[X] Choose Font Here

Friday, September 14, 2012

မိခင်လောင်း ဘ၀ ရဲ့ ခံစားချက် (တဂ်ပို့စ်)

သမီးလေး ဟေမာ ရေ .......

တီတင့် က မိခင်လောင်း ဘ၀ ရဲ့ ခံစားချက် ဆိုပြီး ရေးခိုင်းတော့ မေမေ ၀မ်းသာသွားတယ် ။ သမီး ကိုလွမ်းနေတဲ့ မေမေ က ဒီစာ လေး နဲ့ သမီးလေး မေမေ့ဆီ ရောက်လာတဲ့ အကြောင်းလေးတွေ ပြောပြလို့ ရတာပေါ့ နော် ။

 


မေမေ ငယ်တုန်းကတော့ သမီးဘွားဘွားက မေမေငယ်တုန်းက အကြောင်းတွေ ဗိုက်ထဲက အကြောင်းတွေ ပြောပြရင် သိပ်ပျော် ခဲ့ရတာ ။ သမီးလေး ကိုလဲ မေမေ က ပြောပြမှာပါ ။ ကျေနပ်ကြည်နူးနေမဲ့ သမီးလေး မျက်နှာ ပြုံးပြုံးကြီးကို ကြိုမြင်ယောင်ကြည်နူးမိပါရဲ့...။


၂၀၁၀ ခုနှစ် ဂျူလိုင်လ ၂၇ ရက်နေ့ ည ၈ နာရီ လောက်မှာ သမီးလေး မေမေ့ ဆီေ၇ာက်နေပြီ ဆိုတာ သိခဲ့ရတယ်ကွဲ့ ။ ဘာပြောကောင်း မလဲ သမီး ရဲ့ ဖေဖေ ဟာ ၀မ်းသာလွန်းလို့ အိမ်မှာရှိတဲ့ ဦးဦး နှစ်ယောက် ကို သွားပြောသတဲ့ ၊ ပြီးတော့ သမီးဘွားဘွား ဆီ ကို ဖုန်းခေါ်ပြီး ပြောပြန်ရော ။ မအောင့်နိုင် မအီးနိုင် အပျော်တွေ ဝေမျှ တာလေ ။

တကယ်တော့ မေမေ တို့ က ကလေးလေး ကို မျှော်နေတာ အတော်ကြာပြီ ။

၂၀၁၀ နှစ်ဆန်းပိုင်းလောက်ထဲက ဖောလစ် အက်ဆစ်တွေ ၊ဖျူရာမင်း ဘီစီ တွေသောက်ခဲ့တာ ။

ဒါပေမဲ့ မေမေ့အလုပ်က စိတ်ဖိစီးတာများ အလုပ်ချိန် ကများ နဲ့ သမီးလေး မေမေ့ဆီ တော်တော် နဲ့ ရောက်မလာခဲ့ဘူးရယ် ။ ဂျွန်လ မှာ မေမေ အလုပ် အကူးအပြောင်းမှာ နားတဲ့ ၆ ရက်ကို ရန်ကုန်ပြန် ဘွား၂ဆီ သွားတွေ့တော့ ဗိုလ်တထောင်ဘုရား ဆံတော်တွင်းမှာ ကလေးလေး ရပါစေကြောင်းသွားဆုတောင်းခဲ့ရသေးတယ် ။

အဲ သြဂတ်စ်လ မှာတော့ ကိုယ်ဝန်ဆောင် တို့ ထုံးစံ မောနင်းဆစ် စ ပါလေရော ။ မေမေ က သမီး ကိုကို့ တုန်းကလဲ အတွေ့အကြုံ  ရှိထားတော့ သက်သာအောင် ဘယ်လို နေရ စားရ မယ်ဆိုတာ သိထားတော့ သိပ်မကြောက်ပါဘူး ။ ကိုယ်ဝန်ဆောင် ၆ ပတ်လောက် ကစပြီး မောနင်းဆစ် စဖြစ်တာ အဲဒီအချိန်မှာ ကလေး ရဲ့ ၀ိညာဉ် က စ၀င်လာပြီ ဆိုတော့ သူ့ရဲ့ ဆန္ဒလေးတွေ ကြိုက်တတ်တာလေးတွေ ဟာ ဘာတွေများဖြစ်မလဲ လို့ စိတ်ဝင်တစား စောင့်ကြည့် နေခဲ့ပါတယ် ။

