Monday, February 25, 2013

တပို့တွဲ လပြည့် နဲ့ ထမင်းနဲ၊ ပီတိဖြစ်စရာ အမေ့စာ

                   တပို့တွဲလပြည့်နေ့တွင် ဘုရားရှင်တိုင်း တပည့်သားတို့အား  သြ၀ါဒ ( အပါယ်ဘေးမှ ကင်းဝေးစေသော အဆုံးအမ ) ပေးတော်မူသည်ကို အကြောင်းပြု ၍ ထိုနေ့ကို သြ၀ါဒ ပါတိမောက်အခါတော်နေ့ အဖြစ် ကျင်းပရခြင်း ဖြစ်ပါသည်။

သြ၀ါဒ ပါတိမောက် အခါတော်နေ့အကြောင်းအပြည့်အစုံကို မခွန်မြလှိုင် ရဲ့ တပို့တွဲ လပြည့် သြ၀ါဒ ပါတိမောက် အခါတော်နေ့ သိမှတ်ဖွယ်ရာများ 
မှာ သွားရောက်ဖတ်နိုင်ပါသည်။


တပို့တွဲလ ဟာ မြန်မာပြက္ခဒိန် မှာ ၁၁ လမြောက်လ ဖြစ်ပါတယ် ။ ဆောင်းနှောင်းရာသီ ကာလမို့ အညာမှာဆို အရမ်းချမ်းတဲ့ အချိန်လဲဖြစ်ပါတယ် ။

တပို့တွဲလ ရဲ့ ရာသီပန်းကတော့ သရဖီပန်းပါ ။ ပေါက်ပန်းတွေလဲ ပွင့်ကြတယ်တဲ့ ။ တကယ်တော့ စံပါယ်တွေလဲ ပွင့်ပါပြီ ။ 

မယ်သံ တို့ငယ်ငယ်ကဆို နေတော့လဲအညာ ချမ်းကလဲအရမ်းချမ်း ။
ဒါပေမဲ့ ဘယ်လောက်ချမ်းချမ်း ညဘက်ဆို ရပ်ကွက်ထဲကထမင်းနဲ ပွဲတွေကိုသွားကြတယ် ။
ထမင်းနဲ ၀ိုင်းထိုးကြတဲ့ ကာလသားတွေအတွက် ရေနွေး၊ လဘက် တွေ ယူသွားသလို ထန်းမြစ်တွေ ပေါ်နေတာကြောင့် ထန်းမြစ်တွေပါယူသွား တစ်ချောင်းပြီး တစ်ချောင်း  မီးဖိုထဲ ထိုးပြီးဖုတ် စားကြတယ်။
ထမင်းနဲ ထိုးနေကြတဲ့ သူတွေက လဲ ကလေးတွေ သူတို့ကြားထဲဝင်ပြီး ထန်းမြစ်ဖုတ်တာကို မငြူစူ မငေါက်ကြဘူး ။ အပျော် လုပ်ကြတဲ့ ပွဲကိုး ။

မယ်သံ ကိုလဲ ၁၃၃၇ ခုနှစ်ရဲ့ တပို့တွဲလပြည့် နေ့မှာ မွေးတာဆိုတော့ အမေ က ထမင်းနဲ ပွဲတွေမှာ တဒယ်စာ ကောက်ညှင်းဆန်၊ မြေပဲ၊ နှမ်း၊ ဆီ ၊ ဂျင်း စတဲ့ ပစ္စည်းတွေပေးပြီး ထိုးခိုင်းတယ် ။ မှတ်မိတာကတော့ မိုးပြဲ တဒယ်စာဆို ကောက်ညှင်းက လေးပြည်ပါ ။
ထမင်းနဲ ရပြီဆိုရင် မနက်ဆွမ်းကပ်ဖို့နဲ့ ဘုန်းကြီးကျောင်းကိုပို့ဖို့ ချန်ပြီး  အိမ်နားနီးချင်းတွေ ကိုလိုက်ဝေရတယ်။
 မယ်သံက မွေးနေ့ရှင်ဆိုတော့ အမေ က ကိုယ်တိုင်လိုက်ဝေ ဆိုပြီး ခိုင်းတာပေါ့ ။
တကယ့်ကို ပျော်စရာပါ ။ 

