[X] Choose Font Here

Thursday, November 1, 2012

နှစ်ကိုယ်တူ ဘ၀ ခရီး အစ (၁)

သီတင်းကျွတ်ပြီဆိုတော့ မင်္ဂလာဆောင် ဖိတ်စာ လေး တွေ တဖွဲဖွဲ ရောက်လာပါပြီ ။

          မင်္ဂလာဆောင် ဆိုတာ တတ်နိုင်ရင် တတ်နိုင်သလို ၊ ကာယကံ ရှင်တွေ ရဲ့ စိတ်ကူးလေးတွေကို အကောင်အထည်ဖော် တာရော ၊ သူ့ဘက် ကိုယ့်ဘက် လိုချင်တာလေးတွေကို ညှိကြတာရော မို့ စိတ်ရော လူပါ အနည်းနဲ့ အများပင်ပန်းကြမှာပါ ။ ခုခေတ် မင်္ဂလာဆောင်တွေ အတော်များများက မိဘချင်းသဘောတူတယ် ဆိုတာထက် ကိုယ်တိုင် ချစ်ခင်ကျေနပ်ကြလို့ ဖြစ်လာကြတာတွေ များတာမို့ ပင်ပန်းနေပေမဲ့ ပျော်ရွှင်ကြည်နူးကြမှာ အမှန်ပါ ။

          သူများ မင်္ဂလာဆောင် ဖိတ်စာလေးတွေ ကြည့်ရင်း လွန်ခဲ့တဲ့ ၈ နှစ်က မယ်သံတို့ မင်္ဂလာဆောင်လေး ကို ပြန်မြင်ယောင်မိရင်း မှတ်မိသလောက်ကို အမှတ်တယ မှတ်တမ်းတင်ထားချင်ပါတယ် ရှင် ။

          မယ်သံ တို့ နှစ်ယောက် နှစ်ဖက်မိဘ များကို အသိပေးပြီး အသိအမှတ်ပြု ကျေနပ်လက်ခံကြတယ်ဆိုတော့ တရားရုံးချုပ်မှာ သွားပြီး နှစ်ဦးသဘောတူ လက်မှတ်ထိုးကြပါတယ် ။ မိဘတွေက နယ်မှာပါ ။ ကိုချစ်မောင်က နိုင်ငံခြား သွားချင်လို့ ကြိုးစားနေတဲ့အချိ်န် ၊ သူ့ အေးဂျင့်က သွားရခါ နီးပြီလို့ ပြောတော့ လက်မှတ်ထိုးထားကြမယ် လို့ တွေးပြီး စီစဉ်လိုက်တာပါဘဲ ။ မင်္ဂလာဦး မှာ အလှူတစ်ခု ပြုကြမယ် ဆိုပြီး ဇီဝိတ ဒါန သံဃာ့ ဆေးရုံကြီးမှာ သွားပြီး လှူပါတယ် ။

ဘုန်းတော်ကြီးက မင်္ဂလာဦးဆုံးမတရားဟော ဆုတောင်းပေး ပြီး အလှူအတွက် ရေစက်ချ နဲ့ အတော် ကို ကြည်နူးစရာပါ ။

          အကြောင်းအမျိုးမျိုး ကြောင့် ကိုချစ်မောင် သွားဘို့ လာဘို့ ကြန့်ကြာနေချိန် ၊ မယ်သံ အမေ လဲ ရန်ကုန် လာလည်ချိန် မှာ ကိုချစ်မောင်တို့ မိဘတွေ အမေ့ကို လာတွေ့ ပြီး မင်္ဂလာကိစ္စ ပြောကြတော့ မယ်သံ တို့ မြို့မှာ မင်္ဂလာဆောင် လုပ်မနေတော့ဘဲ မယ်သံတို့ ၂ယောက်လုံး ရဲ့ အပေါင်းအသင်း မိတ်ဆွေများ ရာ ရန်ကုန်မှာဘဲ လုပ်ကြဘို့ အတည်ပြုခဲ့ပါတယ် ။