၆.၉.၂၀၁၀ မှာ Pathway women clinic မှာ ဆရာဝန်သွားပြတယ် ။ ကံကောင်းချင်တော့ နပ်စ် က ရှမ်းမြန်မာချောချော လေး ..။ အဲဒီအချိန် သမီးလေး ၁၂ ပတ်မှာ မျက်စေ့ ရှိနေပြီ ၊ နှလုံးခုန် နေပြီ နောက် လက်ကလေး ခြေ ကလေးတွေလဲထွက်နေပြီ  ၊ မျက်နှာလေးကလဲ ပြုံးနေသလိုလို နောက် အရပ်လဲ ရှည်တာ သိခဲ့ရတယ် ။ ဖေဖေ နဲ့ မေမေ့ မှာဆေးခန်းက ပြန်လာတော့လဲ သမီးလေး ပုံစံ ကို ကြည့်ခဲ့ရတာတွေ ကို ပြန်ပြောလို့ ကို မပြီးနိုင်ဘူး ..ချစ်လိုက်ရတာ ဆိုတာ ။

မေမေ့ အသက်က ၃၅ နှစ် ရှိပြိဆိုတော့ ကလေး ကို ဒေါင်းလေး ဟုတ်မဟုတ် ၁၄ ပတ်မှာ စစ်ပါတယ် ။ ကလေး ရဲ့ ကျောရိုး အထူကို စစ်တာပါ ။  ကလေးရဲ့ ကျောရိုးအထူ ကို တိုင်းချင်တော့ ကလေးလေး ကုန်းထအောင် ဆရာဝန်က ဖိ ဖိပြိး တော့ တိုင်းတာ ဆိုတော့ မေမေ့ မှာ သနားလိုက်တာ .......။


ကလေး လေး ဘာလိုချင်တယ် ဘာစားချင်တယ် ဘာကိုကြိုက်တယ် မကြိုက်ဘူး ဆိုတာ သိသာလာတယ် ။

- ငါးအစိမ်း နံ့ မခံနိုင်ဘူး  ၊ ငါးကင် ၊ ငါးကြော် ကြိုက်တယ် ။ (မေမေအရင်တုန်းက အနံ့လဲခံနိုင်တယ်၊ စားရတာလဲကြိုက်ပါတယ်)
(အခု သမီးလေး က ငါးသိပ်မကြိုက်ဘူး)

- ပန်းသီး သိပ်ကြိုက်တယ် ။ (မေမေအရင် လုံးဝ မကြိုက်)
(အခု သမီးလေး သိပ်ကြိုက်တယ်) 

- ကြက်ကြော် ကို အနံ့ ရရင် ကို မစားရမနေနိုင်အောင် ကြိုက်ပါတယ် ။ (မေမေအရင်လုံးဝမကြိုက်)
(အခု သမီးလေး သိပ်ကြိုက်တယ်  KFC ဆို အရမ်းကြိုက်တာ) 

- ပေါင်မုန့်မီးကင် ထောပတ်သုတ် အရမ်းစားချင်တယ် (မေမေအရင်လုံးဝမကြိုက်)
(သမီး လေး ကို ထောပတ်သုတ်ပြီး မကျွေးသေးဘူး ၊ ရိုး၂ ပေါင်မုန့် ကို နွားနို့ နဲ့ စိမ်ကျွေးရင်တော့ ကြိုက်တယ်)

- စိမ်းစိမ်းစိုစို အသီးအရွက်တွေ အရင် က ကြော်စားတယ် ၊ အခု အသုပ် ၊ အရည်သောက် ပုံစံ စားချင်လာတယ် ။
(အခု သမီးလေး က အရည်သောက် သိပ်ကြိုက်တယ်) 