ထမင်းနဲကို ကိုယ့်မွေးလ ရာသီစာလဲဖြစ် ၊ ကြိုက် ကလဲ ကြိုက်ဆိုတော့ အညာကနေ ရန်ကုန်ရောက်လာတော့လဲ စလေကို ပြန်ပြီးမှာစားတယ် ။
 ပြောရရင် ရန်ကုန်မှာ ရောင်းတဲ့ ထမင်းနဲတွေက အညာကလို အရသာမဟုတ်ဘူး ။ နည်းနည်းမာတယ် ။ ဆီလဲကွာတယ်ထင်ပါရဲ့ ။ နောက် အချိုမှုန့်လဲပါတယ် ။
အညာက ဆားလေး နဲ့ ဘဲလုပ်တာမှာ ကောက်ညှင်းအိအိကို နှမ်ေးလး ဆီလေး နဲ့ မြေပဲအရသာ အုန်းသီးအရသာနဲ့ အိအိပျောင်းပျောင်းလေး ။ (ရေးရင်းနဲ့ ပြန်မြင်ယောင်ပြီး သားရေကျတယ်) ။ မန္တလေးဘက်ကတော့ နှမ်းမနဲ လို့ ခေါ်ကြပါတယ် ။

နောက်တော့ မိဘတွေလဲ ပင်စင်ယူ ကြပြီး ကိုယ်ရှိရာ ရန်ကုန်ကို ပြောင်းလာကြတော့ အညာလက်ရာ ထမင်းနဲ လေးနဲ့ ဝေးပြီး ရန်ကုန်ဘက်က လက်ရာတွေကိုဘဲ အားပေးရတာပေါ့ ။
 တဖြည်းဖြည်း ရန်ကုန်မှာလဲ ကောင်းရာ ကောင်းကြောင်းလေးတွေကို ရှာစားတတ်လာတယ်။

စင်္ကာပူလဲရောက်ရော ပထမဆုံး တပို့တွဲလပြည့်မှာ ထမင်းနဲ စားချင်တာအလွန်ဘဲဆိုတော့ ပင်နဆူလာကို သွားရှာတာပေါ့ ။
 ရေခဲခန်းထဲက ထမင်းနဲ ရလာတယ်။ထမင်းနဲကြီးကလဲ မာခဲနေတာပါလားဆိုတော့ ရောင်းတဲ့အမကြီးက ညီမလေး မီးနဲ့ ပူလိုက်ရင် ပျော့ပျောင်းလာတာနဲ့ ပြောလိုက်တယ် ။
 ကိုယ်ဘဲ မလုပ်တတ်လို့လားမသိ မာလိုက်တာ ဆိုတာ ။
ဒါပေမဲ့ ကိုယ်က လပြည့်မွေးတဲ့သူဆိုတော့ ကိုယ့်မွေးနေ့ ဘုန်းကြီးကျောင်းကို အလှူလုပ်ဖို့သွားတာ ဘုန်းကြီးကျောင်းက ပိတ်ရက်တုန်းက ထမင်းနဲ ပွဲလုပ်ထားလို့ ရှိတဲ့ထမင်းနဲ ကို လာတဲ့သူတွေကျွေးတာ ။ ၀မ်းသာပြီး ဇွန်းလက်မချ စားလိုက်တာ အတူပါလာတဲ့ ယောင်္ကျားလက်ကို ဇွန်းမရောက်လိုက်ဘူး ။ (ဒါကြောင့် ပြောကြတာနေမှာ အစားကောင်းစားရင် ချစ်တဲ့သူတွေကို မေ့တယ်တဲ့ )။
တကယ်တော့ စင်္ကာပူက မြန်မာဘုန်းကြီးကျောင်းတွေမှာ တပို့တွဲလပြည့်မတိုင်ခင် စနေ တန၈င်္နွေ ပိတ်ရက်တွေမှာ ထမင်းနဲ ပွဲတွေ ရှိပါတယ်။

