၁၃၄၇ ခုနှစ် ၀ါခေါင်လပြည့်နေ့ (ဥပုသ်နေ့)
ရန်ကုန်မြို့
သမိုင်း အောင်ဓမ္မရိပ်သာ
နာယကဆရာတော် အရှင်တေဇနိယ ရေးသားသော
မင်္ဂလာကြယ်စင်တွေ လင်းလက်စေဘို့
စိတ်ကိုပြု ပြင်အလှဆင်
ဟေမာန်ဆောင်းရဲ့ အအေးဒဏ်တွေ ဘယ်လောက်ပင်လွန်ကဲနေနေ၊ ပုထုဇဉ်တို့ ရင်ထဲကိန်းနေတဲ့ လောဘ၊ ဒေါသ (သောက) အပူကို အနိုင်မယူနိုင်ပါဘူး။တဖြိုင်ဖြိုင် စီးကျနေတဲ့ မျက်ရည်အပူကိုလည်း မတားဆီးနိုင်ပါဘူး။
ဖြူစင်တဲ့ စေတနာ၊
အားကြီးတဲ့ မေတ္တာ၊
ယုံကြည်မှူ သဒ္ဒါ ခိုငမြဲကြမှသာ လောဘ ၊ ဒေါသ၊ (သောက) အပူတွေ ငြိမ်းအေးနိုင်မှာပါ ။
ပုထုဇဉ် တိုင်း ရှည်လျားလှတဲ့ သံသရာခရီးကြမ်းကြီး လျှောက်ကြရဦးမှာမို့၊ ကိုယ်လျှောက်တဲ့လမ်း ချောမောစေဖို့ နဲ့ သာယာငြိမ်းချမ်းတဲ့ ဘ၀ ကိုပိုင်ဆိုင်ကြဖို့ရာ ရင်ထဲ ကိန်းနေတဲ့ လောဘ၊ဒေါသ(သောက)တွေ နည်းပါးအောင်ပြုပြင်ဆုံးမ နေထိုင်ဖို့ လိုပါတယ်။ နေ့စဉ် မင်္ဂလာ တရားနဲ့ ညီအောင် စေတနာ၊ မေတ္တာ၊သဒ္ဓါ နဲ့ စိတ်ကို အလှဆင်ရမယ် ။
(၁) အသေ၀နာစ ဗာလာန မင်္ဂလာ
လူမိုက်အကျင့်သာ ရှောင်ကြဉ်ပါ ဘယာကင်းဝေးမှာ
လူမိုက်ပုဂ္ဂိုလ်ကို ရှောင်ကြဉ်နေထိုင်တာ၊ လူမိုက်တွေရဲ့ အကျင့်ဆိုးကြီးတွေကို ကိုယ်နှူတ်စိတ်နဲ့ ရှောင်ကြဉ်နေထိုင်တာ အသေ၀နာစ ဗာလာန မင်္ဂလာပဲ ။
ဘ၀တစ်ခု ရရင် လောကဓံဒါဏ် ခံရစမြဲပါ။ ဘ၀ တိုင်း အကောင်းအဆိုးကဒါန်တွဲနေတာပါ။ မိမိစ်ိတ်တွေအချစ်အာရုံဘက် လွန်ဆွဲနေရင် အပြစ်တွေ လွန်ကဲနေမှာပဲ။
ဒါပေမဲ့ အနှစ်မရှိတဲ့ သစ်ပင်ဟာ တောတောင်ထဲမှာ အထီးကျန်နေရသလို အချစ်မရှိတဲ့လူသားဟာလည်း လောကအလယ်မှာ အထီးကျန် နေရမှာပဲ ။
အနှစ်ဆိုတာ အကာရှေပြေးပါ။
အချစ်ဆိုတာ အသပြာရှေ့ပြေးပါပဲ။
တရားတော် နဲ့ ကြည့်ရင် မိမိရင်ထဲက တဏှာရဲ့ ဆန္ဒ ကို အလိုလိုက်ခဲ့ကြရလို့ လူမိုက်ကြီးဇြစ်ခဲ့ရတာကလည်း ဘ၀တွေမရေတွက်နိုင်တော့ဘူး။ တဏှာရဲ့ ကျေးကျွန်ဘ၀ရောက်ခဲ့တာကလည်း ကြာခဲ့ပြီလို့ ဆိုရမှာ ပဲ။ ပုထုဇဉ်ပုဂ္ဂိုလ် တိုင်း ရှေးဘ၀မှားစွာက လမ်းမှာတွေ့တဲ့လူမိုက်ကိုသာ ရှောင်ကြဉ်ခဲ့ကြတယ်။ လူမိုက်တွေ ရဲ့ အကျင့်ဆိုးကြီးတွေကို မရှောင်ကြဉ်ခဲ့တဲ့ ဘ၀တွေ များတယ်။