- အင်းလေး စားသောက်ဆိုင်က ပူတင်းဆိုတာ သမီးအကြိုက်ပေါ့.....။
- အ၀တ်အစား ရွေးချယ်ဝတ်လာတယ် ၊ အရင် အဖြူရောင် ခဲရောင် အပြာရောင် စတဲ့ အရောင်ဖေိာ့တွေ ကြိုက်တာ အဲဒီအချိန်မှာ အရောင် ရင့် အရောင်ဆန်းတွေ ပန်းခရမ်းရောင် တွေ အရမ်းကြိုက်တယ် ၀တ်ချင်လို့ ရှာဖွေ ၀တ်ခဲ့ရတယ် ။
(အခုတော့ သမီးလေး ကတော့ အ၀ါရောင် ကြိုက်တယ်)

- သီချင်းဆို ချိုသာအေးဆေး တဲ့ မြန်မာသံ ကိုဘဲ ကြိုက်တဲ့ မေမေ ဟာ ဒုန်းဒုန်းဒိုင်ဒိုင်း ဆူညံသံတွေ ကိုပါ နားထောင်လာနိုင်ခဲ့တယ် ။

ကလေး လေး ဟာ မေမေ နဲ့ အကြိုက်ချင်းတော့ သိပ်မတူနိုင်ဘူး လို့ တွေးမိတယ် ။ မေမေ့ ကို ဘယ်လောက်တောင် လွှမ်းမိုး နိုင်သလဲ နော် ။


နောက်တခု က ခရီးတွေ သွားချင်တယ် ။  သွားရင်လဲ ဇိမ်ရှိရှိ အနည်းဆုံး တက်ဆီ နဲ့ မှ ။ ကုန်ကျစားရိတ်တွေ အတွက် သမီး အဖေ မှာ သက်ပြင်းတချချ နဲ့ ။ မိန်းမ နဲ့ မမြင်ရသေးတဲ့ သမီး ကို စေတနာ ရှိပေမဲ့ ရေရှည်သူ မရှာနိုင်မှာ များတွေးပြီး စိတ်မောနေတယ်ထင်ပါရဲ့ ..မေမေ ကတော့ အားပေးရတာပေါ့ နော် ။(အို သူ့ကံ နဲ့ သူဖြစ်လိမ့်မပေါ့  ဘာမှ မပူနဲ့ ဆိုပြီး)


၂၀၁၀ နိုဝင်ဘာ ၃ ရက်နေ့မှာတော့ ကလေး ဟာ သမီးလေး လို့ သိခဲ့ရပါတယ် ။
ဘာလေး ဘဲဖြစ်၂ ကိုယ့်ရင်သွေး ချစ်ရမှာဘဲ မို့ သမီးလေး ဆိုတော့ လဲ ပျော်ခဲ့ရသလို ဆုံးသွားတဲ့ သမီးကိုကို ကို လွမ်းရင်း သူသာရှိရင်တော့ မောင်နှမ နှစ်ယောက် ဆိုတော့ ကောင်းမှာဘဲ လို့ တွေးပြီး ဆွေး ခဲ့ရတယ် ။
 အဲဒီနေ့မှာတော့ သမီးလေး ကို နှလုံးအပေါက်ပါ မပါ ၊ ကျောက်ကပ် အခြေအနေ အတွင်းကလီဇာ တွေ ပါသေချာ စစ်တယ် ။  အားလုံး ကောင်းတယ်ဆိုတော့ ၀မ်းသာ ရတာပေါ့ နော် ။


သမီး လေး ဆိုတော့ မေမေ က ပိုပြီး ဘုရားတရား လုပ်ဖြစ်တယ် ။ အထူးသဖြင့် တရားပိုနာ ဖြစ်တယ် ။ ဒါမှ စိတ်အေးချမ်း တဲ့ အကျင့် ဖြစ်မှာ ..သမီးကို မေမေ့ လိုတော့ ဒေါသ ထစ်ခနဲ ရှိ ထွက်တတ်တဲ့ သူ မဖြစ်စေချင်ဘူးလေ ။ နူးညံ့သိမ်မွေ့စေချင်တာ .......။
သမီး ကို စိတ်နေသဘောထားတွေ အနေအထိုင် အမူအကျင့်တွေ ကို ဖေဖေ နဲ့ တူစေချင်တယ် ။


