[X] Choose Font Here

Tuesday, October 11, 2011

ရောက်တတ်ရာရာ

ဒီရက်တွေ မိုးကရွာတော့ လွမ်းချင်သလိုလို ။

အဲ ချစ်တဲ့သူတွေက ကိုယ့်အနားမှာ ဆိုတော့ ဘယ်ကို လွမ်းရပါ့ ..ဟိုသိချင်းလေးထဲကလို ~~~ဘယ်ဆီသို့ ဘယ်ညာသို့ ~~ မှန်းဆကာ လွမ်းရသည် ဆိုသလိုဘဲ ။

လွမ်းသာ လွမ်းချင်တာ အိမ်မှာတော့ လွမ်းစရာ အချိန်မရှိပါဘူးလေ ။ မိဘရယ် သမီးလေးရယ် ယောကျားရယ်နဲ့ ပတ်ချာလည်နေတာ နှစ်ကိုယ်တောင်ခွဲထားလိုက်ချင်သေး.........

အဲ ရုံးမှာ လွမ်းမယ်ဆိုတော့ ရုံးချိန်ကြီးတောက်လျှောက်တော့ မလွမ်းအားဘူးလေ ။ အားရင်အားသလို ရုံးချိန်ခိုးပြီး အခန်းဆက်ကလေးနဲ့ လွမ်း၇တာဆိုတော့ ဟိုရောက် ဒီရောက်ပေါ့ ။
တကယ်တော့ ဒီရက်တွေမှာ ကိုယ့်မွေးရပ်မြေ မဟုတ်ပေမဲ့ ငယ်စဉ်ကာလမှာနေခဲ့ရတဲ့ မြို့လေးကိုလွမ်းနေခဲ့ပါတယ်။

ဒီအချိန် ဘယ်မှာ ရေကြီးကြီး မိုးရွာရွာ စလေ ဆိုတဲ့ မြို့နဲ့လေးကတော့ သိပ်ပြီး မဆိုင်သလိုပါဘဲ။ တနှစ်လုံး မိုးရေချိန် ၂၁ လက္မနဲ့ မိုးအနည်းဆုံးမြို့လေးမဟုတ်လား ။ အဲ ထူးထူးဆန်းဆန်း မိုးတွေရွာမှဖြင့် ကျောင်းလဲပိတ် ဈေးလဲပိတ် အားလုံး ဘာမှမလုပ်တော့ဘဲ နားကြတာကလား ။

၁၉၉၅ ကထဲက ခွဲခွာလာတဲ့ အဲဒီမြို့လေးကို စိတ်ကူးထဲမှာ ပုံဖော်ရင်း လွမ်းနေမိတယ်လေ ။ လွမ်းသာ လွမ်း၇တာ တချို့တွေက ပုံဖော်မရအောင် ဝေေ၀၀ါးဝါးရယ် ။

တကယ့်တကယ်လွမ်းမယ်ဆိုတော့ သူငယ်ချင်းတွေလား ။ဒါဆို စိတ်တူ ကိုယ်တူ သူငယ်ချင်းရယ်လို့ လွမ်း၇မှာ နှစ်ယောက်လားရှိတယ်။ ကျန်တဲ့ သူငယ်ချင်းတွေထဲ ယောင်္ကျားလေး တွေဆိုရင် တခြားမြို့တွေ မျာ သွားအလုပ်လုပ် အခြေချရင်ချ မဟုတ်လို့ စလေမှာ ကျန်တဲ့သူများ သွားမမေးနဲ့ သေပြီးသားဘဲ ဆိုသလို ကိုယ်နဲ့ ရွယ်တူတန်းတူ တွေ အသေအပျောက်များလှပါတယ် ။ မိန်းကလေး သူငယ်ချင်းတွေထဲမတော့ စိတ်တူ ကိုယ်တူ ငါးယောက်ပေါင်းခဲ့တာ သုံးယောက် က အပျိုကြီးမှာ ဒီစလုံးမှာ အပျိုကြီးတယောက်နဲ့ မယ်သံပေါ့ ။ ရန်ကုန်မှာ အိမ်ထောင်ကျတာတယောက်နဲ့ စလေမှာ ကျန်နှစ်ယောက်ပေါ့ ။အဲဒီနှစ်ယောက်ကတော့ သေချာတယ် အပျိုကြီးဘဲ လုပ်တော့မှာ ဒီစလုံးကတယောက်တော့မသိ ။

မြို့လေးကို လွမ်းတယ်ဆိုပေမဲ့ ဘာကိုလွမ်းရမှန်းမသိအောင် ထူးထူးခြားခြားတော့ရှိဘူးရယ်။ မရှိဆို မိဘတွေက ကျောင်းပြီးတော့ စလေစက်ရုံမှာ အလုပ်ဝင်ဆိုတော့ မနေချင် မ၀င်ချင်တော့ လို့ တောင် အတိုက်အခံလုပ်ပြီး ရန်ကုန်ဆင်းအလုပ်လုပ်ခဲ့ရတာလေ ။

ရန်ကုန်မှာ အလုပ်လုပ်ရင်း မအားလို့မပြန်နဲ့ ကျောက်ဆည်မှာ ကျောင်းဆကတက်တော့မှ စလေကို ရက်ကြာကြာ ပြန်ခဲ့ဘူးတယ် ။ ပြီးရန်ကုန်မှာပြန်အလုပ်လုပ် မိဘတွေလဲ ပင်စင်ယူပြီးကိုယ့်ဆီမှာလာနေတော့ စလေကိုပြန်ဘို့ အခွင့်အရေးမရှိတော့ဘူးပေါ့ ။

စလေက စီးပွားရေးဖွံ့ ဖြိုးတဲ့မြို့မဟုတ်တော့ တည်းခိုခန်းလဲ မရှိဘူးလေ။ စက်ရုံလာတဲ့လူကြီးတွေအတွက်တော့ Guest House ရှိတာပေါ့  ။ကျန်တဲ့သူတွေတော့နီးစပ်ရာ အိမ် ဘုန်းကြီးကျောင်းတွေမှာတည်းရတယ်။ အဲ မယ်သံတို့ ငယ်ငယ်တုန်းကတော့ ဇရပ်တွေမှာလဲ တည်းလို့ရပါတယ် ။

အစားအသောက် ကိုလွမ်းမယ်ဆိုရင်တော့ လွမ်းစရာ ကအပေါသား ။
အထူးသဖြင့် လွမ်း၇မှာကတော့ မုန့်ပြားသလက်နဲ့ အကြော်စုံပေါ့လေ။ ရန်ကုန်မှာမှ မရနိုင်တာ ။

ရန်ကုန်မှာ အကြော်ဆို ဘယ်မှာမှ မကောင်းလွန်းလို့ အင်းလျားမှာ နာမည်ကြီးတဲု့အကြော်သွားစားတာ တစက်မှကောင်းဘူး ။ အင်းလျားများတော့ လမ်းလျှောက်လဲ လူရှောင်ရ ၊ အစားအသောက်ကြလဲ ဈေးကြီးပြီးမကောင်း ၊ ထိုင်လဲ ခြင်ကိုက် မယ်သံတော့ မကြိုက်ပေါင် ။ ချစ်သူ ရည်းစားရတာတောင် အင်းလျားတော့ မသွားခဲ့ဘဲ ။
အဲ ဒါပေမဲ့ မာတာမေမေ ကတော့ သိပ်ကြိုက် .............
မယ်သံ ရန်ကုန်မှာ အလုပ်လုပ်နေတာတောင် သူ စာစစ် သင်တန်းတက်လာရင် သမီးဆီမတည်းဘူး ။ ပြည်၊ပုဂံ။တကောင်းမှ ပြည်၊ပုဂံ တကောင်း ဘဲ ။
တခါသား မယ်သံ က သီရိမင်္ဂလာဈေး ဆောက်တဲ့ဆီမှာ အလုပ်လုပ်နေချိန် သူရန်ကုန်လာတော့ သမီးနဲ့ အတူ အင်းလျားသွားချင်တယ်ဆို တော့ အလုပ်ကစောလစ်ပြီး အမေ့ကို အဲမှာ သွားခေါ်ရပါတယ် ။ ဆိုဒ်ထဲကလာတာ လူက စုတ်ပြတ်နေတဲ့အပြင် မောနေပါသေးတယ် ။
ဟော အမေ့ဆီရောက်တော့ ပြင်လို့ ဆင်လို့ မပြီးသေးဘူးဗျား ။ ဒီဟာဝတ်လိုက် အဆင်မပြေလို့ ချွတ်လိုက်နဲ့ အင်းးးးးးးနှူတ်ခမ်းဆိုး မျက်ခုံးဆွဲက လုပ်ရသေးသကိုး ။
ပြီး ပြည်ပုဂံ တကောင်းကနေ အင်းလျားကို ကားစီးရင် ၂မှတ်တိုင်ဟာကို အင်းလျားဆိုတာ ဒီ မိန်းထဲက ခြေလျင်လျှောက်မှ အရသာရှိတာဆိုပြီး ဒါ က ပုဂံလမ်း ၊သထုံလမ်းနဲ့ သူ ကျောင်းတက်တုန်းက အဖေ က အင်းစိန် ဂျီတီအိုင် ကနေ ဘယ်လိုလာတာ နဲ့  ပြောလိုက် လမ်းမှာ အသိ ဆရာဆ၇ာမတွေနဲ့ တွေ့ ရင် စကားရပ်ပြောလိုက်နဲ့ အတော် ကို စိတ်ကို ဆွဲဆန့်ထားရတာပေါ့ဗျာ ။
အဲ အင်းလျားရောက်လို့ မောမော ဗိုက်ဆာဆာ နဲ့ စားတော့မယ်ဆိုပြီး မှာ လိုက်တာ ဘာမှ ကို မကောင်းပါဘူး ။ ဒီဆိုင်မကောင်းလို့ ဆိုပြီးနောက်တဆိုင်ပြောင်းလဲ အဲလိုပါဘဲ ။

