ့ အမေ့ ကိုပြော ရတော့တာပေါ့ ။
အဖေ့မှာ ဧည့်သည်ကို ထညက်နဲ့ ဧည့်ခံ ဘို့  အဖုံးဖွင့် တာ ဒီတခါတော့ တကယ်ပေးရတော့မှာလားဆိုပြီး နှမြောနေမှာပေါ့  လက်တုန်ပြီး ဖွင့် မရဘူး ။ သူက ပေး ပေးဦးလေး ကျွန်တော်ဖွင့်ပေးမယ်ဆိုပြီး ယူဖွင့်ပေးတာ အောင်မယ် ခပ်တည်တည်ဘဲ ။ အင်း ရေးမဲ့ဟာတွေ ဘေးရောက်ကုန်ပြီ ။

ဒီလိုနဲ့ 2005 ခုနှစ် နိုဝင်ဘာမှာ အိမ်ထောင်ပြုခဲ့တယ်ဆိုပါတော့ ။
အသက်ကြီးပြီ ဆိုတော့  ကလေးတန်းယူပါတယ်။ 2006 စက်တင်ဘာမှာ သားလေးမွေးပါတယ် ။
အဲဒီ အသက်အရွယ် 29 မှာ ကိုယ်ဝန်ဆောင်တော့ သူများတွေလို အော့အန် မူးဝေ စတဲ့ ဝေဒနာ ခြေလက်ဖောရောင် စတာတွေကို မခံစားရဘဲ တော်တော် ကျန်းမာပါတယ် ။ သွာနိုင်လာနိုင်သလားမမေးနဲ့ နေပြည်တော် ပရောဂျက် အတွက် ရန်ကုန် ပျဉ်းမနား ကူးသန်းနေတာ ကိုယ်ဝန် 7လမှာ လှေကွင်းတောင် ကိုတောင်တက်နိုင်ပါသေးတယ် ။
အဲဒီ အခေါက် ၀န်ကြီးဦးကျော်ဆန်း အိမ်မှာ ပြူတင်းခန်းဆီးအတွက်တက်တိုင်းတာ ခြေချော်ကျလို့  ဒဏ်ရာတွေနဲ့ ရန်ကုန်ပြန်လာမှ အမျိုးသားကစိတ်တွေဆိုးပြီး မန်နေဂျာ ကို နောက်တခါ ပျဉ်းမနားလွှတ်ရင် အလုပ်ထွက်ခိုင်းမယ်ပြောမှ မသွားရတော့တာ ။ ဒါတောင်မှ မွေးတဲ့နေ့အထိ ရုံးတက်နေသေးတယ်။

သားလေးကို ရိုးရိုးဘဲ မွေးပါတယ် ။ တကယ်နာချိန် က တနာရီခွဲပါ ။ ညကြီး 2နာရိလောက်မှာ ဗိုက်နာသလို ၀မိးသွားချင်သလိုဖြစ်တော့ အစက ၇ုံးမှာစားခဲ့တဲ့ အသုပ်ကြောင့်လားရယ်လို့ တွေးမိသေးတယ် နောက်မှ အိုဂျီပြောတဲ့ ဂျူးဒိတ်ဖြစ်နေတာ နဲ့ လန့် သွားတယ် ။ အမေ့ကို နှိူးပြောတော့  စနေ နေ့ကြီး မမွေးနဲ့ဦး အောင့် ထားဆိုပြီးစိတ်ပြောင်းဘို့  ဟိုဟို ဒီဒီ လျှောက်ပြောနေတယ် ။စိုးရိမ်တတ်တဲ့သူ ကတော့  ဆေးရုံပို့ဘို့ ကားခေါ်လာပါတယ် ။ ဆေးရုံရောက်လို့  ၃နာရီ တွန်းလှည်းပေါ်တက်မှ နာလိုက်တာ စအော်တော့တာဘဲ ။ ၄ နာရီ ခွဲမှာမွေးပါတယ် ။စနေသား နေတက် ပါ ။

ဂန္ဒီဆေးရုံ အစိုးရဆေးရုံ ဆိုတော့  ဆရာဝန်လေးတွေ ဆေးကျောင်းသားတွေ အတွေ့ အကြုံ ရအောင်ဆိုပြီးတယောက်ပြီးတယောက် စမ်းလိုက်ကြတာ အောင်မလေး အရှက်ကုန် ဆိုတာဒါဘဲ လို့ ..။