လူမိုက်အကျင့်ဆိုတာ သူ့အသက်သတ်မှူ၊ သူ့ဥစ္စာခိုးမှူ၊ သူ့သားမယားပြစ်မှားမှူ ဆိုတဲ့ ကာယသုစရိုက် ၃ ပါးရယ်၊ လိမ်ညာပြောကြားမှူ၊ နှစ်ဦးသားချစ်ခင်နေတာ ကွဲပြားအောင် ကုန်းချောရန်တိုက်မှူ၊ ကြမ်းတမ်းစွာဆဲဆိုပြောကြားမှူ၊ အကျိုးမရှိတဲ့ ၀တ္ထု ရု့်ရှင်အကြောင်းတွေ ပြောဆိုမှူ ဆိုတဲ့ ၀စီဒုစရိုက် ၄ ပါးရယ်၊ သူတကာ့ ဥစ္စာမတရားလိုချင်မှူ၊ သူတကာ့ဥစ္စာပျက်စီးအောင် ကြံစည်မှူ ၊ ဒါန ပြုလည်းအကျိုးမရှိ၊ သီလဆောက်တည်လဲ အချိန်ကုန်တယ်၊ ဘာဝနာ ပွားလည်း ပင်ပန်းတာဘဲ ရှိတယ် ဘျွှာ အကျိုးမရှိဘူးလို့ အယူမှားတွေ ကြံစည်မှူ ဆိုတဲ့ မနောဒုစရိုက် ၃ ပါးရယ် ဒီဒုစရိုက်တရား ၁၀ပါးဟာလူမိုက်တွေ ရဲ့ အကျင့်တရားတွေပဲ ။
လူမိုက်အကျင့်တွေ မှ မရှောင်ကြဉ်ကြသူတိုင်းဟာ အခုဘ၀ မှာလည်း အချုပ် ထောင်ကျမယ်၊ နောင်ဘ၀မှာလည်း အပါယ်လေးပါးထောင်က လွတ်မှာ မဟုတ်ဘူး။ အချုပ်ထောင်က လါတ်တဲ့နေ့မှာ ပျော်ကြတယ်။ လောကအဆိုအရ အပျော်ဆုံးနေ့ ၃ နေ့ရှိတယ်။ မင်္ဂလာဦးနေ့ ၊ ရှင်လိန်ပြန်တဲ့နေ့ ၊ ထောင်က လွတ်တြ့နေ့ တဲ့။ အပြစ်ရှိလို့ ထောင်ကျပြီး ၊ ထောင်ကလွတ်တဲ့နေ့ ပျော်တဲ့ သူတွေဟာ နိုငငံတော်ဥပဒေ အရ သာအပြစ်ကင်းလွတ်ကြတာပါ ။ ဓမ္မဥပဒေ အရတော့ အပြစ်က ရှိနေတုန်းပဲ ။ ဒီဘ၀ခန္ဓာ ချုပ်ငြိမ်းရင် အပါယ်လေးပါး က လွတ်နိုင်ဦးမှာ မဟုတ်ဘူး။
လူမိုက်နှိပ်စက်လို့ ခံရရင်တစ်ဘ၀ပါ။ လူမိုက်အကျင့်ဆိုးကြိးတွေ ပြုလုပ်ဆောင်ရွက် ကျင့်ကြံလို့ အဲဒီ အကုသိုလ် ကံ နှိပ်စက်ခံရရင် ဘ၀ များစွာ အပါယ်မြုပ်နိုင်တယ် ။ လူမိုက်အကျင့်တွေ ကျင့်ခဲ့လို့ အပါယ်ရောက်ခဲ့တဲ့ ဘ၀တွေကလည်း များခဲ့ပြီ။ ဒေ၀ဒတ် နဲ့ အဇတသတ် ဆရာတပည့်နှစယောက် ငရဲရောက်နေတာဟာ လူမိုက်အကျင့်တွေကပို့လိုက်တာပဲ ။
သူတော်စင်တိုင်း ယနေ့ကစပြီး လမ်းမှာတွေ့တဲ့ လူမိုက်ကိုလည်း ရှောင်ကြဉ်ပါ ။ လူမိုက်တွေရဲ့ အကျင့်ဆိုားကီးတွေကိုလည်း ရှောင်ကြဉ်ကြပါ။ဒါမှသာ ကိုယ်စိတ်နှစ်ပါး အေးချမ်းသာယာတဲ့ ဘ၀ကို ပိုင်ဆိုငခွင့်ရမှာပါ ။
ရွှေပြည်လမ်းစလျှောက်လှမ်းကြ
