Wednesday, January 21, 2015

မျက်နှာ စာမျက်နှာပေါ်က သမီးလေးအကြောင်း

 သမီးလေး အကြောင်းတွေ အမှတ်တရရေးခဲ့တာတွေ ပြန်ဖတ်တော့ ပြီးခဲ့တဲ့ မတ်လ ၂၀၁၄  မှာနောက်ဆုံးပဲ ။ သမီးနဲ့ ပါတ်သက်တဲ့ အမှတ်တရတွေ ကို တိုတိုထွာထွာသာ မျက်နှာစာအုပ်ပေါ်မှာ ရေးဖြစ်တယ် ။
မျက်နှာစာအုပ်ပေါ်မှာ ရေးတာတွေက ပြန်ဖတ်ဖို့ရှာရင်ခက်တာကြောင့် သမီးလေး ကြီးလာရင် ဖတ်ရအောင် ဘလော့မှာ ကူးထည့်လိုက်တာ ။ ဆားချက်တယ် လို့လဲ ပြောနိုင်ပါတယ် ။
ကူးလို့သာ ကူးထည့်ရ ဘာမှမသေချာတဲ့ လောကကြီးမှာ သမီးလေးကြီးလာတဲ့အခါ မျက်နျာစာအုပ်ရော ၊ ဘလော့လေးပါ ရှိမရှိမသေချာ ။ ရှိနေသေးရင်တောင် သမီးလေးက ဖတ်ဖို့ စိတ်ဝင်စားဖို့ အချိန်ပေးဖို့မသေချာ ။ ဒါမှမဟုတ် မြန်မာစာ ဖတ်တတ်ဖို့ မသေချာ ။ တကယ့်ကို ဘာဆို ဘာကမှ မသေချာ .........................................

 January 20, 2015

ပြီးခဲ့တဲ့ စနေနေ့က ကိုယ်အိမ်အပြန်နောက်ကျတယ် ။

အိမ်ရောက်တော့ သမီးလုပ်သူက မေးနေတာ .....
" မေမေ ကုလားကြီးဆိုတာ ဘူသူတုန်း ၊ မေမေ့ မေမေ ဘာလို့ ကုလားကြီးနောက်ကို လိုက်သွားတာတုန်း၊ မေမေ ဘာဖြစ်လို့ ကုလားကြီးနဲ့ သွားတွေ့တာတုန်း " နဲ့ တတွတ်တွတ်မေးတော့တာ ။
အဲဒါနဲ့ မဟုတ်သေးပါဘူးအေ ဘာလို့မေးတာတုန်းဆိုတော့ ဖေဖေ က မေမေကုလားကြီးဆီသွားတယ် ဆိုလို့တဲ့ ။


သြော် ကိုယ်တွေ ငယ်တုန်းကလဲ အဖေ အိမ်ပြန်နောက်ကျလို့မေးရင် အမေက အဲလိုဖြေရင် တိတ်သွားတာ အဖေပြန်လာလဲ အဲလိုမမေးမိဘူး ပေါ့လေ ။ အမေက ငေါ့တတ်တာကိုပဲ သိလို့လား၊ ကိုယ်ပဲ ပြန်မေးရမှန်းမသိလို့လား မသိ။ အမေ့ကို အဲလိုတွေ မမေးဖြစ်ဘူးပဲတွေးမိပါတယ် ။


ဟောာ ဒီရက်တွေ သူ့အဖေ အိမ်ပြန်နောက်ကျတော့ ထုံးစံအတိုင်း သမီးတော်လေးက မေးပြန်ရော။ ကိုယ်လဲ ညီးအဖေ ကုလားမကြီးဆီသွားတယ်လို့ ဖြေလိုက်တော့..............
" ဟားဟားဟားဟား ဖေဖေ ကုလားမကြီးဆီသွားတာလား ဟားဟား " ဆိုပြီး ကိုယ့်ကိုလှောင်သလိုတောင် ရယ်သေးသတော့ ။


အဲတော့မှ ကိုယ့်တုန်းကလဲ သူမသိလို့မေးတာမဟုတ်ပဲ တမင်ရစ်ချင်လို့ မေးမှန်းသိတော့တာ ။ အော် အ လိုက်တဲ့ ငါ့နှယ် .................။



 January 12, 2015
မေမေ ပျော်နေတာပါးစပ်စိမရဘူး :D  :D


HSECOND SEMESTER : TEACHER'S REMARK
Hay Mar is pleasant girl . She takes good care of her belongings. She is attentive during all lessons. She has done well in all her classwork. Well done!