နောက်တော့လဲ ကိုယ့်ဟာကိုယ် စမ်းလုပ်ကြည့်ရတော့တာဘဲ ။ အကောင်းကြီးတော့ မဟုတ်ပေမဲ့  အိမ်မှာအတူနေတဲသူတွေကိုလဲ ဝေ ။ ခင်ရာမင်ရာတွေကိုလဲ ဝေ ရတာပေါ့ ။ တချို့ ရာသီစားချင်တဲ့သူတွေက ကိုယ်ပေးလိုက်လို့ ၀မ်းသာ သွားတဲ့အခါ လက်မောင်းအောင့်တာ ညောင်းတာ တွေမေ့သွားပါတယ် ။

မနေ့ က ထမင်းနဲ ထိုးထားပြီး ဒီနေ့မနက်စောစော ရုံးမလာခင် အိမ်ကဘုရားကို ထမင်းနဲဆွမ်းကပ်လာပါတယ် ။
မျက်နှာသစ်တော်ရေ(သုံးတော်ရေ)၊ သောက်တော်ရေ၊ ပန်း၊ အမွှေးနံ့သာတိုင်၊ သစ်သီးဆွမ်း၊ ထမင်းနဲဆွမ်းနဲ့ ကော်ဖီအချိုရေ မုန့်ဆွမ်းတို့ကို သေချာကပ်လှူ ပူဇော်ခဲ့ပါတယ်။



ကျမ ပြုလုပ်ရရှိတဲ့ ကုသိုလ်တို့ကို ဒီဘလော့လေးကို လာရောက်ဖတ်ရှူကြတဲ့ မိတ်ဆွေများ ထပ်တူ ထပ်မျှ ရရှိကြပါစေ ။ ကောင်းသော လိုရာဆန္ဒများ ပြည့်ဝ အောင် ကောင်းစွာကြိုးစားအားထုတ်နိုင်ကြပါစေ လို့ အမျှဝေ ၊ ဆုမွန်ကောင်းတောင်းရင်း ကျမ လက်ရာ ထမင်းနဲ လေးနဲ့ ဧည့်ခံလိုက်ပါတယ် ။
စားသွားကြပါဦးနော် ။

( နှမ်းပါ ပါတယ်။ နှမ်းဖြူမို့ မပေါ်တာပါ )



ဒါကတော့ အခု ရန်ကုန် ခြောက်ထပ်ကြီးနားမှာရှိတဲ့ ရွှေမင်းဝံတောရမှာ တရားစခန်းဝင်နေတဲ့ မိခင်ကြီးဆီက စာပါ ။ ကျမ မွေးနေ့ အတွက် အလွန်တန်ဖိုးရှိတဲ့ လက်ဆောင်မို့ ကျမ ရဲ့ ၀မ်းသာပီတိများကိုလဲ မိတ်ဆွေတို့ ကို မျှဝေလိုက်ပါတယ်နော် ။ အားလုံး ကိုယ်စိတ် နှစ်ဖြာ ကျန်းမာ ရွှင်လန်းကြပါစေ ရှင်။



၁၃၇၄ တပိုတွဲလပြည့်

 သမီးလေး 

ဒီနေ့သည် သမီးလေး၏မွေးရက်ဖြစ်ပါသည်။သမီးလေး၏ မွေးရက်မှာ အဖေ၊အမေ၊သမီးလေးဟေမာ မိသားစု ပျော်ရွင်ပါစေကြောင်း၊
ပျော်ရွှင်စရာမွေးနေ့ရက်ဖြစ်ပါစေကြောင်း၊ ဘေးရန်အပေါင်း ကင်းပါစေကြောင်း၊ စိတ်ချမ်းသာ ကိုယ်ကျန်းမာဖြင့် မွေးနေ့ရက်ပေါင်း ရာကျော်ပါစေကြောင်း၊ ဒီမိ ဒီဖ  ဥမကွဲ သိုက်မပျက် အသက်ထက်ဆုံး ပျော်ရွှင်ဖွယ်ရာတွေနဲ့  ပြီးပြည့်စုံပါစေကြောင်းဆုတောင်းမေတ္တာပို့အပ်ပါသည်။