အဲ အဲ စလေ အစားအသောက်ရေးရင်းက မဆီမဆိုင် အင်းလျားရောက်သွားတယ် ။အမေ နဲ့ မယ်သံလဲ သားအမိပေမဲ့ အဲလို ရင်ဘတ်ချင်းမနီးတော့ ခံစားချက်ချင်းမတိုက်ဆိုင်ဘူးရယ် ။ မနက်ဖြန် သိတင်းကျွတ်မှ ပေါင်းပြီးတောင်းပန် ကန်တော့မယ်နော် ဟီးဟီး။

မုန့်ပြားသလက် ကို အဖြူနဲ့ အနီ ပေါ့ ။ အနီကတော့ ထညက်နဲ့ လုပ်ထားတဲ့ အချိုပါ ။ အဖြူကတော့ ပုံမှန်ဆို ပဲလွန်းထဲ့တာ ။ ပဲပြုတ် ကြက်ဥ ဆူးပုပ် နံနံပင် စတာတွေ ထဲ့စားတယ် ။ မယ်သံ တို့ကတော့ အဖြူကို အကြော်နဲ့ သုပ်စားတာများပါတယ် ။
နောက် တမျိုးက မုန့် ဖတ်သုပ်ပါ ။ စလေ ၀က်အူချောင်းကလဲ ကောင်းမှ ကောင်းပါဘဲ ။ မရွေး မုန့်သြဇာ အချိုမုန့်တွေပေါ့ ။

အဲ စလေမှာ နာမည်ကြီးတဲ့ အစေ့လွတ် ဇီးသီး ကလဲ တကယ်ပါဘဲ ။ ဇီးပင် တပင်မှာ ဆိုက်စုံ သီးတာပါ ။ ပြာသို တပို့ တွဲ မှ စပေါ်ပါတယ် ။အဲဒီမျိုးကို ယူပြီး မကွေးကခြံမှာစိုက်တာ အစေ့ ပြန်ပါလာပါတယ် ။ ဘယ်လိုရယ်တော့မသိ ။ ငယ်တုန်းကတော့ ဇီးသီး ကို ပေါကလဲပေါ ဆိုတော့ အရူးမှစားတာနဲ့ ပြောကြတာ ။ တကယ်တော့ အဲဒီ ဇီးစိ လေးတွေ က နှလုံး ကို ငြိမ်စေနိုင်တာပါ ။ စလေ ဇီးဖျော်ရေ ဆိုတာ နာမည်ကြီးပါဘဲ သူက chemical မပါတော့ကာ အမြဲတမ်းမရပါဘူး ရန်ကုန်ဘက်ကိုလဲ ဆင်းမလာပါဘူး မန္တလေး ကနေ တရုတ်ကို တိုက်ရိုက်သွားပါတယ် ။ ဇီးတနှစ် မကျီးတနှစ်လို့ ဆိုရိုး၇ှိပါတယ် ။ ဇီးပေါတဲ့နှစ် မကျီးရှားတဲ့သဘောပါ တလှည့်ဆီပေါ့ ဘာဆိုင်လဲတော့မသိပါဘူး ။
တခုသဘောကျတာကတော့ ရာသီစာ တရာသီ ကို တမျိုး ၇ှိတာပါ ။ တရာသီ ကို တမျိုး ပေါပေါများများ လတ်လတ်ဆတ်ဆတ် စားရတဲ့ အရသာပါ ။ ရန်ကုန်မှာတော့ ဒီအရသာ မရှိပါဘူး ။ အားလုံး ကို ၀ယ်စားရတာဆိုတော့ ပေါပေါများများ ဆိုတဲ့ အရသာလဲ မ၇ှိဘူးပေါ့ ။တတ်နိုင်ရင်တောင်မှ အိမ်စားဘဲ ၀ယ်ကြတော့တာပါ ။
အထူးသဖြင့်ကတော့ သားရေစာ ကို အိမ်မှာ အိမ်နီးချင်းတွေနဲ့ ရောက်ရာ ပေါက်ရာပြော ပြီး စုစပ်စားဘို့ဝေးလို့ မိသားစု အတူစားဘို့ အချိန်ရှားလှပါတယ်။ သားရေစာ စားချိန် အများစုက လမ်းမှာ အပြင်မှာ ရှိကြတာကြောင့် အစားအသောက်ဆိုင်တွေလဲများနေတာပါ ။ လတ်လတ်ဆတ်ဆတ် ဆိုတာလဲ ရန်ကုန်မှာက ရာသီစာ ၇ှိပေမဲ့ ၁၂ရာသီစာလဲ အချိန်မရွေး ရနိုင်ပါတယ် ။ခုလုပ်ခုစားတော့ မဟုတ်ပြန်ဘူး ၊ အဲ ဘေးထွက်သွားပြန်ပြီ။ ရန်ကုန် သူ၊သားတွေတော့ အမြင်ကတ်နေတော့မှာ..........................

အမှန်တော့ ငယ်ဘ၀ နှစ်ပေါင်းများစွာနေလာတဲ့ နေရာရဲ့ သဘာဝ အလေ့အထတွေ က ရေးမယ်ဆို ရေးစရာမှ အများကြီး ။

ရောက်တတ်ရာရာ တွေးတောရင်း ရေးချလိုက်လို့သာ တကယ်ဆို ပုံလေးတွေ အစားအစာဆို အရသာ ပြုလုပ်ပုံ ပုံလေးတွေနဲ့ သေချာ တင်ထားချင်တာ ။ ဒါမှ သမီးလေးကြီးလာရင် အမေတို့ အညာက ဘယ်လို ဆို ပြီး ပြောပြ လို့ သူစိတ်ဝင်စားမှာ ။ အင်တာနက်ထဲ ပုံတွေရှာ ကြိုးစားရဦးမှာ ။ အညာကိုပြန်လည်ဘို့ ကတော့ေ၇ွှငုံးမင်းအမြီးမျှော်သလိုဘဲ ။ ဘာကြောင့် အောက်ပြည်အောက်သားကို ယူမိလဲ မသိ ။

အင်းးးးမယ်သံလဲ ဘာကိုဘဲ ရောက်တတ်ရာရာတွေးတွေး နောက်ဆုံးတော့ ဒီယောင်္ကျား ဒီသမီး ကိုတွေးပြီး ဇာတ်လမ် ဆုံးတော့တာဘဲ ။ ဒီလိုနဲ့ သံသရာလည်ဦးမှာလား ကြောက်လှပါတယ်။

Monday, October 10, 2011

လှူတော့ လှူပါရဲ့(Author: Dhamma Yanant )






ဒါနတော ဘောဂဝါ - “လှူရင် ချမ်းသာမယ်” တဲ့။ လှူလိုက်တယ်။ အကျိုးဆက်ကြောင့် ချမ်းသာတယ်။ ဒါပေမယ့် ချမ်းသာခြင်းနဲ့အတူ ပြည့်စုံမှုအားလုံးကို ဘာကြောင့် ဆွဲမခေါ်နိုင်ခဲ့ရတာလဲ။ လှပခြင်း၊ သြဇာကြီးခြင်း၊ လိုတရခြင်း၊ ရောဂါကင်းပြီး ကောင်းတာတွေကို စိတ်တိုင်းကျ သုံးဆောင်ရခြင်း၊ ရန်သူမျိုးငါးပါး မဖျက်ဆီးနိုင်ခြင်း… ဒါတွေမပြည့်စုံဘဲနဲ့ရော မိမိရဲ့ ချမ်းသာကြွယ်ဝမှုက အဓိပ္ပါယ်ရှိမှာလား။ ပိုက်ဆံတစ်ခုတည်းရှိပြီး ဒီအချက်တွေ ကင်းကွာနေရင် ဘယ်လိုလုပ် စိတ်ချမ်းသာနိုင်ပါ့မလဲ။ ကိုယ့်မှာမရှိတာတွေ သူများမှာရှိနေတာကိုမြင်ပြီး (ငွေနဲ့ ၀ယ်မရတဲ့ အရာတွေကို) ၀ယ်ယူဖို့ ကြိုးစားရင်း ဣဿာတွေ ထိန်းမရဖြစ်ပြီးတော့ အပါယ်လေးပါးမှာပါ ခေါင်းမြုပ်သွားနိုင်ပါတယ်။ ဒီတော့ မိမိတို့ ပုထုဇဉ်တွေ မကင်းနိုင်သေးလို့ သံသရာခရီးကို လျှောက်ရတဲ့အခါ ကျော့ကျော့လေး ဖြတ်သန်းနိုင်ဖို့ ချမ်းသာပြည့်စုံခြင်းရဲ့ အကြောင်းတရားတွေ ရှာကြည့်ရအောင်…။
(၁)ချမ်းတော့ချမ်းသာပါရဲ့ ရုပ်ကဆိုးနေတာ ဘာကြောင့်ပါလိမ့် ? ။
“သဒ္ဓါတရားနဲ့ မလှူခဲ့လို့ပါ” တဲ့။
သဒ္ဓါယ ဒါနံ ဒေတိ = ဘုရား၊ တရား၊ သံဃာနဲ့ ကံ၊ ကံရဲ့အကျိုးတွေကို ယုံယုံ ကြည်ကြည် သဒ္ဓါတရားနဲ့ လှူခဲ့မယ်ဆိုရင်... (ယတြာချေသလို လှူတာ မဟုတ်ဘူးဆိုရင်) ဥစ္စာပေါ ရုပ်ချော ဖြစ်ပါလိမ့်မယ်တဲ့။