မွေးရတာလွယ်ပေမဲ့ နို့ ကမထွက် ။ နပ်စ် ငှားထားပေမဲ့ ဘယ်လိုနေသေးလဲ ဘယ်လိုမှမနေဘူးဆို စားစရာရှိတာစား အပြင်ထွက် စကားပြောနေတော့တာကိုး ။ မိခင်နို့ တိုက်ရမဲ့စီမံချက်ပေမဲ့ နို့ ထွက်အောင်ကတော့  အရပ် ပါးစပ်နဲ့ဘဲ နွားမြီးသောက် ဘာသောက်ပေါ့ လေ။
ကလေးတခါမွေး အရပ်ပါးစပ်နဲ့ ရိုးရာတွေကအများသား။ ဒါတောင် ဟိုးအရင်က အုတ်ခဲ ဖင်ခုထိုင် တာတွေ ဘာတွေ ရှိသေးတာ ။

ဒီလိုနဲ့ဆေးရုံကဆင်း နို့ ကလဲ မထွက် တချက် ထွက်တချက် နဲ့ 45 ရက်မှာ အလုပ်ပြန်ဆင်း၇ရော ။
ကလေး ငယ်ငယ် အလုပ်တဘက်နဲ့ ပင်ပန်းတော့  နောက်ထပ်မမွေးတော့ပါဘူးရယ်လို့တွေးထားတာ ။

သားလေး ကတိမ်းကပါးဖြစ်သွားတော့ ...ရင်နဲ့ အမျှလေ ။

ဒါပေမဲ့ ကလေးမလိုချင်တော့ဘူး ။ မိဘ ဆွေမျိုး ယောင်္ကျားကတော့ မွေးပါ မွေးပါနဲ့ ။
မွေးမယ် ဆိုပြီး စလုံး က အလုပ် စိတ်ဖိစီးမှူကြောင့်ထင့်  မ၇နိုင် ။ အလုပ် အသစ်ပြောင်း ပြီးမှ ရတယ် ။ အလုပ် ကညီမလေးတယောက်က အမ အမူးပြေပြီ ဆိုပြီး ထန်းပင်မော့ကြည့်ပြန်ပြီလားတဲ့ ..။
ဒီတခါ အသက်က 34 -35 ၀န်းကျင် ဆိုတော့  အသက်ပဲကြီးလို့ လား ။ စလုံးမှာ အလုပ်တဘက် နဲ့ ဖြစ်လို့ လားမသိ ။တော်တော် ပင်ပန်းပါတယ်။
ဒါတောင် ပေါ့ပေါ့ပါးပါးနေတတ်တဲ့သူဆိုတော့  ရုံးကလူတွေကတောင် နင်ကိုယ်ဝန်၇ှိတာ ဘာမှလဲ မဖြစ်ပါလားနဲ့ ။
ဒါပေမဲ့လေ ညဘက်ဆို ကိုယ့်အသွေးအသားတွေ စုပ်ထုတ်ယူသွားသလို ခြေကုန်လက်ပန်း ကျနေတတ်တယ် ။

PS: ရုံးဆင်းချိန်ရောက်ပြီမို့ နောက်မှဆက်ပါဦးမယ် ။

3 comments:

  1. ကလေးရတာ ကံကောင်းတယ်။ မရနိုင်တဲ့ သူတွေ၊ ခဏခဏ ပြောက်ပျက်သွားသူတွေက အလွန်းပဲများပါတယ်။

    ReplyDelete
  2. ခုတော့ မိဘစကားနားမထောင် သမီးတစ်ကောင်နဲ့ တို့လို့တွဲလောင်းဖြစ်နေပြီပေါ့ ... ဟုတ်စ။ အစ်မလဲအသက် ၃၃-၃၄ပဲ သမီးကိုမွေးတော့။ Morning sickness ဆိုးချက်တော့။ ခုမှပဲ သန္တာရဲ့ ဘလော့ဂ်ကိုရောက်တော့တယ်။ ဆက်ဖတ်လိုက်ဦးမယ်။ ရေးထားတာ သွက်သွက်လေး (ကိုယ်နဲ့စတိုင်တူး)) စိတ်ဝင်စားဖို့ကောင်းပါတယ်။

    ReplyDelete
  3. Go read "Girl for Gold" from my blog...(Advertising)....:P

    ReplyDelete