မယ်သံကတော့ ကိုယ့်အပေါင်းအသင်းတွေ ဆိုတာကလည်း လူငယ်တွေဘဲမို့ မင်္ဂလာဆောင် အခမ်းအနား လုပ်မနေတော့ဘဲ ဆိုင်ကောင်းကောင်း တစ်ဆိုင်မှာ သာ ကျွေးတော့မယ်လို့ ပြောခဲ့ပါတယ် ။ ဟိုဘက် မှာ ကိုချစ်မောင် သွားဘို့ လုပ်ထားတာ နဲ့ အကုန်များနေတာရော ၊ အဆင်သိပ်မပြေတာကို သိတော့ မလိုအပ်ဘဲ ငွေကုန်ခံ စိတ်ရှုပ်မနေစေချင်တဲ့ သဘောပါ ။ မင်္ဂလာဆောင် တစ်ခု စီစဉ်ရာမှာ ငွေကြေး တတ်နိုင်ရင်တောင်မှ စီစဉ် ရတာတွေ များပြီး စိတ်ရှုပ် အလုပ်ရှုပ်ကြ ရ တာကို သိထားသလို နှစ်ဖက်မိဘ တွေ ကလဲ နယ်မှာ ဆိုတော့ ရန်ကုန်က ကိစ္စတွေ ကိုယ်တိုင်ကြဲ ရမှာမို့ အပင်ပန်း မခံချင်တာလဲ ပါပါတယ် ။

          ဒါပေမဲ့ ကိုချစ်မောင်ကတော့ မင်္ဂလာဆောင် အခမ်းအနား လုပ်ချင်ပြီး သူတတ်နိုင်သလောက် လုပ်မယ် လို့ ဆိုပါတယ် ။ ဒီတော့ လဲ လုပ်ရမဲ့  အစီအစဉ် တွေ ကို အယင်ချရေး ရပါတယ် ။ ဒီနေရာမှာ မယ်သံ့ သူငယ်ချင်း မနီလာစိုး က အဓိက အခန်းက ပါဝင်ကူညီပါတယ် ။ သူ နဲ့ ကိုချစ်မောင် တို့ တိုင်ပင်ကြ ဆွေးနွေးကြတာ ကို မယ်သံက ဘေးကနေ လဘက်သုပ်ပေး ခေါင်းညိတ်ပေး နဲ့ တတပ်တအားပါဝင် ခဲ့တာပါ ...:D

မင်္ဂလာဆောင် အခမ်းအနား မလုပ်ချင်ဘူး ဆိုပေမဲ့ တကယ်လဲ လုပ်ဖြစ်မယ် ဆိုရော မယ်သံက
၁) ဇီဝိတ ဒါနသံဃာ့ ဆေးရုံကြီးက ခန်းမ မှာ လုပ်ချင်တယ် ။
၂) ထမင်း (သို့) ၀လင်တဲ့ အစားအစာ ကျွေးချင်တယ် ။ ( ရေခဲမုန့် ကိတ်မုန့် စသဖြင့် မကျွေးချင်ဘူး ) နဲ့
၃) ကက်တလီယာ သစ်ခွပန်း ပန်ချင်တယ် ။
ဆိုပြီး တောင်းဆိုခဲ့ပါတယ် ။

ပထမ ဆုံး သူ့ဘက် ကိုယ့်ဘက် ဖိတ်မဲ့ လူတွေ စာရင်းရေး ၊ လူစာရင်းရတာ နဲ့  ဇီဝိတ ဒါန သံဃာ့ဆေးရုံကြီး ကို သွားပြီး ရက်ယူရပါတယ် ။ တခါထဲ ဘာကျွေးမလဲ ရွေးရပါတယ် ။ ထမင်း+ကြက်သား+အသားနောက်တမျိုး+ဟင်းရည်+ဘာလချောင်ကြော်+အရွက်ကြော် သို့ အသုတ်  သို့မဟုတ် ထောပတ်ထမင်း + ကြက်သား+ဆိတ်သား+ချဉ်ဟင်း+ဘာလချောင် စသဖြင့် ကြိုက်ရာ အတွဲကို ရွေးလို့ရပါတယ် ။ ၂၀၀၅ ခုနှစ်က တယောက် ၁၂၀၀ကျပ် နှူန်းပါ ။