(၂)ချမ်းတော့ချမ်းသာပါရဲ့ကိုယ့်သားသမီး တပည့်လက်အောက်ငယ်သားတွေကို ပြောမနိုင်ဆိုမနိုင် ဖြစ်နေရတာ ဘာကြောင့်ပါလိမ့် ? ။
“ရိုရိုသေသေ မလှူခဲ့လို့ပါ” တဲ့။
သက္ကစ္စံ ဒါနံ ဒေတိ = အလှူခံပုဂ္ဂိုလ်တွေကို ရိုရိုသေသေ လှူခဲ့မယ်ဆိုရင်... ကိုယ်ပြောသမျှ အောင်မြင်ပြီး ဘယ်သူ့အပေါ်ပဲဖြစ်ဖြစ် သြဇာငြောင်းပါသတဲ့။

(၃)ချမ်းတော့ချမ်းသာပါရဲ့ လိုတာမရ ရတာမလို ဖြစ်နေရတာ (ငွေပေးဝယ်လို့မရတာ) ဘာကြောင့်ပါလိမ့် ? ။
“ကာလဒါန မပြုခဲ့လို့ပါ” တဲ့။
ကာလေန ဒါနံ ဒေတိ = လိုတဲ့အချိန်မှာ လိုတဲ့ပစ္စည်းကို လိုသလို လှူခဲ့မယ်ဆိုရင်... ကိုယ်လိုတာကိုလည်း လိုတဲ့အချိန်မှာ လိုသလို ရပါလိမ့်မယ်တဲ့။

(၄)ချမ်းတော့ချမ်းသာပါရဲ့ ကောင်းတာတွေနဲ့ မတဲ့တာ (သွေးတိုးရှိလို့၊ ဆီးချိုရှိလို့ ဟိုဟာမတဲ့၊ ဒီဟာမတဲ့ ဖြစ်ရတာ) ဘာကြောင့်ပါလိမ့် ? ။
“မကောင်းတတ်လို့ဆိုပြီး လှူခဲ့ကြလို့ပါ” တဲ့။
အနုဂ္ဂဟိတ စိတ္တေန ဒါနံ ဒေတိ = အလှူခံပုဂ္ဂိုလ်ရဲ့ ဂုဏ်ကို အာရုံပြုပြီး ချီးမြှောက်လိုသောစိတ်နဲ့၊ မငြိကပ်ဘဲ လှူခဲ့မယ်ဆိုရင်... ကိုယ်စားချင်တာ၊ ကောင်းတာတွေနဲ့ တည့်ပြီး ကောင်းတာတွေ သုံးဆောင်ရပါသတဲ့။

(၅)ချမ်းတော့ချမ်းသာပါရဲ့ ရန်သူမျိုး ငါးပါးရန်က မလွတ်ကင်းတာ ဘာကြောင့်ပါလိမ့် ? ။
“ဂုဏ်တုဂုဏ်ပြိုင်လုပ် လှူခဲ့လို့ပါ” တဲ့။
အတ္တာနဉ္စ၊ ပရဉ္စ အနုပါဟစ္စံ ဒါနံ ဒေတိ = မိမိဂုဏ်ကိုလည်း မဖော်၊ သူတစ်ပါးကိုလည်း မနှိမ့်ချ၊ ဘယ်သူ့ကိုမှ မထိခိုက်ဘဲ မာနကင်းကင်းနဲ့ လှူခဲ့မယ်ဆိုရင်... ရေ, မီး, မင်း, ခိုးသူ, အမွေခံဆိုးတို့ရဲ့ ရန်က ကင်းပါသတဲ့။

ဒါကြောင့် ...

ချမ်းချမ်းသာသာ၊ လှလှပပ၊
သြဇာတိက္ကမ၊ ကြီးလွန်းလှ၍၊
လိုရာရပြန်၊ အကောင်းမှန်သမျှ၊
သုံးဆောင်ရသည့် ကင်းပရန်သူ
ဖြစ်ရန်မူကား....
ကြည်လင်သဒ္ဓါ ရိုသေစွာဖြင့်
လိုရာကိုရွေး ချီးမြှောက်ပေးကာ
ငါမှလှူနိုင် ဂုဏ်မပြိုင်ဘဲ
ဉာဏ်ဖြင့်စွဲလျက်၊ ကျိုးရင်းဆက်ကို၊
သိလျက်ရွှင်လန်း နိဗ္ဗာန်မှန်းကာ
လှူပါစေသောဝ် လှူစေသောဝ်....။

8:47 AM
Author: Dhamma Yanant (http://dhammayanantmm.blogspot.com/2010/01/blog-post.html)

Sunday, October 9, 2011

အိမ်ကလေး ( ၇ )....နေ၀င်းမြင့်


ထူးဆန်းသော တိုက်ဆိုင်မှုလို့သာ ဆိုရတော့မည်။ သည်ဝိုင်း တိုက်ထဲမှာ မိသားစုကြီးနှစ်စုရှိ၍ ထိုမိသားစု နှစ်စု၏ အိမ်ဦးစီး များ၏ အမည်များမှာ တိုက်တိုက်ဆိုင်ဆိုင် ချစ်စနိုးအမည်များ ဖြစ်နေခြင်းကြောင့် ဖြစ်ပါသည်။ တစု၏ အိမ်ထောင်ဦးစီးများက ဦးကြွက်နီ၊ ဒေါ်ခွေးပုဖြစ်၍ နောက်တစုက ဦးကျွဲ၊ ဒေါ်ယုန် ဖြစ် သည်။ ဦးကြွက်နီနှင့် ဦးကျွဲက ညီအစ်ကိုအရင်းဖြစ်သည်။ ဦး ကြွက်နီနှင့် ဦးကျွဲတို့၏ မိဘနှစ်ပါးကို ရပ်ကွက်က မမီလိုက်ကြ သော်လည်း သည်မိဘများက သည်ဝိုင်းကြီးနှင့် အိမ်ကို အမွေ အဖြစ် ထားရစ်ခဲ့တာကိုတော့ သိကြသည်ချည်းဖြစ်၏။ ဦးကျွဲက ဒေါ်ယုန်နှင့် အိမ်ထောင်ကျပြီး သားသမီးရှစ်ဦး မွေးသည်။ မစီ၊ မရီ၊ မနီ၊ မသီ၊ သံဒိုး၊ ကျောက်ခဲ၊ မစိုးနှင့် မမျိုးတို့ ဖြစ်သည်။ ဦးကြွက်နီ ဒေါ်ခွေးပုက သားသမီးငါးယောက်။ သားကြီးက အောင်သိန်း၊ ဒုတိယက အောင်ငြိမ်း၊ ကျန်တာက သမီးတွေ မဆင့်၊ မတိုး၊ မထွေး။ သားနှစ်ယောက်ရပြီး မမွေးတော့ဘူး အောက်မေ့သည့်ကြားက ထပ်ဆင့်မွေးလာသူကို မဆင့်၊ နောက်တယောက် တိုး လာတော့ မတိုး၊ နောက်ဆုံးတယောက် ထင်ပါရဲ့ဆိုပြီး မွေးလာသူက မထွေး။ ဤသို့အားဖြင့် သည်ဝိုင်းတိုက်ထဲ မှာနှစ် မပေါက်ဖြစ်သော ညီအစ်ကိုမောင်နှမတွေ ဆယ့်သုံးဦး ရှိလာ ခဲ့သည်။ ကျတော် ပြန်လည် ရေတွက်ပြပါမည်။ မစီ၊ မရီ၊ မနီ၊ မသီ၊ သံဒိုး၊ ကျောက်ခဲ၊ မစိုး၊ မမျိုး၊ အောင်သိန်း၊ အောက်ငြိမ်း၊ မဆင့်၊ မတိုး၊ မထွေးပေါင်းဆယ့်သုံးယောက်။
စင်စစ် ဝိုင်းတိုက်ဆိုသော်လည်း ဝိုင်းက ကျယ်လှသည်မဟုတ်။ ရှိလှရင် ပေ ၃ဝ ပတ်လည်။ ပြီးတော့ ထောင့်စပ်စပ် ညီ ညီညာညာ မဟုတ်။ ဒန်ဖလားဟောင်းတလုံးအား ကြိတ်ပြီး ပစ်ထားတာမျိုး ဖြစ်သည်။ ပိန်သည့်နေရာက ပိန်၊ချိုင့် သည့်နေရာကချိုင့်။ အဆိုးဆုံးကတော့ ရပ်ကွက်လယ်က ဝိုင်းတိုက်ဆိုသော်ငြား ထွက်လမ်းမရှိ။ ဟိုကဖောက်ထွက်၊ သည်ကတိုးထွက်၊ ဟိုအိမ်နဲ့ ရန်ဖြစ်တော့ သည်ဘက်က ထွက်။ သည်အိမ်နဲ့ မတည့်တော့ ဟိုဘက်ပန်း၊ သည် လိုနှင့် နှစ်တမ်းတွေ ကြာခဲ့သော်လည်း ထွက်စရာမရှိလို့ မထွက်ရလေခြင်းမရှိ။ သည်လိ်ုနေခဲ့ကြရာက ညီအစ်ကိုနှစ် ဦးဖြစ်သော ဦးကြွက်နီနှင့် ဦးကျွဲသည် လည်းကောင်း၊ ဦးကြွက်နီ၏ဇနီး ဒေါ်ခွေးပုသည် လည်းကောင်း သူငါကစလွန် ဆန်မရသည့် မရဏမင်း သူ့လက်တွင်း သို့ သက်ဆင်း ကျရောက်ခဲ့ကြသည်ဖြစ်ရာ ကြွင်းကျန်သော ကလာပ်ရုပ်အ ကျန်ကို သုသာန်မှာ သဟာယတစုနှင့် ဈာပန ပြုပြီးသည့်အခါ တဆယ့်သုံးဦးသော နှစ်မပေါက် အမျိုးကောင်းသား၊ အမျိုးကောင်းသ မီးသည်မောင်နှမတသိုက်ကို အကြီးအမှူးအဖြစ် ကျန်ရစ်ရှာသူ ဒေါ်သူကသာ ပဲ့ပဲ့စီးစီး ကြည့်ရူနေခဲ့သည်။