တကယ်တော့ မေမေ တို့ အလုပ်ရဲ့ သဘောသဘာဝ က ငွေကြေး အကျိုးအမြတ် နဲ့ ဆက်နွယ်နေတော့ ဒေါသ ထွက်ရ ၊လောဘ တက်ရ စိတ်ဖိစီးမှူ များတယ် ။ ဒါပေမဲ့ အလုပ်သစ် မှာ စိတ်ဖိစိးမှု လဲ နည်း၊ အပိုချိန် ဆိုတာ မလုပ်ရသလောက်ပဲ ဆိုတော့ နားချိန် လဲရပါတယ် ။ သမီးလေး ကို ဘွားဘွား တို့ဆီ ပြန်မွေးဘို့လဲ ခွင့်ရခဲ့တဲ့အပြင် လစာလဲ အပြည့်ပေးခဲ့သေးတယ် ။ ဘယ်လောက် ကံကောင်းတဲ့ အမေ့ သမီးလေးလဲ နော် ။


သမီးလေး ကိုယ်ဝန် ၇ လ မှာ အင်ဒိုနီးရှား ဘာလီ ကျွန်းကို သွားလည်သေးတယ် ။ မေမေ တို့ ရုံးက ပို့ပေးတာ မေမေက ကိုယ်ဝန်နဲ့ဆိုတော့ ဖေဖေ့ ကို ခေါ်ချင်တာ ကို ခွင့်ပြု လို့ ဖေဖေ နဲ့ အတူ သွားခဲ့ရသေးတယ် ။ ခရီးသွားရလို့ ပင်ပန်းတယ် ဆိုပေမဲ့ မအီမသာ ဝေဒနာ မျိုးတွေ ၊ လေးပင်တဲ့ ခံစားချက်တွေ မခံစားခဲ့ရပါဘူး ၊ ပေါ့ပေါ့ပါးပါး ပါဘဲ ။
ရုံးက လုပ်ဖော်ကိုင်ဖက်တွေ ကတောင် နင့်ရဲ့ ကိုယ်ဝန်က ဒုက္ခ မများဘူး လို့ ပြောကြပါသေးတယ် ။


မိဘ တိုင်း သားသမီး ကို ချစ်တယ် ၊ ကိုယ့်သွေးသားလေး ကိုယ့်ဆီ ရောက်လာလို့ မမြင်ရသေးပေမဲ့ သူ့အတွက် တတ်နိုင်သမျှ အကောင်းဆုံး လုပ်ပေးချင်တယ် ဆိုပေမဲ့ အခြေအနေ တွေ တိုက်ဆိုင်မှ သာ လုပ်ပေးနိုင်တာမျိုးပါ ။

ကျမ ကိုယ်တိုင်လဲ ကိုယ်ဝန် နှစ်ကြိမ် ဆောင်ခဲ့ပြီး ကျန်းမာရေး အခံ ကောင်းတဲ့သူမို့ ပင်ပန်းဆင်းရဲ တဲ့ ဝေဒနာ ကိုမခံစားခဲ့ရပေမဲ့ အခြေအနေ ခြင်းမတူလေတော့ ဂရုစိုက်နိုင်တဲ့ အတိုင်းအတာ ကွာခဲ့ပါတယ် ။

သမီးလေး ကို ကိုယ်ဝန်ဆောင်ချိန်မှာ မိခင် ဘေးမှာ မရှိတော့ ဒီ ခံစားရတဲ့ ဝေဒနာ ကို ပြောပြစရာ မလိုဘဲ နားလည်ပြီး ကိုယ့်ကို အလိုက်တသိပြုစုပေး တဲ့သူ မရှိခဲ့ပါဘူး  ။
 အယင်တကြိမ် ကိုယ်ဝန်ဆောင်ဘူးတဲ့ အတွေ့အကြုံ အရရယ်၊ စာအုပ်တွေ ဖတ်ပြီးတော့ရယ်  နဲ့ ကလေး လေး အထဲမှာ အဆင်ပြေစေဘို့ ဂရုတစိုက် ကြိုးစားခဲ့ရပါတယ် ။
ကံကောင်းတာကတော့ လိုအပ်တဲ့ ဂရုစိုက်ဘို့ နားနေဘို့ အချိန် ပေးနိုင်ခဲ့ တာ ၊ လိုအပ်တာတွေ ဆန္ဒရှိတာတွေ ကို  ဖြည့်ဆီးပေး ဘို့ ငွေကြေးမပါးရှားခဲ့တာပါဘဲ ။ ဒါကတော့ ကလေး ရဲ့ ကံ နဲ့ အများကြီး သက်ဆိုင်ပါတယ် ။

