မျက်နှာ စာအုပ်ပေါ်မှာ ၂၀၁၃ တုန်းက ရေးထားခဲ့တာလေး

 သင်္ကြန်အတွက် ပို့စ်တင်မယ်ဆိုပြီး ရာသီစာ မုန့်လုံးရေပေါ်ပုံတွဲတင်ဖို့ဟာ လတ်တလော မလုပ်ဖြစ်သေးလို့ အရင်တုန်းက လုပ်ထားတဲ့ မုန့်လေးများရှိမလားဆိုပြီး မျက်နှာစာ စာအုပ်မှာပြန်ရှာတာ  ဒီရေးထားတဲ့ အဟောင်းလေးကိုတွေ့လို့ အဲဒီအပိုင်းအစလေးကိုပဲ ဆက်မရေးတတ်ပဲ ဒီအတိုင်း တင်လိုက်ပါတယ် ။ ၂၀၁၃ ကနေ ၂၀၁၅ နှစ်နှစ်ဆိုတဲ့ အချိန်ဟာ ခံစားချက်တွေ ပြောင်းလဲသွားတတ်လိုက်တာ အဲဒီတုန်းက ရေးခဲ့တဲ့ စိတ်ခံစားချက်ကို ပြန် မဖမ်းနိုင်တော့ဘူးရယ် ။


စကားပြောကြရင်း ကြားလိုက်ရခိုက်မှာ မောင့်မျက်နှာကို ဆတ်ခနဲ လှည့်ကြည့်လိုက်မိသည်။
မယုံနိုင် ..ဒါ မောင်ပြောလိုက်တာလို့ မယုံနိုင် ။

မောင်လေး ရှေ့မှာ မောင်မို့ ပြောရက်လေခြင်း ..ကျမ နားနဲ့ ဆတ်ဆတ်ကြားလိုက်ရပေမယ့် ရင်ထဲမှာ လက်မခံနိုင်ခဲ့ဘူး ။ အဟုတ်လား မောင်တကယ်ပြောလိုက်တာလား ဇဝေဇ၀ါနဲ့ ...............။
တကယ်လား အဲဒါကို မောင့်စိတ်ထဲတကယ်ရှိလို့ ပြောထွက်သွားတာလား မောင် ? ကျမ မျက်လုံးကိုသေချာကြည့်ပြီး နောက်တစ်ခေါက်လောက်ပြောစမ်းပါလား ဟင် ။

"ကျမ က လောဘကြီးတယ် ။ ဘာမဆို ကိုယ့်စိတ်ဆန္ဒကိုပဲဦးစားပေးတယ် ၊ မောင့် အတွက်ကျမမှာအချိန်မရှိဘူး ..." မောင် အဲလိုထင်နေတယ် ဟုတ်လား ။

ဟင့်အင်း မောင်၊ ဟင့်အင်း
ကျမ က လောဘကြီးသူမဟုတ်ရပါဘူး ။
လောဘကြီးခဲ့ရင် ဘ၀အဖော်အဖြစ် မောင့်ကိုရွေးခဲ့ပါ့မလားလေ ......
ဒါပေမယ့် ကျမ ဘယ်လောက် တတ်နိုင်တယ်ဆိုတာ ကိုယ့်ဟာကို သေချာချင်တယ် ......
မောင့်အတွက် ကျမမှာ အချိန်မရှိဘူး ပြောရအောင် ကျမ လုပ်သမျှ တို့နှစ်ယောက်အတွက်ပဲမဟုတ်လားကွယ်။

တကယ်က လောဘကြီးတာ မောင်ပါ ။ မောင့်ကိုယ်တိုင်မာင် ဘာကိုလိုချင်တယ်ဆိုတာ အရင်သေချာပါစေဦးလေ.......။

ပြောကြစတမ်းဆို ကျမ မှာလဲ မောင့်ကို မေးခွန်းထုတ်စရာတွေ တစ်ပုံကြီးပါ ။

မေးစမ်းပါရစေ ။
ရင်ထဲရှိသမျှ သွန်ချခွင့်ရှိပါသလား မောင် ။
စကားကျွံရင်နှူတ်မရဘူးဆိုတာသိပေမယ့် ကျမ ရင်ထဲထိကျွံဝင်နေတဲ့ ဆူးက မနှူတ်ရင်မဖြစ်တော့ဘူးမောင်၊ ဆူးဆိပ်တက်နေပြီ...........။
ပြောမှား ဆိုမှား စကားမှားများ
ရင်ထဲသည်းကြား
နာကျည်းထိခိုက်
ဆူးလိုစိုက်၍
အမုန်းလမ်းခင်း
မီးကျီးနင်းသို့...။