“မင်းတို့မိဘများ မရှိကြတော့ပေမယ့် သည်ဝိုင်းနဲ့ အိမ်က မင်းတို့လည်း ဆိုင်တယ်၊ သည်တော့ မောင်အောင်သိန်းတိ်ု့က ကြီးတော်တို့နဲ့ပဲ သည်ထဲ နေကြပေါ့၊ မင်းတို့မောင်နှမဆန္ဒပဲ၊ မင်းတို့က ပိုင်းပါဆစ်ပါဆိုရင်လည်း ပိုင်းကြ၊ ကြီးတော် ကငွေရာယ်လို့လည်း မအမ်းနိုင်ဘူး၊ သည်တော့ မင်းတို့ဆိုင်တဲ့အမွေ မင်းတို့သဘောပဲ”

တရက်မှာတော့ ဒေါ်ယုန်က လင့်ဘက်က တူတော်သူ အောင်သိန်းကိုခေါ်ပြီး ပိုင်ဆိုင်မှုကိစ္စ ဖြတ်သည်။ ဝတ္တရားအ ရပြောကြရသော်ငြား ဘယ်သူကမှ ထွက်စရာ၊ ပိုင်းစရာမရှိ။ ကိုယ့်အိမ်ကိုယ်ဆောက်၊ ကိုယ့်ဝင်း ကိုယ့်တံခါး ထားနိုင်ကြ သူတွေမဟုတ်။ ဤဝိုင်းတိုက်၌ ဆင်းရဲခြင်းနှင့် မပြည့်စုံခြင်းတို့ တလှည့်စီ စံမြန်းကြသည်ဖြစ်ရာ နောက်ထပ်ထောင် ထားခြားနားလာမည့် “အတိဒုက္ခ” ဆိုတာကို မျှော်လင့်ဝံ့ကြသူတွေမဟုတ်။

နဂိုက သည်ဝိုင်းထဲမှာ ဘိုးဘွားတို့ ထားခဲ့သော နှစ်ထပ်အိမ်ကြီးတလုံးရှိခဲ့၍ သည်အထဲမှာ ကျဉ်းကျဉ်းကျုတ် ကျူတ်ခွေးတိုးဝက်ဝင် နေကြသူတွေ ဖြစ်သည်။ သည်တုန်းကတော့ ကလေးတွေက ငယ်ကြသေးတော့ အိမ်ပေါ်နေသ လိုလို၊ အိမ်အောက်နေသလိုလို၊ သစ်ပင်ရိပ် ကစားကြသလိုလိုနှင့် ပြီးခဲ့ကြသူတွေ။ သို့သော် ပထမမျိုးဆက် ကွယ်လွန်၊ ဒုတိ ယမျိုးဆက်ကလည်း အနိစ္စရောက်၊ တတိယမျိုးဆက်ကလည်း လူလုံးသူလုံးကြီးလာသည့်အခါမှာတော့ ငှက်လှောင်အိမ်ထဲ ဝက်ဝံတကောင်ထိုးသိပ်ထည့်တာမျိုး ဖြစ်လာတော့သည်။ သို့သော် သည်အိမ် ကိုပြင်ဝံ့သူမ ရှိ။ ပြင်နိုင်သူမရှိ။ သစ်တချောင်းကျိုး သစ်တချောင်းထည့်ဖို့တောင် အနိုင်နိုင်ဆိုသူတွေချည်းဆိုတော့ အိမ်ဟူသော အထည်ကိုယ်ဒြပ်သ ဘောမပျက်သရွေ့ ငါတို့ ရဲဝံ့စွာ နေနိုင်ဖို့သာ လိုသည်ဆိုသည့် သန္နိဋ္ဌာန်ဖြင့် အသီးသီး အသက အသက နေခဲ့ကြတာပဲ ကြာလှပေါ့။

ဤသို့အားဖြင့် ဂက်စ်မီးခြစ်များအတွက် ရွာရိုးကိုးပေါက် ဓာတ်ငွေ့ဖြည့်တင်းရေး လုပ်ကိုင်သော “ဂက်ထည့်ဆ ရာ” အောင်သိန်း သည်လည်းကောင်း၊ လေပုပ်ထုတ်ဆေး ရောင်းချသူ အောင်ငြိမ်းသည်လည်းကောင်း၊ ပွဲရုံတွေမှာ ပဲရွေး ဆန်ရွေးလိုက်ကြသူ မဆင့်၊ မတိုး၊ မထွေးတို့သည်လည်းကောင်း၊ ဆေးလိပ်ခုံက ဆေးလိပ်ကို နှုန်းတခုဖြင့် အိမ်ယူ လိပ်ကြသော မစီ၊ မရီ၊ မသီတို့သည်လည်းကောင်း၊ ဆေးလိုက်သုတ်ကြသော သံဒိုးနှင့် ကျောက်ခဲတို့သည် လည်းကောင်း၊ ရွှေချည်ထိုးလိုက်ကြသော မစိုးနှင့် မမျိုးတို့သည်လည်းကောင်း၊ မနက်မိုးလင်းသည်နှင့် အိမ်က ထွက်ကြ သည်ဖြစ်ရာ ဆေးလိပ်လိပ်ကြသူ အိမ်နေအိမ်ထိုင်များမှလွဲ၍ သည်အချိန်မှာ “အလုပ်သဘော” သိပ်မရှိ။

ဒေါ်ယုန်ကတော့ အသက် ရှစ်ဆယ်ကျော်ပြီ။ အရွယ်လွန် သားသမီးတွေကလည်း အိမ်ထောင်ရက်သားကျသူ ကျကြ ပြီ။ လင့်ဘက်ကတူ၊ တူမတွေကလည်း ဒေါ်ယုန့်တာဝန်ပေကိုး။ မင်္ဂလာရယ်လို့ တော့ဆောင်ပေးစရာမ လိုပါ။ ယောက်ျားသားတွေက မိန်းမသားများကို ကြက်ကလေး၊ ငှက်ကလေးများလို ဖမ်းလာကြကာ သမီး၊ တူမတွေက လည်း သက်ဆိုင်ရာယောက်ျားတွေကို န်စွန်းများလို ခူးဆွတ်လာကြခြင်းအားဖြင့် သည်ဝိုင်းတိုက်ထဲမှာ လူတွေ ထပ်တိုး လာခဲ့၏။ လက်ဖက်တရိုး၊ ဆေးတအိုးဖြင့် ယူခဲ့ကြသော်လည်း “သားချွေးမ၊ တူချွေးမ”၊ “သမီးသမက်၊ တူသမက်” တွေ ချည်းမဟုတ်လား။ ဒေါ်ယုန့်အတွက်ကတော့ အိမ်အိုကြီးပေါ် ထိုင်ရင်းက ဟင်းခွက်တိုးနေရလေ၏။ ထိုအစုံအစုံသော မိသားစုတွေက ထပ်မံပေါက်ဖွားလာကြကုန်သော ကလေးတွေကလည်း သည်အိမ်ကြီးနှင့် သည်ဝိုင်းထဲမှာ ပွက်ပွက်ကြီး ရိုက်လေသည်။ ဆိုင်ရာဆိုင်ရာမိဘတွေက မိုးဦးလေးဦး ဖားများဥချသလို မွေးသမျှ ဘယ်သူ ဘယ်သူ့ သားသ မီးရွေးဖို့ခက်လေ၏။

နေ့ခင်းနေ့လယ် သူထွက် ကိုယ်ထွက် ပြဿနာမရှိသော်လည်း ညဘက် လူစုံသည့်အခါမှာတော့ ဒေါ်ယုန်၏ ဝိုင်းနှင့် အိမ်မှာ သိဃုင်္ိဠ်ပြည်ကို မီးတင်ရှို့သော ဟာနုမာန်မျောက် တပ်ဖွဲ့ကြီး စီးမိသွားသလို ရှိလေသည်။

