မယ်သံ: စလေ ရုပ်စုံကျောင်း

မကွေးတိုင်း ချောက်မြို့နယ် စလေမြို့  ။
စလေမြို့လေးဟာ ဧရာဝတီမြစ် ရဲ့ အရှေ့ဘက် ကမ်းမှာတည်ရှိပြီး ပုဂံ ရှေးဟောင်းမြို့တော်ရဲ့ တောင်ဘက် 34 မိုင်အကွာ မှာတည်ရှိပါတယ်။ ကားဖြင့် ပုဂံ က နေ တနာရီခွဲ အကြာ ၊ ချောက်မှ မိနစ် လေးဆယ် ခရီးသာဖြစ်ပါတယ်။ ရန်ကုန်မှလာလျှင် ရေနံချောင်း ၊ ဂွေးချို လမ်းခွဲ( မန္တလေး ၊ ကျောက်ပန်းတောင်း၊ညောင်ဦးသို့) မှ ချောက်ဘက် မရောက်ခင် မိုလာ လမ်းခွဲကနေ စလေ ကို ဦးတည် သွားတဲ့အခါ စလေမြို့အ၀င်မှာ တမာပင်တန်းတွေက ခရီးဦးကြိုနေပါတယ်။
စလေမြို့ ဟာ စာဆိုကျော်ဦးပုည ၊ သမိုင်းဝင် ရုပ်စုံကျောင်း နှင့် အစေ့လွတ် ဇီးသီး ရယ် ဆိုပြီး လူသိများကြော်ကြားတာ သုံးမျိုး ရှိပါတယ်။
ကျမ အတွက်ကတော့ ငယ်ဘ၀ကြီးပြင်းခဲ့တဲ့မြို့ မူလတန်းမှ အထက်တန်းအောင်သည်အထိ ပညာ ဆည်းပူးခဲ့ရာမြို့ လေးဆိုတော့ အမှတ်ရစရာ တမ်းတ စရာတွေ များပါတယ် ။
ခုအခါ မှာတော့ မိဘများကလဲ ပင်စင်ယူခဲ့ပြီ။ အယင် ရင်းနှီး ကျွမ်းဝင်ခဲ့ သူများကလဲ ပင်စင်ယူသူယူ ဟို ဒီပြောင်း ဆိုတော့ ဟိုတယ် တည်းခိုခန်း မရှိသေးတဲ့ အဲဒီမြို့ လေးကို အလည်တခေါက် ပြန်သွားဘို့ရာ ခက်ပါတယ် ။ ဘယ်လိုဘဲ ဖြစ်ဖြစ် ငယ်ဘ၀ ပျော်ရွှင်စွာနေထိုင်ခဲ့ရတဲ့ အဲဒီမြို့လေး ကို စိတ်ကူးနဲ့ အလည်သွားဘို့ ကြိုးစားနေပါတယ်။ ကျမ သမီးလေး ကိုလဲ စလေ ဆိုတဲ့ မြို့လေးနဲ့ ရင်းနှီးစေချင်မိပါတယ်။လိုတဲ့ပုံတော်တော်များများကို အင်တာနက်က ရှာလို့ရခဲ့သလို မိဘတွေကလဲ ဒီကို အလည်ရောက်နေတာမို့ တချို့ မေ့ပျောက်နေတဲ့ ပုံ၇ိပ်တွေကို ပြန်ဖော်နိုင်ခဲ့ပါတယ်။ တချို့ အချက်လေးတွေဟာ ပါးစပ်ရာဇ၀င်တွေ သက်ကြီးစကား သက်ငယ်ကြား အဆင့်ဆင့် ပွားတာတွေ ဖြစ်ပြီး လွဲမှားတာတွေ ရှိခဲ့ ရင် ကျမတာဝန်ဖြစ်ပါကြောင်း နဲ့ စလေမြို့ လေးကို ကျမနဲ့ အတူ အလည်သွားရအောင် ဖိတ်ခေါ်ပါတယ်ရှင် ။

ဒီနေ့ အလည်သွားမဲ့နေရာလေးကတော့ ရုပ်စုံဘုန်းကြီးကျောင်းဘဲဖြစ်ပါတယ်။
ရုပ်စုံကျောင်းကို မြန်မာ သက္ကရာဇ် ၁၂၄၄ (around 1882) မှာတည်ဆောက်ခဲ့တာဖြစ်ပါတယ်။ ကျွန်းတိုင်ပေါင်း ၁၅၄ တိုင်ပါပြီး ဗုဒ္ဓမြတ်စွာရဲ့ နုစဉ်တဆယ် ရင့် စဉ်တကျိပ် ဇတ်တော်များကို ကျောင်းအပြင်ပတ်လည်မှာ သစ်သားပန်းပု ထုပြီးပုံဖေါ်ထားခဲ့တာကြောင့် ၁၈ ရာစုကအနုလက်ရာ စစ်စစ် များကို တွေ့မြင်နိုင်တာကြောင့် နိုင်ငံခြားခရီးသွားများ စိတ်ဝင်တစားလာရောက်လေ့လာတဲ့နေရာဖြစ်ပါတယ်။
ကျောင်းအတွင်းထဲမှာတော့ ရှေးလက်ရာ ဗုဒ္ဓ ရုပ်ပွားတော် အဆူဆူ နှင့် သစ်စေးသုတ် ဗီရိုများ ( တခါးရွက်တွေဟာ သေးသေးခေါက်တံခါး) ၊ရှေးလက်ရာ မြေအိုး အရွယ်စုံ များရှိပါတယ် ။ ဗီရိုတွေထဲမှာတော့ မြန်မာ့ စာဆိုကျော် စလေဦးပုည ရဲ့ လက်ရေး ပေ ပုရပိုဒ်များ နှင့် ၁၈ ရာစု ဘုရင်မင်းတို့ရဲ့ အသုံးအဆောင် ၊၀တ်ရုံများ စတာတွေ ရှိပါတယ်။
၁၈ ရာစု မြန်မာတို့ရဲ့အနု ပညာ လက်ရာ ၊ ယဉ်ကျေးမှူ အတိုင်းအတာကို ဖော်ပြနိုင်တာမို့ ဂုဏ်ယူစရာနေရာဖြစ်ပါတယ်ရှင်။

ရုပ်စုံဘုန်းကြီးကျောင်းရဲ့ အဝေး ကနေရိုက်ထားတဲ့ပုံပါ။