ကိုယ်တိုင်လဲ အစားအသောက် ၀ါသနာပါပြီး သူများကိုလည်း အင်မတန်ကျွေးချင်လှတဲ့ မယ်သံ က အဲဒီ အတွဲနဲ့ တင်မကျေနပ်ပါဘူး ။ ထပ်ထည့်ပါတယ် ။
ထမင်း+ကြက်သား+၀က်သား( ဘုန်းကြီးပွဲအတွက် တော့ငါး) +ငါးဖယ်သုပ်+ သီးစုံချဉ်ရည်+ ငါးပိတစ် ငါးပိချက်ပါ ။နောက် ရေခဲမုန့် ပါ ထပ်ထည့်ပါတယ် ။ ရေသန့်၊ အချိုရည် ၊ တစ်ရှူးက ကာယကံရှင်တွေ ၀ယ်ထည့်ရပါတယ် ။ သူတို့က ခန်းမ အလှ ဆင်တာ နဲ့ ပန်းထိုးတာ လုပ်ပေးပါတယ် ။ ခန်းမ ငှားခ က ၃၀၀၀၀ကျပ် ပါ ( မသေချာ) ။

ခန်းမ ရက်ချိတ်ပြီးတာနဲ့ ဖိတ်စာ အပ်ကြပါတယ် ။ စာစီပေးပြီး ဖိတ်စာဒီဇိုင်းရွေးရင် လဲ သူကြိုက်တာ တမျိုး ကိုယ်ကြိုက်တာ တမျိုး စိတ်ရှုပ်ရမှာမို့ မလိုက်တော့ဘူးဆိုတာကို ဇွတ်ခေါ်တာနဲ့ လိုက်သွားပြီး ဈေးအလယ်အလတ် ရှိတာ ကို ရွေးလာပါတယ် ။ ( မယ်သံကတော့ ဘာဝယ်ဝယ် ဈေးအရင်ကြည့်ပါတယ် )

 ကိုချစ်မောင်လဲ တသက်မှာ တခါဆောင်ရတဲ့ ကိုယ့်မင်္ဂလာဆောင်ကို ဖြစ်ကလတ်ဆန်း လုပ်တဲ့ မယ်သံ့ကို စိတ်ကုန်သွားတယ် ထင်ပါတယ် ။ အိပ်ယာ အခမ်းအနား ၊ ခုတင် ၊ မိတ်ကပ်အပ်တာ(ကိုမာ) ၊ဓါတ်ပုံ ၊ ဗွီဒီယို ရိုက်ကူးရေး စတာတွေကို သူ့ဟာသူ ဘဲ စီစဉ် ပါတော့တယ် ..:P
(ဒါတွေ စီစဉ်ရတာ မင်္ဂလာဆောင်မတိုင်ခင် ၆ လ လောက်အလိုထဲကပါ)

အဲ ၀တ်စုံ အတွက် ဗိုလ်ချုပ်ဈေးသွားတော့  မလိုက်မဖြစ် လိုက်ရပါတော့တယ် ။ ကိုချစ်မောင် နဲ့ မနီလာ တို့ တဆိုင်ဝင် တဆိုင်ထွက် အဆင်တွေ အရောင်တွေ ချိ်တ်တွေ ကြည့်ကြချိန်မှာ တော့ သူတို့တွေ စကားပြောတဲ့ အလစ်မှာ မုန့်တွေ သွားကြိတ်ပါတယ် ။ ဗိုလ်ချုပ်ဈေးက မုန့်တွေက အကုန်ဆွဲဆောင်မှူ ရှိတယ် မဟုတ်လား ရှင်...:D