သားသမီး ဆိုတာ ရတနာမို့ ရတနာ ဆိုတာ လွယ်လွယ်ကူကူတော့ မရနိုင်ဘူး ဆိုတာ သတိပြုရင်း ဖြစ်လာတဲ့ အာဝေဏိက ဝေဒနာ တွေ ကို မငြီးငြူစတမ်း နဲ့ ရတနာလေး ကို ပျော်ပျော်ရွှင်ရွှင်လက်ကမ်းကြိုဆိုသင့်ပါတယ်။
 ဒီနေရာမှာ ကလေး ရဲ့ ဖေဖေ ဟာ အလွန်အရေးပါပါတယ် ။
ဇနီးသည် ရဲ့ ခံစားရသမျှ ကို သက်သာစေဘို့ သောက နည်းစေဘို့ တတ်နိုင်သမျှ အချိန်ပေး စောင့်ရှောက် ရမှာပါ ။ ရတနာလေး အနာအဆာ ကင်းဘို့ ဆိုတာ လိုချင်တဲ့ သူတွေ ရဲ့ အချိန်ပေး ဂရုစိုက် တန်ဖိုးထားမှူ အပေါ် အများကြီး မူတည်ပါတယ် ။


ကမ္ဘာပေါ်ရှိ မိဘ တိုင်း အတွက် အနာကင်းပြီး ကျန်းမာတဲ့ ရင်သွေးရတနာ လေးကို စိတ်ချမ်းသာ ပျော်၇ွှင်စွာ နှင့် ရရှိနိုင်ပြီး ၊ မိခင် တိုင်းလဲ ခံစားရမဲ့ အာဝေဏိက ဝေဒနာ များကို သက်သာ လွယ်ကူစွာ ခံစားရပြီး၊  ကလေး ဖခင် နှင့်အတူ ကြည်နူးပျော်ရွှင်ကြပါစေ လို့ ဆုတောင်းလိုက်ရပါတယ် ရှင် ။


6 comments:

  1. ရတနာလေးတွေ ရတနာလေးတွေ။နောက်တစ်ယောက်မွေးပါ မမ။

    ReplyDelete
    Replies
    1. လိုချင်တယ် လိုချင်တယ် ..အကြွေးတွေ ၀ိုင်းနေတော့ စိတ်ဖိစီး နေလို့လေ...

      Delete
  2. I also want a daughter but if i give birth a son....die aldy :)
    Theint

    ReplyDelete
  3. ဖခင်ဆိုတာကတော့ မီးဖွားပြီးမှသာ ဖခင်တစ်ယောက်အဖြစ် လုံးလုံးလျားလျား ခံခဲ့ယူပေမယ့် မိခင်အဘို့ကတော့ ကိုယ့်ရင်သွေးအဖြစ် စပြီးသန္ဓေတည်ကထဲက မိခင်အဖြစ်ကိုခံယူထားပြီးသားမို့ ပြည့်ပြည့်စုံစုံလေးရေးသွားတဲ့ သန္တာ့ပို့စ်ကိုဖတ်ရင်း သားသမီးတို့အပေါ်ထားရှိတဲ့ မိခင်တို့ရဲ့ မြင့်မြတ်တဲ့စိတ်ထားလေးတွေ ပေါ်လွင်စေတယ်။
    တဂ်ပို့စ်လေးအတွက် ကျေးဇူးပါ သန္တာရေ။ ဟေမာလေးအတွက်လည်း အမှတ်တရပို့စ်လေးတစ်ပုဒ်ပေါ့နော်။
    စိတ်ဓာတ်အစဉ်ကြည်လင်အေးမြပါစေကွယ်။

    မေတ္တာဖြင့်
    အန်တီတင့်

    ReplyDelete
  4. ချစ်စရာလေး အမ... :)

    ReplyDelete
  5. ကူးကူးလှိုင်November 13, 2012 at 5:32 PM

    မိဘမေတ္တာတရားတွေ ဖတ်သွားပါတယ်...

    ReplyDelete