ပထမဆုံးတက်နေသည့် ပြဿနာမှာ အစာဟောင်းတို့ စွန့်ရာနေရာဖြစ်၏။ တိုင်လေးတိုင်စိုက်၊ ကပ်ဟောင်းကလေးမိုး ပြီး ဂုန်ုနီအိတ်ဟောင်း၊ မြွေရေခွံအိတ်ဟောင်းကို တံခါးသဖွယ် အသုံးချသော သည်အဆောက်အအုံက အရပ်ရှစ် မျက်နှာစုံပြီ။ လူပေါင်းများစွာတို့၏ အားကောင်းလှသော ထုတ်လုပ်မှုက နဂိုလျာထားချက် ထက် စောစောစီးစီး ပြည့်မီတာများလေတော့ သည်လေးတိုင်စင်ကို ရွှေ့ရတာပဲ အ်ိမ်ကို မြို့ပတ်ရထားကဲ့သို့ လက်ယာ ရစ်သုံးပတ်ပတ်မိ ပြီ။ ဒေါ်ယုန်၏ အိမ်သာ ကိုယ့်ဘက်ရောက်လာသည့် အိမ်နီးချင်းတိုင်းက ကုသိုလ်ကောင်းမှုတို့ မပြတ် ပြုနေသည့် ကြားက ရောက်လာသောဂြိုဟ်ဆိုးသဖွယ် မိမိအိမ်ဘက်မှသည် တခြားတပါးသော အိမ်ဘက် သို့ရောက်ရှိရေး နည်းအမျိုးမျိုးဖြင့် ကြံစည် ကြလေသည်။

သည်အိမ်သားတွေ ချက်ကြ ပြုတ်ကြတာကလည်း ပျော်စရာပင်ကောင်းသည်။ အသီးသီး အသက အသက အိမ်ဝဝိုင်း ဝရောက်ကြသည် နှင့် ပထမဆုံး မြေပြောင်ပြောင် ကွက်လပ်မှာ ချက်ချင်း ပြုတ်ခြင်း ဖြစ်သည်။ အိမ်နှင့် လွတ်သောမြေ ပြောင်ပြောင် ကွက်လပ်မှာ မီးဖိုကလေးတွေ ပွစာကြဲနေတတ်သည်။ သို့သော် သည်အိမ်၏ ထူးခြားချက် မှာ ဘုံဝါဒ ကျင့် သုံးကြခြင်း ဖြစ်၏။ အောင်သိန်းမိသားစုက ထမင်းအိုး၊ အောင်ငြိမ်းမိသားစုက သံဒယ်ပိုင်း၊ သံဒိုးကျောက်ခဲ ညီအစ်ကို က ယောက်မနှင့် မွှေဇွန်း၊ ယောက်ချို၊ မစီက လင်ပန်း၊ မရီက သောက်ရေအိုး၊ မနီ က သောက်ရေခွက်၊ မစိုး၊ မမျိုးတို့က ကျောက်စည်ပိုင်း၊ မဆင့်က သံပန်းကန်၊ မထွေးက ဆန်ကော ဆန်ခါ၊ မတိုးက ရေချိုးဖလား၊ ဓား၊ ဓားမ စသည်ဖြင့် အိမ်ထောင်ပစ္စည်း၊ မီးဖိုချောင်ပစ္စည်း အသီးသီး ဝယ်ယူကြပြီးဝိုင်းလယ်က တည်ပင်ကြီးအောက်က ထင်းရှူးပုံးကြီးထဲ ထည့်ထားကြရသည်။ ပထမဆုံးရောက်လာသည့် မိသားစုက ကိုယ့်မီးဖိုနေရာမှာ (မီးဖိုခွင်ကတော့ ဘုံမဟုတ်ပါ) စတင် ချက်ပြုတ်သည်။ အောင်သိန်း၏ ထမင်းအိုးဆိုသော် လည်း အောင်သိန်းပြီးမှ ချက်ရတာမျိုး မဟုတ်။ ဦးသူ ချက်စတမ်း။ ဒုတိယရောက်လာသူက ထမင်းအိုး မအားမှန်းသိ လျှင် အောင်ငြိမ်း၏ ဒယ်နှင့် ဟင်းချက်နှင့် ခွင့်ရှိသည်။

ထမင်းချက်ပြုတ်ဖို့ စတင်ရောက်လာသူက လက်ဆွဲခြင်းမှာ ထမင်းဟင်း ချက်ပြုတ်ပြီး လှယ်ယူဖို့ ချိုင့်လို၊ ပလတ်စတစ် ခွက်လိုဟာ ပါမည်။ အရောင်တင်မှုန့်၊ နနွင်းမှုန့်၊ ကြာညို့ပုလင်း၊ ဆားထုပ် စသည့် အထုပ်ကလေးတွေပါမည်။ ဒါကလည်း ကုန်စုံဆိုင်ကထည့်ပေး လိုက်သော အထုပ်အတိုင်းခြင်းတောင်းထဲ ထည့်ထားလိုက်ရုံ။ အထုပ်တွေကြား မှာတော့ကြက်သွန်နီလေးငါးလုံး၊ကြက်သွန်ဖြူ လေးငါးတက်၊ ချင်း လက်တဆစ်ပါမည်။ ပါလာသည့် ဆန်ထုပ် ကို အောင်းသိန်း ဒယ်အိုးထဲထည့်၊ မမျိုး ကျောက်စည်ပိုင်းက ရေနှင့်ခပ်ဆေး၊ ထမင်းအိုးတည်။ ကျက်တော့ မထွေး ဆန်ကောဆန်ကာထဲခဏထည့်။ ပြီးတော့ အောင်ငြိမ်း ဒယ်အိုးအားပြီဆိုတော့ လစ်ပိုပုလင်းထဲက ဆီကိုဖောက်သွန်၊ ဆီပွက်တော့ ဆီကလေးသတ်၊ မစိုး၏ယောက်မနှင့် မွှေ၊ ဇွန်းနှင့် မွှေ။ သည်အချိန်မှာ မိသားတစုက မစိုး၏လင်ပန်းထဲ မှာ ခြွေစရာရှိတာ ခြွေ၊ သင်စရာ သင် နှင့် ဖျင်နှင့်။ သို့သော် သည်ချက်ခြင်းပြုတ်ခြင်း အနုပညာက သူတို့အလုပ် ကပြန်လာကြသည့်လေးနာရီဝန်းကျင်မှ ညနေ ခြောက်နာရီခွဲကြားမှာ တက်သုတ်ရိုက်ကြခြင်း ဖြစ်၏။ ခုနစ်နာရီထိုးလျှင် ရပ်ကွက်ဗီဒီယိုရုံကို သွားကြရမှာ မဟုတ်လား။ ထမင်းချက်ခြင်း၊ ကိုယ့်ချိုင့်ထဲ ကိုယ်ကဲ့ခြင်း၊ မြစ်ဆိပ် ရေပြေးချိုးကြခြင်း၊ ကသုတ်ကရကစားရခြင်းတွေကသည် အချိန်အတွင်းမီဖို့လိုသည်။ စောစောစီးစီး ချက်ပြုတ်ပြီးသူက ကလေးတွေကို ဝိုင်းစေကာ ကြီးစွာသော အဟုန်ဖြင့် စားကြသောက်ကြလေသည်။ လဟာမြစ်မ၊ ပင်လယ်ဝ၌၊ သြဃယာဉ် ကြီး၊ လေးဖြာစီးသည့် ခရီးရေကြောင်း၊ ဝဲခနောင်းဝယ် တပြောင်းပြန်ပြန် ရှိကြလေ၏။ ဤသို့အားဖြင့် ညနေစောင်းနေဝင် ရီတရော၌ ဒေါ်ယုန်၏ ဝိုင်းထဲမှာ “နှုတ်လျှာမလျော့၊ သံသော့သော့နှင့် ဆော့သည့်နှုတ်သီး၊ မြိုင်တောကျီးလည်း၊ သံကြီး အာအာ” ဆိုသကဲ့သို့ သိမ့်သိမ့်တောလုံး၊ သံပေါင်းရုံး၍၊ ပတ်ကုံးမြိုင်နက်၊ အုတ်ကျက်ကျက် ရှိလေသည်။

မိုးကလေးချုပ်ပြီဆိုသည်နှင့် သည်အိမ်ဆီမှ ချီတက်လာကြသောဒေါ်ယုန်အုပ်စုကြီးက အနီးရှိ ဗီဒီယိုရုံ မှာပြသနေသည့် မြန်မာရုပ်ရှင်ကား တကားကို ကြည့်ကြလိမ့်မည်။ ယောက်ျားသားတွေက အိတ်ထောင် ထဲဆေးလိပ်နှစ်လိပ်စီ ပါကြ၍ မိန်းမတွေက ဆေးလိပ်တွေ ခေါင်းမှာစိုက်လာကာ အိမ်ကြီးမှာ ဒေါ်ယုန်တယောက်တည်း ကျန်နေတတ်သည်။စားလက်စတန်းလန်း ပစ်ထားခဲ့ကြသော ပန်းကန်ခွက်ယောက်များ၊ စုပုံထားခဲ့ကြသော အဝတ်ဟောင်းများ၊ ကလေးကစားစရာ ဗြုတ်စဗျင်းတောင်းများကြားမှာ တယောက်တည်း ရှိနေတတ်သည်။ ထိုခဏ ၌လောကသည် ငြိမ်သက်လျက် ရှိလေသည်။ စောစောပိုင်း အုတ်အာသရဲအခြေအနေမှ ချက်ချင်းကြီး တိတ်ဆိတ်သွား တတ်သည်။

တရက်တော့ ဒေါ်ယုန်က သည်အိမ်မှာ အိမ်ငှားလက်ခံကြောင်းတဆင့်ဆကားဖြင့် ကြေညာချက် ထုတ်လိုက် သည်။ ဒေါ်ယုနန်က အိမ်ငှားမည်ဆိုသောအခါ အားလုံးက အံ့သြကြသည်။ သားသမီးတွေ တူ၊ တူမတွေကလည်း နားမလည် နိုင်အောင် ဖြစ်ကြရသည်။