သူတို့ဘဲ လက်ဝတ်လက်စား ရွေး ၊ ဖိနပ်အပ် လုပ်ကြပါတယ် ။ ဖိနပ်အရောင် ကို ချိတ်အရောင် နဲ့ ရွေးပြီး စီးကွင့် ထိုးဘို့ အပ်ကြတော့ တခဏတာ အခန်းအနား အတွက် အချိန်ပေးရ ငွေကုန်ရတာတွေကို တရားကျမိပါတယ် ။ ကျမ လိုလူ ဧည့်သည် ဆိုရင်တော့ ဘာဖိနပ် စီးနေပါလဲ စိတ်ဝင်စားမှာ မဟုတ်ပါဘူးး ဘာကျွေးမလဲ ပဲ စိတ်ဝင်စားမှာပါ ။

          ရန်ကုန်မှာ မင်္ဂလာဆောင်ဘို့ စီစဉ်တာတွေ ပြီးသလောက်မှာ နယ်က အမေ့ဆီက ဖုန်းလာပါတယ် ။ မယ်သံ ရန်ကုန်မှာ မင်္ဂလာဆောင်မယ် ဆိုတော့ စလေက လူတွေက စလေမှာလဲ လာဆောင် ရမယ် ၊ စလေမှာ ဧည့်ခံပွဲ လုပ်ပေးရမယ် ဆိုလို့ စလေ မှာအယင်လာဆောင်ဘို့ ပြောတာပါ ။ စလေ က ကိစ္စတွေကို သူတို့ တာဝန်ယူ လုပ်ပေးကြမှာ ဖြစ်ပြီးအ၀တ်အစားရယ် ၊ ဖိတ်စာရယ် ကို မယ်သံတို့ ရန်ကုန်က စီစဉ်လာဘို့ပြောပါတယ် ။

ဒါနဲ့ ၀တ်စုံချုပ်ပေးတဲ့ သူငယ်ချင်းဆီ သွားပြီး စောချုပ်ပေးဘို့ အကြောင်းသွားပြောတော့ တစ်စုံထဲကို နှစ်နေရာ မ၀တ် နဲ့ လို့ပြောပြီး နောက်တစုံ စီစဉ်ခိုင်းပါတယ် ။ မယ်သံ လဲ အကုန်အကျများလို့ မစီစဉ်တော့ကြောင်းပြောတော့ သူဘဲ စီစဉ်ပေးလိုက်မယ် ဆိုပြိး နောက်တစုံ ချုပ်ပေးလိုက်ပါတယ် ။ ရိုးရိုး ပိုးသားဝမ်းဆက်ပေါ် စီးကွင့်ထိုးပေးလိုက်တာပါ ။ မယ်သံဖြင့် ချိတ်ထက်တောင် ကြိုက်ပါသေးတယ်။

         ကိုယ့် မင်္ဂလာပွဲ ကိစ္စအတွက် မယ်သံတို့ အပင်ပန်းအခံဆုံး လုပ်တာက ပန်းရှာတာပါ ။ ကက်တလီယာ ပန်ချင်လှတာကြောင့် ပန်းခြံတွေ ကမ္ဘာအေးမှာ မြောက်ဥက္ကလာမှာ သာကေတ မှာ တခြံဝင် တခြံထွက် ရှာလိုက်ရတာ အရောင်က နို့နှစ်မို့ အဖြူရှာတာ အ၀ါရောင် ခရမ်းရောင်တွေဘဲတွေ့လို့ စိတ်ညစ်ရသလို သူတို့က နယ်ကိုဆို ရေခဲပုံးနဲ့ ထုတ်မှ အဆင်ပြေမယ် ကက်တလီယာ က နုတယ် နဲ့ ပြောကြတော့ စိတ်လျှော့ပြီး ဗင်ဒါ ဘဲ ရွေးလာခဲ့ရပါတယ် ။