တိမ်ဖုံးလကွယ်၊တောလယ်သန်းခေါင်၊အမှောင်ကို လူတိုင်းကြောက်လန့်ကြပေမဲ့ (ငါးဇြာအာရုံ) ကာမအမှောင် တော ကြတော့ ဇွတ်ဝင်တိုးနေကြတာပါပဲ။
တရားအလင်းရောင် အောက်မှာ မပျော်ပိုက်လို့ (ငါးဖြာအာရုံ) ကာမ အမှောင်တိုက်မှာ ပျော်ပိုက်နေသမျှ ငြိမ်းချမ်းမှူ ရနိုငမှာ မဟုတ်ပါဘူး။
တရားအလင်းရောင် အောက်မှာ တစ်နာရီ မနေနိုင်ကြပေမဲ့ ကာမအမှောင်တိုက်မှာတော့ ကမ္ဘာတည်သရွေ့ မငြီးငွေ့ကြဘူး ။
ကာမ အမှောင်တိုက်မှာ ပျော်ပိုက်နေသူတွေဟာ (သူတော်တရား) အလင်းရောင်ကို ကြောက်လန့်နေကြတယ်။ ပျော်ပွဲရွှင်ပွဲဆို ရှေ့ကသွားကြပေမဲ့ တရားပွဲဆို နောက်တွန့်နေကြတယ်။
ပုထုဇဉ် ဆိုတာ-
အမှားကို အမှန်၊ အမှန်ကို အမှား
ထင်မြင်ယူဆကာ သွားလာလုပ်ကိုင်နေကြတာက များတယ်။ ဘ၀တွေ မြင့်မားလာဖို့ (သူတော်တရား) အလင်းရောင်အောက်မှာ မှီခို ၀င်ရောက်နေထိုင်ကြရမယ်။ ဒါမှသာ ချစ်ခင်တွယ်တာတဲ့ တဏှာကို ရန်သူလို့ သိမြင်မှာပါ ။ ရန်သူလို့ သိမြင်ရင် လူတုင်းလက်ခံမှာ မဟုတ်ဘူး။ လက်မခံရင် တဏှာနည်းပါးလာမှာပဲ ။
တဏှာ နည်းပါးတဲ့ ပုဂ္ဂိုလ်စာ အေးချမ်းမှူလမ်းစ ၇တော့တာပဲ။ သူတော်ကောင်းတရားလဲ ကိန်းတော့တာမို့ ရွှေပြည်လမ်းစလည်း ပွင့်တော့တာပါပဲ။
အပူရှိန်မကြာရအောင် လူလိမ္မ္မာဖြစ်အောင်နေ
ကံကောင်းလို့ လူ့ဘ၀ရတုန်း သာသနာနဲ့ ကြုံတုန်းမှာ မိမိကိုယ်ကို လူမိုက်လူဆိုးကြီးမဖြစ်အောင် ထိန်းသိမ်းနေထိုင်ရမယ်။
ငါးပါးသီလ လုံခြု့အောင် ထ်ိန်းနိုင်ရုံလေးနဲ့ ကျေနပ်အားရမနေကြဘဲ ၊ မိမိထက် စည်းစိမ်ဥစ္စာ သာလွန်သူတွေ ၊ ပညာရေးသာလွန်သူတွေ ၊ ရာထူးသာလွန်သူတွေ အပေါ်မှာ မနာလို ၀န်တိုစိတ်တွေ ကင်းရမယ်။ ငြူစူစောင်းမြောင်း တဲ့ စိတ်တွေ ကိုနေ့စဉ်ထာဝရ ဖယ်ရှားပစ်ရမယ်၊ ၀မ်းမြောက်တဲ့စိတ်(မုဒိတာ)ထား၇မယ်။
သူတို့တွေ ရှေးဘ၀များစွာ က ငါ့ထက် ကုသိုလ်ကံ ကောင်းကြလို့ စည်းစိမ်ဥစ္စာ သာလွန်နေတာပဲ။ ၊ပညာတွေ ရာထူးတွေ သာလွန်နေတာပဲ လို့ ဆင်ခြင် နှလုံးသွင်း ပြီး မိမိကိုယ်ကို တစ်နေ့တစ်ခြား မြင့်မားလာအောင် သူလိမ္မာအကျင့်တွေ ကြိုးစားကျင့်ကြံ နေထိုင်ရမယ်။
No comments:
Post a Comment