 January 11, 2015

သမီးလေး ဆီ မှ သင်ယူခြင်း
မေမေ ။ ။ (သမီး ကို မုန့်ကျွေးနေရာမှ စိတ်မရှည်သောအသံဖြင့် ) မြန်မြန်စားလိုက် သမီး ။ တော်ကြာ အခန်းထဲက မမ ထွက်လာရင် ကျွေးနေရလိမ့်မယ် ။ မမ စားသွားရင်သမီးမစားလိုက်ရပဲနေမယ်နော် ....
ဟေမာ။ ။ I have not much mommy but I can share .
မေမေ ။ ။ ( ရှက်တက်တက်ဖြင့် ) တော်လိုက်တာ သမီးလေးက ဂွတ်ဂဲလ်လေးပဲ :P
သမီးလေး အမြဲတမ်း လောဘဒေါသ နည်းစွာဖြင့် SHARE နိုင်ပါစေ ။
(ဖေဖေ ။ ။ သမီး မေမေ နဲ့ မတူပါစေနဲ့ ) တိန်

  January  8, 2015

 အပြင်ကို သွားရ စားရပြီဆို ဂလိုရုပ်မျိုး ။ သမီးကလေး မအေတူချက်




                သမီးလေးကို ပုံပြင်ပြောပြတဲ့အခါ မပြောခင် သူ့ရဲ့ ရုပ်ပုံကားချပ်တွေ သွားကြည့်ပြီး အီးလို ဘယ်လိုပေါင်းတယ်ဆိုတာကို မသိမသာကြည့်ထားရတယ် ။ ပြောရင်းနဲ့ သူ မသိတော့ရင် အိုင်ပက်မှာ ရှာပြရတာမျိုး ။ မထွေးလေး မြွေကြီး နဲ့ ယူတော့ မြွေကြီးဟာ snake လား dragon လား ဆိုတာ ကိုယ်က ပြောပြနိုင်မှ ဖြစ်မယ်။ ဒီလို ပြောလိုက် မသိတာ ထရှာလိုက်ဆိုတော့ ပြောရင်းနဲ့ သူ အိပ်ပျော်သွားမှာကိုတော့ မျှော်လင့်လို့မရဘူးပေါ့ ။ ပြောရရင် ကိုယ်တို့ ငယ်တုန်းကလို အိပ်ယာဝင်ပုံပြင်များတော့ မဟုတ်တော့ဘူးပေါ့ ။ မအေ နဲ့ သမီးလေးကြား firm bonding ဖြစ်အောင်သာ ပြောရတာမျိုး ။ တခါလေ လဲ စိတ်က သိပ်မရှည်ရင် မအေ ရဲ့ ဗီတိုအာဏာ နဲ့ ငေါက်ဆတ်ဆတ်ပြောပြီး ရပ်ပလိုက်တာမျိုး ။ အဲဒါမျိုးဆိုလဲ သူက ကိုယ်တို့ငယ်တုန်းကလို မျက်တောင်လေး ပုတ်ခတ်ပုတ်ခတ်နဲ့ ငြိမ်သွားမှာမျိုးတော့မဟုတ်ဘူး ။ သူ့အဖေဆီသွားပြီး သွားတိုင်တာပေါ့ တိုင်ရုံနဲ့မပြီးသေးဘူး မေမေ့ကို ဆူလိုက်ပါဆိုတာ ပါသေးတယ် ။ အိမ်မှာ သူ့အဖေ က ပိုအာဏာရှိတယ်လို့များ ထင်နေလားမသိ ကတောက်စ်.....:D 