ဒီကြားထဲ မယ်သံ တို့ က ရန်ကုန် ရုံးချုပ်ကနေ ပျဉ်းမနား ပရောဂျက်အတွက် ပစ္စည်းတွေ တွက်ချပေးနေတဲ့အချိန် အလုပ်များ နေချိန်မို့ မင်္ဂလာဆောင် အတွက် ခွင့် ၄ ၇က်ဘဲရခဲ့ပါတယ် ။

စလေမြို့ ဦးပုည ခန်းမဆောင် မှာ ကျင်းပတဲ့  မင်္ဂလာဆောင်ပါ ။


ပန်းကြဲ နှင့် အရန် များ



နှစ်ဖက် မိဘ များနှင့် 




သတို့သား ကို ပန်းကုံးစွပ်



မယ်သံ့ ကို ပန်းကုံး စွပ်


အရန် နှစ်ယောက် နဲ့ အတူ


သတို့သား သတို့သမီး လိုက်ဖက်ညီပါ ရဲ့လားရှင် ။


ကြိုးကို ခန်းမ က အထွက်ထဲက တားသတဲ့ ..နောက်ဆုံး လူတွေ ပြုံ တိုးကြလို့ တယောက်စီ မပေးတော့ဘဲ ၂၀၀ တန် တစ်အုပ်ကို ကျဲချလိုက်ရတယ် ။

ကြိတ်ခေါက်ဆွဲ ကျွေးတာပါ ။ တချို့ က မနက်တခါ လာစားပြီး နေ့လည်စာ ပါ နောက်တခေါက်လာစားကြပါတယ် ။ ပျော်စရာပါ ။ မနက် ၆ နာရီ က စတဲ့ မင်္ဂလာပွဲ နေ့လည် တစ်နာရီလောက်မှ ပြီးပါတယ် ။ အလှပြင်ဘို့ မနက် ၃နာ၇ီ ခွဲထဲက ထရတော့ အတော် ပင်ပန်းနေပါပြီ ။

           အမေ့ အစီအစဉ် အရ မြို့ ပတ်ပြီး ဗီဒီယို ရိုက်ရမှာပါ ။ အဓိက ဘုရား တွေ သွား ကြည်၂နူး၂ ဖူး ဆုတောင်း ၊ စသဖြင့်ပေါ့လေ ။

ဒါပေမဲ့ အညာနေ ပူပူ မှာ လူတွေက ပင်ပန်းထားတာကြောင့်ရော ၊ ဘူရားတွေ ပေါ် ဖိနပ်ချွတ်ရတော့ ခြေထောက်ပူတာရော နဲ့ ဘယ်လို မှ မပြုံးနိုင်တော့ပါဘူးး။ မျက်မှောင် ကုတ်ပီး နှူတ်ခမ်း ကို ဖြဲထားရတာ အတော် ကြည့်ရဆိုးမှာပါ ။

စလေ စက်ရုံက ရေသန့်စင်ပြိး ပိုတဲ့ ရေတွေကို ပြန်လွှတ်တဲ့နေရာမှာ ချောင်းလေး လို လှလှပပ နေရာမှာ သတို့သားကို ရေလှမ်းပက်နေတဲ့ ပုံ ရိုက်ဘို့ ဗီဒီယို ဆရာ က ညွှန်ကြားချိန်မှာတော့ ဘယ်လိုမှ ရိုမန်းမတစ်နိုင်တော့ဘဲ ဒေါသ ထွက်ရပါတော့တယ် ။

 ဗီဒီယို ဆရာ ကလဲ ဘယ်နေရာမှ မချန်ထားခဲ့ ချင်တာကြောင့် နောက်ဆုံး အမေတို့က ပင်စင်ယူခါနီး မို့ စလေ ရှူခင်းတွေ ကို အမှတ်တရ ယူချင်တာ ဖြစ်ကြောင်း မယ်သံ တို့ မပါ လဲ ဘာမှ မဖြစ်ကြောင်း သေချာပြောပြပြီး သူ့ဟာသူ နေပူထဲ မှာ ရှူခင်းတွေ လိုက်ရိုက်ပြီး ကိုယ်တွေက နေရိပ်အောက်မှာ ထိုင်စောင့်ကြပါတယ် ။