သမီးလေးမွေးနေ့လက်ဆောင်အဖြစ် မိုးမိုးငြိမ်း ကိုတရားခွေ တစ်ခွေပေးလိုက်ပါတယ်။

ယနေ့မှာသိက္ခာ သမာဓိ ပညာများနှင့် ပြည့်စုံသော ဆရာတော်  သံဃာတော်များနှင့် ရှစ်ပါးသီလ စောင့်ထိန်းပြီး တရားနာကြား၊ ဘာဝနာပွားများနေကြသောယောဂီသူတော်စင်များကို စမူဆာ ကျွေးပါသည်။
အမျှပေးဝေ၍ သာဓုခေါ်ဆိုပါလေ

။မဟေမာမွေးနေ့ရက် ၁၈.၃.၁၃ မှာ မေတ္တာပို့၍ ကျန်းမာချမ်းသာ အရာရာကို ပြီးပြည့်စုံသော လိမ္မာသော ပညာရည်ချွန် လူရည်မွန်လေး ဖြစ်ပါစေကြောင်း ဆုတောင်းမေတ္တာပို့ပေးနေပါမည်

။မွေးနေ့တွင် ထွက်၍ ကျွေး/စားမည့်အစား ပဌာန်း ၊ ပရိတ်ရွတ်ပါ။

အဖေကို ကာယကံ၊ ဝဇီကံ၊ မနောကံတို့ဖြင့် ပြစ်မှားမိခဲ့သည်ရှိသော် ထိုအပြစ်တို့မှ ခွင့်လွတ်ပေးပါ၇န် ဝန်ချတောင်းပန်ပါ၏ လို့ဆိုပြီး ကန်တော့ပါ။
ကလေးကိုအနားမှာထားပြီးကန်တော့ပါ။ ဒါမှ အတုမြင်တတ်မှာ

။ကိုဦးကိုလဲ ရှေ့မှာထားပြီး ကာယကံ၊ ဝဇီကံ၊ မနောကံတို့ဖြင့် ပြစ်မှားမိခဲ့သည်ရှိသော် ထိုအပြစ်တို့မှ ခွင့်လွတ်ပေးပါ၇န် ဝန်ချတောင်းပန်ပါ၏ လို့ဆိုပြီးရိုရိုသေသေပြောပါ။

 
                                                       "  မေတ္တာပို့ "

အရပ်ဆယ်မျက်နှာနေ ၊ အားလုံးသတ္တဝါတွေ ၊ ဘေးရန် ကင်းကြပါစေ၊ စိတ်ဆင်းရဲကင်းကြပါစေ၊ ကိုယ်ဆင်းရဲကင်းကြပါစေ၊ ကိုယ်စိတ်နှစ်ဖြာ ချမ်းသာစွာနှင့် မိမိ၏ ခန္ဓာဝန်ကိုရွက်ဆောင်နိုင်ကြပါစေ။
 အဲဒီမေတ္တာပို့ကို ၃၇ ခေါက်ရွတ်ပြီး မေတ္တာပို့ပါ။ 
 
                                                                                                  " အမျှဝေရန်"


ယနေ့ယခု ၊ ပြုပြုသမျှ ၊ မြတ်ဘာဂကို မိဘဆရာ ၊ မျိုးသဟာနှင့် ကိုယ်မှာစောင့်ကြပ် ကိုယ်စောင့်နတ်က အရင်းစ၍ ရှိသမျှလုံးစုံ ဘုံသုံးဆယ့်တစ် ဖြစ်ဖြစ်သမျှ ဝေနေယျတို့ ရကြပါစေ ပေးငှဝေသည် များထွေသာဓုခေါ်စေသော်........ ဆိုပြီး အမျှဝေပါ။ 

                                                                                                                    မေမေ

2 comments:

  1. သန္တာရဲ့ ပြုပြုသမျှသော ဒါန သီလ ဘာဝနာ ကုသိုလ်အစုစုတို့အတွက် သာဓု သာဓု သာဓု။
    မိသားစုအားလုံး စိတ်ဓာတ်အစဉ်ကြည်လင်အေးမြပါစေကွယ်။

    မေတ္တာဖြင့်
    အန်တီတင့်

    ReplyDelete
  2. အမေ့စာကြောင့် သမီးရဲ့အပျော်တွေကို စာလုံးတိုင်းမှာ တွေ့မြင်နေရပါတယ် ညီမရေ..။ ထမနဲကလည်း စားချင်စရာ..။

    ReplyDelete