“အမေ ဘယ့်နှယ်လုပ်တာတုံး၊ အမေ့အိမ်ကမှ ခရိုးခရိုင်ဗျာ၊ အိမ် ရှိတဲ့လူတွေတောင် ကုတ်ကတ်နေကြရတာ၊ လူငှား ထားတယ်ဆိုရင်ကျုပ် တို့က ဘယ်သွားနေမတုံး”

“ဟဲ့… သည်အိမ်က ငါ့အိမ်၊ ငါ မသေသေးဘူး၊ ငါ့ဝင်ငွေကလေးငါ ရှာရမှာပေါ့၊ ငါ မုဆိုးမဘယ်ကောင်ကတပြားထောက် လို့တုံး၊ နင်တို့ ကျွေးတဲ့ထမင်းနဲ့ချည်း လူဆိုတာ နေလို့ရတာ မဟုတ်ဘူးဟဲ့၊ လှူရေးတန်းရေးဆိုတာ ရှိသေး တယ်”

ဒေါ်ယုန် အိမ်ငှားထားတော့မတဲ့ သတင်းကြောင့် လူတော်တော်များများ ရောက်လာခဲ့ကြသည်။

အိမ်ငှားဆိုလို့ ဒေါ်ယုန့် အပေါ်ထပ်လား၊ အောက်ထပ်လား၊ အဖီချပေးမှာလား၊ စပေါ်နဲ့လား။ ရေနဲ့မီးကကော။ အနည်းဆုံး အိမ်လခ ဘယ်နှစ်လစာ ကြိုယူမှာတဲ့လဲ။ တကယ်တော့ အပေါ်ထပ်လည်းမ ဟုတ်၊ အောက်ထပ်လည်းမဟုတ်၊ အ ဖီလည်းချမပေးနိုင်။ ရေနဲ့မီး မရှိ။ ကိုယ့်အလင်းရောင်နှင့် ကိုယ်ရေ။ အိမ်လခက ကပ်ကြမ်းတချပ် တလငါးရာ။ကပ်ကြမ်းဆိုတာက အနံ သုံးပေ၊ အလျား ခြောက်ပေ။ ဝါးခြမ်းမာမာကို ရက်ထားသည့် အခင်းပြားကိုခေါ်ခြင်းဖြစ်သည်။ကိုယ့်ကပ်ကြမ်း ကိုယ်သယ်လာရမည်။ သည်ဝိုင်းထဲမှာ ကြိုက်သည့်နေ ရာနေပိုင်ခွင့်ရှိ သည်။ သဘောကတော့ ကျော တခင်းစာ တလငါးရာယူခြင်း ဖြစ်သည်။

“ကြီးတော်ကတော့ ကပ်ကြမ်းတချပ် ငါးရာပဲ၊ မင်းတို့ဘာသာကပ်ကြမ်းကို မြှင့်ချင်မြှင့်၊ နှိမ့်ချင်နှိမ့်၊ ဇောက်ထိုးထားထား၊ လာအိပ်ချင်နေ မအိပ်ချင်နေ၊ လူဘယ်နှစ်ယောက်လာလာ၊ ကပ်ကြမ်းတချပ် ငါးရာပဲ။ မင်းတို့ သေတ္တာတွေတော့ အိမ် ထဲထားခွင့် ပြုတယ်။ ငါးရာက ကပ်ကြမ်းယူလာတဲ့နေ့ ကြိုပေးရမယ်။ အိမ်ပေါ် ပြုံတက်ချင်လို့လည်း မဖြစ်ဘူး။ ငါ့အိမ် က ပုစဉ်းနားတောင် ခံတာမဟုတ်ဘူး၊ မြေကြီးပေါ် ကပ်ကြမ်းချ အိပ်နိုင်ရင် လာခဲ့ပဲ”

ကမ္ဘာလောက၌ အလားတူ မရှိနိုင်သော ကပ်ကြမ်းတချပ် ငါးရာ အိမ်ငှားစနစ်ကြောင့် စိတ်ပါဝင်စားကြသူ ဆယ်ဦး လောက် ရောက်လာကြသည်။ ကပ်ကြမ်းတချပ် စီခေါင်းပေါ်ရွက်ပြီး ရောက်လာကြသည့်နေ့က ဒေါ်ယုန် ငွေငါးထောင် ပက်ခနဲ ရလိုက်သည်။ ထိုအခါ မထင်မှတ်သော ပြဿနာက စလေ၏။ တသက်လုံးက သူ့အမွေ ကိုယ့်အမွေမှတ်သော ပြဿနာက စလေ၏။ တသက်လုံးက သူ့အမွေ ကိုယ့်အမွေ မခွဲခဲ့ကြသော အောင်သိန်းတို့ အောင်ငြိမ်းတို့မောင်နှမတွေက သည်ဝင်ငွေပေါ်မှ တဝက်လိုချင်သည်။ ကပ်ကြမ်းတချပ် ငါးရာသမားတွေက သည်ဝိုင်းထဲမှာ ညဘက်အိပ်ချင်သည့်နေရာ ကပ်ကြမ်းခင်း အိပ်ကြရတာဆိုတော့ ဒေါ်ယုန့် မြေပေါ် အိပ်ပါသည်ဆိုလို့ မရတော့။ အောင်သိန်းတို့ ရပိုင် ခွင့်တောင်းလာ ကြခြင်း ဖြစ်သည်။

“ကြီးတော် ကပ်ကြမ်းတချပ် ငါးရာစနစ်ကို ကျတော်တို့သဘောတူပါတယ်၊ သည်လို ဝင်ငွေကလေးရတော့ တဖက်က အသက်ရှူချောင်တာပေါ့၊ သို့သော်လည်း…”

“ဘာ သို့သော်လည်းကွဲ့၊ မင်းက ဘယ့်နှယ်ဖြစ်ချင်လို့တုံး”

“ကျတော်တို့ကတော့ ဟပ်ဘိုင်ဟပ် လုပ်ချင်တယ်”

“ဘာလဲ ဟပ်ဘိုင်ဟပ်ဆိုတာ”

“တယောက်တဝက်စီပေါ့”

“ဟကောင်တွေရဲ့၊ ငါက အိမ်ငှားဆိုပြီး အိမ်ကလေး အခန်းကန့်ပြီး တယောက်စ၊ နှစ်ယောက်စ တလ တထောင် ရယ်၊ နှစ်ထောင်ရယ် ငှားတာမျိုး မဟုတ်ဘူးဟဲ့၊ ငါ့အိမ်ကလည်း ကျူပင်ရိုး တတိုင်နှစ်တိုင် လေတိုးလို့ယိုင် ဘယ်သူက လာငှားမှာတုံး။ ကပ်ကြမ်းတချပ်ငါးရာက ကျောခင်းရ ပြီးရောဆိုတဲ့ ဘောက်သောက်တွေကို ငှားတာမှာ မင်းက မင်းဘဒါ (ဘဏ္ဍာ) ကိုယ့်ဟာ မှတ်နေသလား”

“ဘယ်ဟုတ်ပါ့မလဲ ကြီးတော်ရဲ့၊ သည်မြေပေါ်က ဝင်သမျှ ကြီးတော်တို့ တဝက်ဆိုင်သလို၊ ကျတော်တို့ တဝက်ဆိုင် တာပဲ။ တကျပ်ရ ငါးမူးပေါ့ဗျ”

“ဒါဆို ကပ်ကြမ်းဝင်ငွေပေါ် ခွဲမနေနဲ့တော့ဟေ့၊ အိမ်ပါ ခွဲကြတော့”

“အိမ်ခွဲတော့လည်း ရသဗျာ၊ အ်ိမ်လည်း ကျုပ်တို့နဲ့ တဝက်ဆိုင်တာာပဲ”

သည်လိုဆိုတော့ ဒေါ်ယုန် ငြိမ်သွားသည်။ အိမ်ကလည်း တကယ်တော့ သူတို့ တဝက်ပိုင်သည်။ မိုးကလေးချုပ်ချုပ် အိမ်ကလေး ငုတ်တုတ်ကို ထပ်ခွဲရလျှင် ထင်းဖြစ်တော့မည်။ ပိုက်ဆံအမ်းပါလားဆိုတော့လည်း အမ်းနိုင်တာ မဟုတ်။

“အေးပေါ့လေ မင်းပြောတဲ့ ဟပ်ဘိုင်ဟပ်ပေါ့”

ရလာသည့်ဝင်ငွေ ငါးထောင်ထဲက အောင်သိန်းတို့ မောင်နှမက နှစ်ထောင့်ငါးရာ လစဉ်ရသည်။ သည်နှစ်ထောင့်ငါးရာ ကို တဖက် မောင်နှမ ရှစ်ယောက်ခွဲတော့ တယောက်ကို ၃၁၂ ကျပ်ခွဲ ရသည်။ ခွဲရေး တွဲရေးကိစ္စ အဆင်ပြေသွားပြီ ဆိုတော့မှ ကပ်ကြမ်းသမားတို့လည်း ဟင်းချနိုင်သည်။ တူအရီးနှစ်ယောက် စကားများရာက ကပ်ကြမ်းစနစ် ပျက်သွား လျှင် သူတို့ဝယ်ထားသည့် ကပ်ကြမ်းဖိုးဆုံးတာ အဖတ်တင်မှာ မဟုတ်လား။