          ကိုချစ်မောင်တို့ တည်းတဲ့ Guest House မှာ တခန်းပြင်ထားပြီး မင်္ဂလာဦးအခန်းရယ်လို့ ညဘက်မှာ သတို့သမီးကို အပ်မယ်လို့ စီစဉ်ထားပါတယ် ။ ဒါပေမဲ့ အိမ်မှာ သူငယ်ချင်းတွေလာပြီး ကာရာအိုကေ ဆိုကြ ၊ စကားပြောကြ ရင်းနဲ့ ညဥ့်နက်သွားလို့ ကိုယ့်အိမ်မှာ ကိုယ်ဘဲ အိပ်လိုက်ပါတယ် ။သတိုးသား ကတော့ တမျှော်မျှော် နဲ့ ပေါ့လေ ။

         နောက်တနေ့ မနက်အစော မှာတော့  သတိုးသား နှင့် သူ့မိဘ ဆွေမျိုးများက အညာရောက်တုန်း ပုဂံ ညောင်ဦး ဘုရားဖူးဘို့ ထွက်သွားကြပြီး မယ်သံကတော့ အဲဒီနေ့ ညနေကားနဲ့ ရန်ကုန်ကိုပြန်ပြီး ရန်ကုန်မှာ ကားအ၀င်နောက်ကျ တာမို့ ရုံးကို တိုက်ရိုက် သွားလိုက်ရပါကြောင်း ..........။

ပို့စ် က အရမ်းရှည်သွားတာကြောင့် ရန်ကုန် မင်္ဂလာဆောင် ပုံတွေကို နောက်တပို့စ် ကျမှ ထပ်တင်ပါ့မယ် ရှင် ။

အချိန်ပေးပြီး လာဖတ်ကြတာ ကို ကျေးဇူးတင်ပါတယ် ။ လာဖတ်ကြသူ အားလုံး ကိုယ်စိတ်နှစ်ဖြာ ရွှင်လန်း ချမ်းမြေ့ကြပါစေ လို့ ဆုတောင်းလိုက်ပါတယ် ရှင် ။

9 comments:

  1. မီးမီးခဲမင်လာဆေင်ပုံတွေ တက်နေပါလား..
    ဒုတိယပုံမှာ သတို့သားနဲ့ သတို့အဖေ ပုံစံချင်း ကွက်တိ၊ ချွတ်စွပ်ပဲ ..ရုပ်အနုအရင့်ပဲ ကွာတယ် :D


    SinSin

    ReplyDelete
    Replies
    1. ဟုတ်ပ ..မယ်စင်ပြောမှ သေချာပြန်ကြည့်မိတော့တယ်။

      Delete
  2. အပေါ်က ပြောတဲ့ အတိုင်းပြောမလို့ စိတ်ကူးနေတာ မမစင်ဦးသွားတယ်။ဟုတ်ပ တစ်ပုံစံထဲပဲ။

    ReplyDelete
    Replies
    1. အမြင်တွေ တူနေကြတယ် ဂျွန်ဝမ်း..:D

      Delete
  3. waiting to see your yangon wedding photos...beautiful brides!
    theint

    ReplyDelete
    Replies
    1. သိမ့် ရေ ရန်ကုန်ပုံတွေ တင်လိုက်ပေါ့ ..

      Delete
  4. ကူးကူးလှိုင်November 13, 2012 at 3:25 PM

    ပထမဆုံးအကြိမ်လာလည်ရင်း စာတွေဖတ်သွားပါတယ် မင်္ဂလာပွဲလေးကြည့်ပြီး ကိုယ်ပါ အတူပျော်ရွှင်သွားရပါတယ်...

    ReplyDelete