 သမီးလေးက ငယ်ငယ်လေးတုန်းက မြန်မာမှာတလှည့် ဒီမှာတလှည့်နေတာဆိုတော့ ကာကွယ်ဆေးကို ဟိုမှာ ထိုးလိုက် ဒီမှာထိုးလိုက် ။
ဒီမှာ ထိုးတော့ အစက ပိုလီကလင်းနစ်မှာ ထိုးတယ် ။ နောက်တော့ ပိုလီကလင်းနစ်သွားရင် စောင့်ရတာ နောက် မကျန်းမာတဲ့လူတွေကြား ကလေးနဲ့ အကြာကြီးဆိုတော့ အပြင်ဆေးခန်းမှာပဲထိုးတယ်။ ဘယ်မှာပဲ ထိုးထိုး Record တော့ရှိရတယ် ။ မရှိရင် ကျောင်းအပ်ချိန်ကျ အခက်ခဲဖြစ်မယ် ။
ဒါပေမယ့် ပိုလီကလင်းနစ်ကျတော့ ကာကွယ်ဆေးထိုးရုံတင်မဟုတ်ဘူး ။ သူ့အရွယ်အလိုက် ဖွံ့ဖြိုးမှူတွေအတွက် Child Developmental Screening / Assessment at .(age)......တွေပါတယ် ။
သမီးလေးအတွက် အဲဒါတွေ မစစ်ပေးခဲ့မိတော့ သုံးနှစ်ပြည့်တုန်းက ပိုလီကလင်းနစ်ကို သွားပြတော့မှ ဆရာဝန်ကို ပြောပြတော့ ကိတ်စမရှိဘူး ။ ဒါတွေ ကိုယ့်ကလေး ဖွံ့ဖြိုးမှူရှိမရှိ မိဘတွေလဲသိတာပဲဆိုတော့ ကိုယ်တိုင်ပဲဖတ်ပြီး ဖြည့်လိုက်ပါတဲ့ ။ ကိုယ့်ကလေးက ပုံမှန်ဖွံ့ဖြိုးနေတယ်ပဲ ကိုယ်ကထင်နေပေမယ့် တကယ်တော့ သူ့အရွယ်အလိုက်မှာ ဘာတွေကတော့ ဖွံ့ဖြိုးတယ် ဘာတွေကတော့ ဖွံ့ဖြိုးပေမယ့် ပုံမှန်ထက် နည်းနည်းနောက်ကျတယ် ဆိုတာတွေကို သိနိုင်တာပေါ့ ။



 December 28 ,2014

ဆီချက်ခေါက်ဆွဲ သွားစားဖို့ အဆင်သင့်ဖြစ်နေသူတစ်ဦး :D
ဒီနေ့ မင်္ဂလာဝိဟာရကျောင်းမှာ မြန်မာစာ လာသင်တဲ့ကလေးတွေကို အိမ်နီးချင်းက ဆီချက်ခေါက်ဆွဲကျွေးမှာလို့ပြောတော့ မီးမီးလဲ မြန်မာစာ သွားသင်မယ်တဲ့ ။
ညီးက တတ်လို့လားဆိုတော့ ကကြီး ခကွေး ဂငယ် နဲ့ ရွတ်ပြနေတာ ။ အဲလိုတော့လဲ မဟေမာ တို့ အဟုတ်ပဲ တော့ ...



