သည်နောက်တော့ ဒေါ်ယုန့်အိမ်ကြီးအောက်ထပ်မှာ ကပ်ကြမ်းဆယ်ချပ်နှင့် သံသေတ္တဆယ်လုံး ရောက်လာသည်။ လင်ကွဲ၊ မယားကွဲ၊ သဲထမ်း၊ မော်တော်လိုက်၊ သစ်ခုတ် ပျားထိုးတွေချည်း။ ပါလာသည့်သေတ္တာကလေးတွေ နေလုံမိုး လုံရှိဖို့ အိမ်အောက်ထပ် သွင်းထားကြရသော်လည်း ကပ်ကြမ်းကတော့ သည်ဝိုင်းထဲမှာ ကြိုက်သည့်နေရာ ယူသွင်းပြီး အိမ်ခွင့်ရှိသည်။ ကပ်ကြမ်းတချပ်ကို နှစ်ယောက်စပ် ငှားသူတွေပင် ထပ်ရောက်လာကြသေးသည်။ တချို့ လင်မယား ကျတော့လည်း ကလေးတယောက် ပါလာသည်ဖြစ်ရာ လူသုံးယောက် ကပ်ကြမ်းတချပ် ဖြစ်ရတော့သည်။ ဒေါ်ယုန့် ဘက်ကတော့ လက်ခံသည်ချည်း။ သို့သော် ကပ်ကြမ်းတချပ် လူတယောက်သမားတွေက အယုံအကြည်မရှိ အဆိုတင် လာကြတော့သည်။

“မင်းတို့လို မတတ်နိုင်သူတွေပါကွယ်၊ ကုသိုလ်ရပါတယ်၊ သူတို့ ခမျာနေရင် တလ၊ နှစ်လပါ”
ဒေါ်ယုန့်ခမျာ အသက်ရှစ်ဆယ်ကျော်ခါမှ ကပ်ကြမ်းစီးပွားရေးကို ပုတီးလုပ်စိပ်နေရပြီ။ ညနေခင်း ညီအစ်ကို မသိတသိ အချိန်တိုင်လျှင် ဒေါ်ယုန် အမှူးပြုသော လူအုပ်ကြီးထဲက ပြဿနာပေါင်း သောင်းခြောက်ထောင်က အိုးထိန်းစက်ကဲ့သို့ မွှတ်သော မဟာပထဝီ မြေကြီးကဲ့သို့ လည်းကောင်း၊ သက္ကရာဇာ သိကြားမင်း၏ စိန်စက်သွားကဲ့သို့ လည်းကောင်း၊ ကျရာအရပ်၌ လောင်မီးကြီး ကျတတ်သော ဗြဟ္မာဦးခေါင်းကဲ့သို့ လည်းကောင်း၊ ဆဲသံဆိုသံတို့ဖြင့် ဝက်ခေါင်းထိုး စစ်ဆင် ရေး စလေသည်။ ထဘီပျောက်၊ ဘောင်းဘီပျောက်၊ အဝတ်လှန်းချိတ်ပျောက်၊ ပိုက်ဆံပျောက်၊ တိုလီမုတ် စ ပျောက်များမှသည် ထူးဆန်းသော ပျောက်ဆုံးမှုများလည်း ရှိလေရာ စုံထောက်မောင်စံရှား၏ ဗာစကာဗျီးခွေးကြီး အမှုထက်ပင် ရှုပ်ထွေးခက်ခဲလေ၏။

“မစားနိုင်တဲ့ဟာတွေ၊ ငါ့ထမင်းကြမ်းခဲ ပျောက်သဟဲ့နော်၊ ယူတဲ့လူ ငါ သိတယ်ဟေ့၊ မပြောချင်လို့၊ အသာတကြည် ပြန် ထားရင်ထား၊ မထားလို့ကတော့….”

မထားလို့ကတော့ဆိုသည့် နောက်ဆက်တွဲ ပြစ်မှုနှင့် ပြစ်ဒဏ်ကတော့ ကြောက်ကြောက်စရာ။ အော်သိန်း၊ အောင်ငြိမ်း တို့ မောင်နှမများနှင့် ဇနီး ခင်ပွန်းများ၊ ဒေါ်ယုန်မျိုးဆက် ဇနီးခင်ပွန်းများ၊ ကပ်ကြမ်းသမားများနှင့် ကလေးအရွယ်စုံ ဆိုက်စုံတို့ကြားမှာ ပျောက်သွားသည့် ပစ္စည်းတခု ပြန်ရဖို့ဆိုတာ သေချာလှသည် မဟုတ်။ အဆိုးဆုံးကတော့ အိမ်သာ ဖြစ်သည်။ သင်္ခါရသဘောသည် နေရာတကာမှာ ရှိနိုင်သော်လည်း ဒေါ်ယုန့်အိမ်သာက ဂုန်နီဖျင်စကတော့ သဘာဝတ ရားကို ကြံ့ကြံ့ခံဆဲ။ လေဟာနယ်၌ နှစ်ဆယ့်သုံး နှစ်ပိုင်းတပိုင်း ဒီဂရီစောင်း၍တည်သော ဂြိုဟ်ကမ္ဘာကို ဆန့်ကျင်ဘက် ကျားကန်ကာ နှစ်ဆယ့်သုံး နှစ်ပိုင်းတပိုင်း စောင်းနေသည့် ဒေါ်ယုန့်အိမ်ကတော့ကော။

ဤသို့အားဖြင့် တိုး၍ တိုး၍ လာကြကုန်သော ကပ်ကြမ်းတို့သည် လည်းကောင်း၊ တိုး၍ တိုး၍ လာကြကုန်သော လူတို့ သည်လည်းကောင်း၊ တိုး၍ တိုး၍ လာကြကုန်သော ပဋိ ပက္ခတို့သည် လည်းကောင်း၊ တိုး၍ တိုး၍ လာကြကုန်သော မီးဖို များ၊ အဝတ်လှန်းကြိုးများ၊ အမှိုက်များသည်လည်းကောင်း၊ ဤဝိုင်းအတွင်း၌ ကမ္ဘာတည်သရွေ့ မြဲတည်သော ကပ္ပဋ္ဌိတိ တရားကဲ့သို့ ရှိလေသည်။

“အောင်သိန်း ကပ်ကြမ်းသမားရှာပါဦးဟဲ့ ငါ့တူရဲ့၊ တိုိ့အိမ် လူချောင်ပါသေးတယ်၊ ကြီးတော်နဲ့ ငါ့တူ ဟပ်ဘိုင်ဟပ်ပေါ့”

သည်စကားကို ကြားတော့ ဒေါ်ယုန့်အိမ်အိုက ပြင်းထန်သော သိမ့်ခါခြင်းကို သုံးကြိမ်ပြုလေသည်။

နေဝင်းမြင့်

အိမ်ကလေး ၁၆ လုံး မှ…

Wednesday, October 5, 2011

စလေ ရုပ်စုံကျောင်း အဆက်နှင့် ရှင်ပင်စာကြို ဘုရား

တကယ်တော့ ဒီရုပ်စုံ ကျောင်းက ဘုန်းကြီးကျောင်းဝန်းကြီးထဲက ကျောင်းတကျောင်းပါ ။
ရှင်ဘုရင် မှာ မိဖုရားတပါး ဆို ကိုးကွယ်ဘို့ ဘုရားတဆူ ၊ ဘုန်းကြီးကျောင်း တကျောင်းနဲ့ အလှူဒါနပြုဘို့ရာ ဇရပ်တဆောင် ဆောက်ပေးရသတဲ့ ။
စလေ ဟာ မင်းနေပြည်တော် ဖြစ်ခဲ့ပေမဲ့ အဲဒီမင်းရဲ့ မင်းသက်ဟာ ရှည်တာမဟုတ်ပါဘူး ။ ဒါပေမဲ့ ဘုရား .ဘုန်းကြီးကျောင်းနဲ့ ဇရပ်တွေကတော့ အများကြီးဘဲ။
ကျမ တို့ ငယ်ငယ်တုန်းကတော့ အဲဒီ ၀န်းထဲ က ဘုန်းကြီးကျောင်းတကျောင်း ကို မိဘတွေ ဥပုသ်စောင့် သွားတိုင်းလိုက် သွားပါတယ် ။ ဘုန်းဘုန်းက သီလပေးရင် ပါဠိ ချည်း မဟုတ်ဘဲ ဗမာလို ပါ ဘာသာပြန်ပြီး တွဲ ၇ွတ်ရပါတယ် ။ ဒါကြောင့် ခုထိ သီလ ယူတိုင်း အနက် အဓိပ္ပါယ် ပါ တွဲ မှတ်မိနေပြီး ပို ဆင်ခြင်နိုင်ပါတယ် ။
ဝါတွင်း ဥပုသ် ဆို ကျောင်းလာ ဥပုသ်သည်တွေကို ကျောင်းဒကာမတွေက ဂျင်းသုပ် ထန်းသီးမုန့် ပိုတတ်နိုင်ရင်တော့ မုန့်ဟင်းခါး စတာတွေနဲ့ ဧည့်ခံပါတယ် ။ အညာ မုန့် ဟင်းခါးကတော့ ကုလားပဲ၊မြေပဲ နဲ့ ချက်တဲ့ ခပ်ပျစ်ပျစ် ဟင်းရေပါ ။ဧရာဝတီမြစ်ဘေး ငါးပေါပေမဲ့ ၇န်ကုန်ဟင်းရေလို ငါးပေါပေါ ဟင်းကျဲကျဲ မဟုတ်ပါဘူး ။ အခါကြီး ရက်ကြီး ဆိုရင်တော့ မုန့်ဆီကြော် ၊ နှမ်းဝိုင်းမုန့် ၊ မုန့် လက်ကောက်ကြော် စသဖြင့် ပေါပေါ များများ စားရပါတယ်။
နေကုန်နေ ဥပုသ်ယူ ဘို့ ထမင်းချိုင့် သယ်လာသူတွေ အများစု ယူလာတဲ့ ဟင်းတွေက မောင်မခေါ်ပဲနှပ် ၊ နှမ်းဖတ်ချဉ်သုပ်၊ တစောင်းချဉ် သုပ်၊ ဟင်းဂလာချဉ်သုပ်၊မြူရွက်သုပ် စသဖြင့်ပါ ။ ပဲဆီ နှမ်းဆီ ထွက်တဲ့ အရပ်ဆိုတော့ ဆုံဆီ ရွှဲရွှဲ ဆမ်းလို့ပေါ့ ။ ကျောင်းဒကာမတွေကတော့ ထမင်း၊ သရက်ချဉ်သုပ်နဲ့ ဆူးပုဒ်လေး၊ ဟင်းနုနွယ်။ ဒါန့်သလွန်၊ကင်းပုံညွန့် ခပ်ထားတဲ့ ရွက်စုံဟင်းရည် ကိုပေါပေါ များများချက်ထားပါတယ်။ ထမင်းချိုင့်ပါမလာသူတွေကိုကျွေးဘို့ပါ။