နှူတ်ထွက်စကား သတိထား၍
ရင်တွင်းရှိသမျှ ကြိတ်မျိုချလည်း
မခံစားနိုင် နှလုံးယိုင်၍
ရင်ထဲရှိသမျှ ပြောသင့်လှလဲ ...
ပြောမထွက်ခဲ့ ချစ်တဲ့မောင် ။    ။
ဘာ  " မင်းလုပ်သမျှ မင်း မိဘ ၊ မင်း မောင်နှမ အတွက် အဓိက .." ဟုတ်လား။

မပြောပါနဲ့မောင် ၊ ဆက်မပြောလိုက်ပါနဲ့ ......
ကျမ တဘ၀တာ လေးစားနိုင်မယ် တွေးပြီး ရဲရဲ လက်တွဲ ခဲ့ရတဲ့ မောင်က ဒီလိုပြောတယ်ဆို ရင် ရှေ့ဆက် ရမယ့် ကျမရဲ့ ခြေလှမ်းတွေ အားအင်မဲ့ကုန်တော့မှာ ။
သေချာစဉ်းစားကြည့်ပါမောင် ...
အခုချိန် မှာ မောင် နဲ့ ကျမ က နှစ်ယောက်တစ်ဘ၀ ပါ။
ကျမ ကြိုးစားသမျှ အသီးအပွင့်တွေ မောင်နဲ့ ကျမ အတွက်အဓိကလေ..
ဘယ်လို ဘယ်လို .......

" မင်း ရဲ့ အသီးတွေ အပွင့်တွေ ငါ စိတ်မ၀င်စားဘူး ။ ငါ က မင်းရဲ့ ဝေမျှတာကို စောင့်မျှော်နေရတဲ့ လက်ဝေခံမဟုတ်ဘူး ။ ငါ့ ရဲ့ အသီးတွေ အပွင့်တွေကိုသာ မင်းကို မျှဝေပေးချင်တာ ...မဟုတ်ဘူး အတူစားသုံးချင်တာ ။ ငါ ကြိုးစားသမျှတွေအတွက် မင်းရဲ့ ပျော်ရွှင်ခြင်းအပြုံးတွေ ကျေနပ်အားရတဲ့ တော်လိုက်တာမောင်ရယ် ဆိုတဲ့ အသံတွေကို ကြားချင်တာ ။
ငါ ချစ်ရမယ့် ယုယရမယ့် ဖြည့်ဆည်းပေးရမယ့် မိန်းမတစ်ယောက်ကို လိုချင်တာ ၊ ငါ နဲ့ အတူယှဉ် နန်းတက်မယ့် ခြေရာတိုင်းမယ့် မိန်းမတစ်ယောက်ကို လိုချင်ခဲ့တာမဟုတ်ဘူး "
ဘုရားရေ လွဲလိုက်တာပါလား မောင်

ကျမ ဘ၀လက်တွဲဖော်အဖြစ်မောင့်ကိုရွေးခဲ့တာလေ
သားကိုသခင် လင်ကိုဘုရားအဖြစ် ကိုးကွယ်ဖို့မဟုတ်ဘူး ။

သွားအတူ လာအတူ စားအတူ ..အတူတူလက်တွဲပြီး တွေ့ကြုံလာသမျှကို ရင်ဆိုင်ကြမယ့် ဘ၀ဖော်အဖြစ်လေ ။
မောင့်ရဲ့ နားလည်ပေးမှူ တွေ ၊ ကျမ မှာဖြစ်ပျက်သမျှကိုဝေမျှခံစား ပေးခဲ့တာတွေ ၊ ကျမ ရဲ့ ရှေ့ဆက်တိုးချင်တဲ့ ခြေလှမ်းတွေကို ရဲရင့် အောင် အားပေးခဲ့တာ ၊ ရုတ်တရက်ခြေချော်လက်ချော်တာတွေမှာ နှစ်သိမ့်ပေးခဲ့တာ.............။
ကျမ ရဲ့ ဘ၀တစ်သက်အတွက်ေ မာင့်လက်ကို ယုံကြည်စွာ လှမ်းချိတ် ခဲ့တာ ။
အခုတော့ ကျမ မှားပြီ လို့ နောင်တ ရ ရတော့မှာလား ဟင် ။