   

December 17 ,2014

သမီးလေး က သူ့အဖေကို မျက်နှာကြည့် အလိုက်သိပြီး မအေကိုတော့ သူ့အိတ်ထဲကလို့ အပိုင်တွက်ထားတယ် ၊
မေမေ ဟာ သူ့အတွက် အရာရာအဆင်သင့်ဆိုတာ ဘယ်လိုများသိနေပါလိမ့် <3>

ဒါပေမယ့် ဘာမဆို မေမေ လုပ်ပေးမှ
မေမေ မိုင်လိုလေး သွားဖျော်ပေးပါလား ( ဟင့်အင်း ဟင့်အင်း တီတီဖျော်တာသောက်ချင်ဘူး မေမေဖျော်ပေး)
မေမေ ဟေမာ ရှူးရှူးပေါက်ချင်လို့
မေမေ့ ဖေဖေ့ကို စကားမပြောနဲ့လေ
မေမေ့ ဖုန်းမပြောနဲ့လေ
မေမေ့ ကွန်ပျူတာမကြည့်နဲ့လေ
မေမေ ဟေမာ ဘာဘီကြက်ဥ လိုချင်လို့
မေမေ ဟေမာ့ကို စတော်ဝယ်ရီဝယ်ကျွေးဦးလေ
မေမေ ဟေမာ ဟယ်လိုကစ်တီ ကြိုက်တယ်လေ
မေမေ ဟေမာယူထားတာ ဘာလို့ပြန်ချထားခဲ့တာလဲ
မေမေ
မေမေ.......
မေမေ..........
မေမေ............

မေမေ လဲ ရူးခါနီးနေပါပြီ သမီးရယ်:P



  December 12 ,2014

 ဟေမာ့ လက်ရာ ကားလေး <3 i="">
သမီးလေးက မအေထက် စမတ်ဖြစ်တယ် ။
တခုခုဆို သူလိုချင်တာ မလိုချင်တာကို ကွဲကွဲပြားပြား သိလဲသိတယ် ။ တွေလဲမတွေဝေဘူး ။ မအေ နဲ့ တူပြီး မကောင်းတဲ့အကျင့်က စိတ်မရှည်တာပဲ ။ အရောင်ခြယ်တာမှာ စိတ်ရှည်ရင် ညီပြီး သေချာလှအောင်ခြယ်တတ်တယ်။ ဒါပေမယ့် နှစ်ခုကနေ သုံးခုဆိုရင် စိတ်မရှည်တော့ ဆွဲခြစ်ပလိုက်ရော ။
အရောင်တွေဆို သမီးက အသီးတွေကို သိတယ် ။ ပန်းသီးဆို အစိမ်းရောင် ပန်းရောင်ခြယ်ရမယ်။ မာကလာသီးဆို အစိမ်းရောင် ခရမ်းချဉ် စတော်ဘယ်ရီဆို အနီရောင်ပေါ့ ။ အမယ် သူခြယ်မယ့် အရောင်ကိုကြည့်ပြီးပြောသေးတာ တခါ စတော်ဘယ်ရီကိုအနီခြယ်ရမှာ သူ့ခဲတံအရောင်က ပန်းဆီအနီကြီးဖြစ်နေလို့ မာမီ ဒီကာလာကို ဟေမာ satisfy မဖြစ်ဘူး နောက်တခါ စတော်ဘယ်ရီအနီရောင်ခဲတံရှာဝယ်ပေးပါ ဆိုပဲ ။
စိတ်မကောင်းစရာက ပန်းအရောင်တွေကို သမီးမသိဘူး ။ ဒီလောက် ပန်းတွေကြားမှနေ ပန်းတွေကို သိပ်ချစ်တဲ့ မေမေ့ မှာ သမီးလေးက ပန်းအရောင်တွေကို သိပ်မသိဘူးဆိုတော့ စိတ်တောင်မကောင်းဘူး ။ ပန်းတွေဆို ခြယ်ချင်တဲ့အရောင်တွေခြယ်လိုက်တယ် ။
၂၀၁၃ မတ်လမှာ သမီးက play group တက်တာ တနေ့မှတနာရီခွဲရယ် ဆိုတော့ သူပျော်တယ် ။ ၂၀၁၄ဇန်န၀ါရီမှာ child care N1 တနေကုန်ကျောင်းထားတော့ သူမပျော်ဘူး ။ တနေကုန် အီးလို တရုတ်လို ပြောကြတဲ့သူတွေကြားမှာ ၊ အစားပုပ်တဲ့သမီးလေး နေ့လည်စာကို ကျောင်းကကျွေးတဲ့ ပုံစံခွက် ခေါက်ဆွဲတွေ စွပ်တွေစားရတဲ့အခါမှာ သူ သိပ်စိတ်ညစ်ရှာမှာ ။ ညနေ သွားကြိုတိုင်း မုန့်ယူသွား အိမ်ရောက်အောင်မစောင့်နိုင် သိပ်ဆာနေတော့ တန်းကျွေး၇တာ ။ သူကလဲ ကျောင်းမသွားချင်လို့ ငိုတာတွေရှိသလို ကျောင်းကဆရာမတွေကလဲ.. နင်တို့ အိမ်မှာ အီးလိုမပြောဘူးလား နင့်သမီးက ပြောရင်မသိဘူး ဆိုတာမျိုး ပြောတာခံရတယ် ။ ကိုယ်တွေကတော့ အိမ်မှာ မြန်မာစကားပဲပြောဖြစ်တယ် ။ သမီးလေး မတူညီတဲ့ အသိုင်းအ၀န်းထဲ ၀င်ခဲ့ရတာ သိပ် stress များခဲ့ရှာမှာပဲ ။ အခုတော့လဲ သမီးလေးအခြေအနေ ဆရာမတွေကိုမေးတော့ ချီးကျူးကြတယ် ဟေမာ သိပ်တော်တာပဲ တဲ့ ။ တခုခု ဆို တခါပြောထား မှတ်လဲမှတ်မိတယ် ။ သူ့ပစ္စည်းလေးတွေဆို သိမ်းတယ် စည်းကမ်းရှိတယ် တဲ့ ။