အင်း .. ရုပ်စုံကျောင်း သွားလည်တာ ဥပုသ်စောင့်တဲ့အကြောင်းရောက်သွားရော ။ အညာဒေသ ဘုန်းကြီးကျောင်းရဲ့ ဓလေ့ လေးတွေပါ ။

ကျောင်း အ၀င် ရှေးလက်ရာ နဂါးကြီးနှစ်ကောင်။



ဘုန်းကြီး စာအုပ်စာတမ်းတွေထည့် ရန် ၊ အသုံးအဆောင်တွေ ထည့်ရန် ရှေးလက်ရာ ဗီရိုပါ ။ ရုပ်စုံကျောင်းကနော် ။

အခု ဘုန်းကြီးကျောင်းတွေကတော့ ရိုးရိုးဗီရို ဘဲ သုံးတာပါ ။


ပြီးရင်တော့ စလေမြို့ အပြင်က လက်ပန်ကျွန်းရွာဘက်အထွက် ရှင်ပင်စာကြို ဘုရားသွားဖူး၇အောင်နော် ။


၁၀၅၇ ခုနှစ် (မြန်မာ သက္ကရာဇ် ၄၁၉) မှာ အနော်ရထာ ဘုရင်ဟာ မွန်တို့ဌာနေ သထုံပြည်ကို သွားတိုက် အောင်ပွဲခံ ပြီး အပြန် နားခဲ့တဲ့ နေရာ မှာ တည်ထားတာ ဖြစ်ပါတယ်။

အောင်ပွဲနှင့်အတူ ပိဋကတ် သုံးပုံ ၊ ထေရ၀ါဒစစ်စစ် ဗုဒ္ဓသားတော် (ဘုန်းကြီး ) တထောင် စတာတွေ ကို ဆင် ၃၂ ကောင် နှင့် ပင့်ဆောင်လာခဲ့ပါတယ် ။

(သမိုင်းအရတော့ မနူဟာ ဘုရင် အတူပါလာတယ်လို့ မတွေ့ ရပါဘူး ။ ဒါပေမဲ့ မနူဟာ ဘု၇င်ဟာ ပုဂံ မှာ နတ်ရွာစံ ခဲ့တာပါ။)

ဘုရင် အနော်ရထာကို နရပတိစည်သူ က သွားကြို ခဲ့တဲ့နေရာဖြစ်ပါတယ် ။ အဲဒီနေရာကို မှတ်သားပြီး နရပတိစည်သူဟာ သူမင်းဖြစ်လာတဲ့ အခါ (၁၁၇၄ မှ ၁၁၉၂ ခုနှစ် ) မြန်မာသက္ကရာဇ် ၅၅၄ ခုနှစ်မှာ တည်ခဲ့တဲ့ ရှင်ပင် စာကြိုဘုရား ဖြစ်ပါတယ်။


နရပတိ စည်သူဟာ ပုဂံမင်းဆက် ခုနှစ်ဆက်မြောက်မင်းဖြစ်ပါတယ် ။ သူတည်ခဲ့တဲ့ ဘုရား စေတီရဲ့ အရိပ်ကျရာ အရပ်မှာ နေထိုင်သူ နှင့် ဆွေစဉ်မျိုးဆက် အပေါင်းကိုလဲ ဘုရားကျွန် (ဘုရား သန့် ရှင်းရေး ဆွမ်း ပန်း ရေချမ်းကပ် အလုပ်အကျွေးပြုရသူ) အဖြစ် လှူဒါန်း ခဲ့တဲ့ အပြင် ၀တ်ပျက်သူများကိုလည်း ကျိန်စာတိုက်ခဲ့တယ်လို့ ဆိုပါတယ်။

ဦးနေ၀င်း လက်ထက်မှာတော့ အားလုံးကို ကင်းလွတ်ခွင့်(ကျိန်စာ ပယ်ဖျက်) ပေးခဲ့ပါတယ်။ ဒါပေမဲ့ ကျိန်စာကို ယုံကြည် အစွဲရှိသူတွေကတော့ အခုထက်ထိ ရှိနေပါသေးတယ် ။

တန်ခိုးကြီး ဘုရားဖြစ်လို့ ဘယ်သူ ဘယ်လောက်ဝီ၇ိယရှိလို့ စောစော ဆွမ်းသွားကပ်ကပ် ဘုရားမှာတော့ ဆွမ်းကပ်ပြီးသားဖြစ်နေတယ်လို့ ကြားဖူးပါတယ်။

ဘုရားပွဲကတော့ သီတင်းကျွတ် လပြည့်နေ့ပါ ။ သာမန် အချိန်ဆို ကုန်းမြေဖြစ်ပေမဲ့ ဘုရားပွဲချိန်ကတော့ ဧရာဝတီမြစ် ရေတက်ချိန် ရေ၀င်ချိန်ဖြစ်လို့ ဘုရားခြေရင်းထိ ရေရှိပြီး လှေနဲ့ လာကြရပါတယ် ။ ခုတော့ မြစ်ရေကလဲ အဲဒီလောက် မတက်တော့ဘူးကြားပါတယ် ။


ကြည်ညိုစရာ ရှင်ပင်စာကြို ဘုရား ပါ ။

တန်ခိုးကြီးပြီး ဆုတောင်းပြည့်ပါတယ်။

ပုဂံခေတ်ေ၇ှးမင်းများရဲ့ သဒ္ဒါ တရားနဲ့ အနုလက်ရာ စစ်စစ်ကို ဖူးမြော်နိုင်ပါတယ် ။ ပုဂံ ဘုရားတွေဆို မွမ်းမံ ကြတော့ အနုပညာ လက်ရာတွေ ဟာ ခေတ်အလိုက်ပြောင်းသွားတာပေါ့ ။ မပြုပြင်ရင်လဲ ပြိုကျပျက်စီးနိုင်တယ်ဆိုတော့ အမှားအမှန် မဝေဘန်တတ်ပါဘူး ။


ရှင် ပင်စာကြို ဘုရားနံရံ က ဝေသန္တရာမင်းတောထွက်ခန်းဇာတ်တော် ပန်းချီပါ ။ ပုဂံခေတ် လက်ရာပါဘဲ ။

ဒီလို နံရံ ဆေးရေး ပန်းချီလက်ရာ တင်မက အင်္ဂတေ ပုံသွင်းပန်းပု ရုပ် ကျောက်ဆစ်ရုပ် တွေလဲရှိပါတယ် ။

အထူးခြားဆုံးကတော့ မှန်ကူ ကျောက်ရောင်စုံ အလှဆင်ကပ်ထားတဲ့ ကျွန်းတိုင်တွေပါဘဲ ။ လက်ရာက သေသပ် ခမ်းနားလှပါတယ် ။

ဒီ ရှင်ပင်စာကြို သမိုင်း နဲ့ ဆက်စပ်တဲ့ ရှင်ပင်စာကြိုပြန်ဘုရား ၊ ပိဋကတ်ချတဲ့နေရာ မှာ ပြာသာဒ်ချ မှ ရွေ့လျားလာတဲ့ ပြာသာဒ်လှ ဘုရား ဆင်ခေါင်းချအိပ်နားတဲ့ နေရာမှာ ဆင်ခေါင်းဘုရား စတာတွေရှိပါသေးတယ် ။

ဒီဘုရားဖူး အလည်ခ၇ီး ကိုရေးမယ့် အချိန် မောင်လေးတယောက် စလေပြန်မယ်ဆိုတော့ ဓါတ်ပုံ ရိုက်လာဘို့ မှာလိုက်ပါသေးတယ်။ သူကလဲ အဲဒီဘု၇ားတွေ ကမထင်၇ှားဘူး ဆိုပြီးမရိုက်ခဲ့ပါဘူး ။ ရှင်ပင်စာကြိုပြန် ဘုရား ပုံတော့ ရိုက်လာပါတယ်။

နောက်ပို့စ်မှ ၇ှင်ပင်စာကြိုပြန် ဘုရား ကို ဖူးရအောင်တင်ပါဦးမယ်။