ကျောင်းမှာလဲ သမီးနာမည် က ဟေမာပဲ ။ ဒီနာမည်လေးကို အကုန်လုံးက ခေါ်တတ်တော့ အဆင်ပြေတယ် ။ မေမေ ကလဲ သမီးနာမည်ကို အင်္ဂလိပ်နာမည်တွေ ဘာတွေမပေးချင်ပါဘူး .
သမီးရေ မေမေက အီးလိုလဲ သိပ်မလည် ၊ တရုတ်စကားလဲ မတတ်တော့ နောက်ပိုင်းမှာ သမီးနဲ့ မေမေ စကားမပေါက်ပဲ အလှမ်းကွာမှာ သိပ်စိုးတာပဲ ။ မေမေ ကြိုးစား၇မှာပေါ့နော်



 December 5 ,2014

 အိမ်က မယ်လက်တောက် မောင်လေးလိုချင်နေတာ ။
 တချိန်လုံး ပူနေတဲ့မအေ ဗိုက်ကို ကိုင်ပြီး မေမေ အထဲမှာ ဘေဘီလေးလားနဲ့ မေးနေတာ ။ သနားတာနဲ့ ဒီအရုပ်လေးဝယ်ပေးမလို့ဟာ ဟင့်အင်းဒါကဘေဘီဂဲလ်လေးတဲ့ သူလိုချင်တာက ဘေဘီဘွိုင်းတဲ့ ။ ခက်တာက ဆိုင်မှာက ဘေဘီဘွိုင်းအရုပ်က မရှိ ။ 
တကျီကျီ နဲ့ကို စိတ်ရှုပ်လာတာနဲ့ မောင်မောင်လေးက မေမေ့ဗိုက်ထဲမှာဆိုတော့ ပျော်ပြီး ဗိုက်လာကိုင် နားနဲ့ကပ်နားထောင်ပြီး ဘာမှလဲမကြားရဘူးနော် မာမီ တဲ့ ။ 
 မပြီးသေးဘူး သူ့အဖေ ကို သွားပြောတယ် ဒယ်ဒီ ဒယ်ဒီ ဒီမှာ မောင်မောင်လေးက မေမေ့ဗိုက်ထဲမှာတဲ့ ။ သူ့အဖေ က မရှိပါဘူးသမီးရဲ့ ဖေဖေ က မောင်မောင်လေး မလိုချင်ဘူးနော် ဆိုတော့ ပြန်မေးတယ် ။ ဒယ်ဒီ က ဟေမာ့ကို အရမ်းချစ်လို့ မောင်မောင်လေး မလိုချင်တာလား တဲ့ ။
 ဒါပေါ့ဆိုတော့ ပြုံးသွားရော ။ ဂလိုမှန်းသိ မေမေ လဲ သမီးကို အရမ်းချစ်လို့ မောင်မောင်လေး မလိုချင်ဘူးပြောရမှာ ။ နောက်တခါတေ့ာ လည်သွားပြီ















 December 4 ,2014

မနက် အိပ်ယာထ မိုးကရွာ သားအမိ နှစ်ယောက် အိပ်ယာထဲ နှပ်နေရင်း သူ့ကျောလေးပွတ်ပြီး သီချင်းဆိုပြတာ twinkle twinkl little star ဆိုတာကို ဟေမာ ဟေမာ လစ်တဲလ်စတား ဆိုပြီးတော့လေ ။ အဲဒါကို မယ်လက်တောက်က ဟေမာ့ကို little star လို့ မပြောပါနဲ့ big star လို့ ပြောပါတဲ့ ။ အွန်းနီကမှ little star တဲ့ လေ။
 အွန်းနီဆိုတာ ဘယ်သူတုန်းဆိုတော့ ဟေမာ့ကျောင်းက သူငယ်ချင်းတဲ့ ။
သာယာနေတဲ့ မအေ စိတ်လေ သွားလို့ ရုံးထွက်လာခဲ့တယ်



 December 1 ,2014

ဟေမာ က ပင်ဂူးလေးကိုလဲ ချစ်တာပဲ ။
ခက်တာက ပင်ဂူး က ရှေ့ကနေ ရှာရှာပေါက်ပေါက်ကစားရင် သူလဲ လိုက်ကစားချင်တာ ခက်တာပဲ ။ အိမ်မှာလဲ ပွ လို့


ဟေမာ သိပ်ကြိုက်တဲ့ ကာတွန်းတွဲ (Маша и Медведь - Большая стирка (Серия 18) | Masha and The Bear (Episode 18))
ပြောသေးတယ် မာမီ မာရှလေးက သိပ်ကို နော့တီးတာပဲနော် ။ မာမီက နော့တီးတာကို ချစ်တာလား နဲ့ စကားဝယ်သေးတာ ။ လည်ချက်


မနှစ်က ဟေမာတို့ Graduation ပွဲနီးလာတော့ ဒီသီချင်းလေးကို ဖွင့် ဖွင့်ပြီး သူ က နေတာ တွေ့တယ် ။ အမှန်တော့ အဲဒီနေ့မှာ က ရမှာမို့ သူ ကျင့်နေတာ မအေ က မသိဘူး ။
အချိန်တွေက ဘာမှ မကြာသလိုပဲ တနှစ်ကုန်သွားတာ ခနလေးလိုပဲ ။
ဒီနှစ်တော့ ဘာသီချင်းမှ ဖွင့်တာလဲမတွေ့ဘူး ။ ည တုန်းက မအေ က ဆမ်ဆောင်းဖုန်းထဲက ရစ်စမတ်သီချင်းလေးဖွင့်ပြပြီး သမီးရေ ဒီဇင်ဘာရောက်ပြီနော် ဆိုတော့ မော့ တောင်မကြည့်နိုင်ရှာဘူး ။ အခု သူ ဇာတ်လမ်း စီးရီးစ်တွေ ကြည့်နေတာ ။
ဘာပဲ ပြောပြော မနက်တိုင်း သူ အိပ်ယာက နိုးလာရင် မာမီ အိုင်လပ်ဖ်ယူ ဆိုတာလေးနဲ့ပဲ ကိုယ့်ကို ကိုယ် အားဖြည့်ရတယ်။


No comments:

Post a Comment