Wednesday, July 27, 2011

ဘ၀ထဲကအမှတ်တရများ .၂



လေးနှစ်သမီးမှာ စလေမြို့ ကို စရောက်တော့ စက်ရုံရပ်ကွက် (၁၂)ရပ်ကွက်မှာနေရပါတယ်။
အိမ်နီးနားချင်းတွေမှာ ရွယ်တူဆိုလို့ ယောကျားင်္လေး နှစ်ယောက်ဘဲရှိတယ် ။
ဒီတော့ အဲဒီနှစ်ယောက်နဲ့ဘဲ ဆော့ရတော့တာပေါ့ ။
ဆော့တာတော့မပြောနဲ့ ။မျောက်ရှူံးတယ်ဆိုတာမျိုး ။


မေမေ ကလဲ ချောက် အထက(၂) မှာတာဝန်ကျတာလေ။
စလေကနေ ချောက်ကိုနေ့စဉ်သွားရတာဆိုတော့  အဲဒီအချိန် ၁၉၈၀ ၀န်းကျင်က ကားရှားသေးတယ် ။
ညနေဆို ၆နာရီ ၀င်တဲ့ ရှစ်ကား (Shift Car)ကြီးကိုစောင့်စီးရတာ အိမ်ပြန်နောက်ကျတယ်။ ဒီတော့ မယ်သံတို့ လဲ ကျောင်းကပြန်ရင် တန်းကစားတော့တာ။ အင်း ဗိုက်ဆာရင်လား ....သူငယ်ချင်းအိမ်မှာတောင်းစားလိုက်တာပေါ့ ။ နယ်မှာတော့ အိမ်နီးနားချင်းဆိုရင် ဆွေမျိုးပါဘဲ (ခုခေတ်ကတော့ ရွှေရှိမှ ဆိုလား) ။ ရှားပါး ကျပ်တဲတဲ့ ခေတ်မဟုတ်သေးဘူးလေ ။ မှတ်မှတ်ရရပြောရရင် အဲဒီအချိန်က အမဲသား တပိဿာ ကျပ်၁၅၀၀၊ ၀က်သားတပိဿာ ကျပ်၁၂၀၀ နဲ့ ကြက်ဥ ၁၀ လုံးမှ ပြား၆၀ ပါ ။
တခြားရပ်ကွက် က မိန်းကလေးတယောက်ကပါလာကစားတော့ လေးယောက်ပေါ့  ။ လေးယောက်ပေါင်းလောင်းကျော် ရှာရှာဖွေဖွေ ကစားကြပါတယ်။တခါတလေ တခြားရပ်ကွက် က လူတွေနဲ့ စစ်တိုက်တန်းပေါ့ ။ကျမတို့ ရပ်ကွက်က လုံးခြင်းအိမ်ဖြစ်ပြီး ကတ္တရာလမ်းမဟုတ်မြေနီလမ်းလေးခြားရင် လေးလုံးတန်းလျားပါ ။ကလေးပိုပေါတာပေါ့လေ။တခြားဘက်က လူဘယ်လောက်ပိုများများ စစ်ဘဲတိုက်တိုက် ရန်ဘဲဖြစ်ဖြစ် ကျမတို့ ကနိုင်ပါတယ်။ မနိုင်ရင် နိုင်အောင်ဖက်လုံးတာပေါ့ ။

ရန်များဖြစ်ပလားဆို မယ်သံတို့ က အယင်ဆော်ခဲ့တာဘဲ ။ ကိုယ်ကခံလာတယ်ရယ်လို့ တခါမှမရှိပေါင်။ ပြီးမှ သူတို့  ဒါမှမဟုတ် သူတို့ မိဘတွေ ကအိမ်ကို လာတိုင်ကြတာချည်းဘဲ ။ အဲဒီတော့မှ အိမ်ရှေ့ က သြဇာပင်မှာကြိုးတုပ်ရိုက်တော့တာ ။ အဖေတို့ အမေတို့ ကလဲ ချစ်ဘို့ကောင်းတယ်။ သူများလာတိုင်လို့ ကတော့ စစ်ဆေးမေးမြန်းမနေဘူး ။တိုင်တဲ့သူကျေနပ်အောင်တခါထဲ ဆော်တော့တာဘဲ ။ မောင်လေးအတွက် အမေရယ် မီးဖွားခွင့်ယူတော့ အိမ်မှာအားနေတဲ့အတူတူ ဆိုပြီး နှင်းဆီ ၊စပယ် စ စိုက်တာ အပင်တွေဖြစ်လွန်းလို့  အိမ်နဲ့ အိမ်နီးနားချင်းတွေဝေ ပေးတာတောင် မှ ပိုနေလို့  စရောင်းခဲ့တယ် ။ ဖောက်သည်ပေးရင်းကနေ ကိုယ်တိုင်စမ်းရောင်းတော့ရောင်းရလို့  နောက်ပိုင်းကိုယ်တိုင်လဲရောင်းတယ် ။
အမေကလဲ ၁၉၈၅ နောက်ပိုင်း စလေ အထက ကိုပြောင်းလာရတော့  အချိန်ပိုရလာလို့  နှင်းဆီ စပယ် တင်မက မြတ်လေး။ဇွန်ပန်း၊ နှင်းပန်း ၊ ကင်မွန်းချဉ် ဆူးပုပ်ကြီး သေးတွေပါ စီးပွားဖြစ် စိုက်တော့တယ်။


ဒီအကြောင်းတွေ ပြန်စဉ်းစားရင် အမေဟာအတော် အလုပ်လုပ်နိုင်ပါလားလို့  အံ့သြမိပါတယ်။
နွေရာသီ ဖေဖော်ဝါရီ လလယ်လောက်ကစပြီး စပယ်တွေပွင့်တာ မတ်လဆိုလှိူင်နေရော ။အဲဒီ အချိန်ဆိုနွေရာသီကျောင်းပိတ်ရက်လဲရောက်ပါပြီ ။ နွေရာသီမှာပိုပင်ပန်းတဲ့အတွက် ကျမတို့မောင်နှမဟာ နွေကျောင်းပိတ်ရက်ကို မမျှော်ပါဘူး ။ မြို့သေးတဲ့ စလေမှာ ဒီပန်းတွေ မကုန်နိုင်တဲ့အခါ (တခြားအိမ်တွေကလဲ တပိုင်တနိုင် စိုက်ကြတယ်) ချောက် ကျောက်ပန်းတောင်း စတဲ့မြို့ တွေကို ပို့ဘို့ ညကတဲက ခူးပြီးဖောက်သည်ဆီပို့ ရတယ်။ကျန်တဲ့ပန်းတွေကို မနက်ဆို ၃နာရီလောက်ကထ အမေရယ် ကျမရယ်ခြံထဲဆင်းပြီးပန်းခူးကြတယ်။
သံပုံးနဲ့ ခူးတာ တပြည့်လောက်ရရင် အိမ်ပေါ်တက် အဖေနဲ့ မောင်လေးကိုနှိူး ထမင်းစားပွဲဝိုင်းကြီးခင်းပြီး ပန်းသီရတာပါ ။


အပ်တွေက ညကတဲက ထိုးပီးသား ။ အဖေ နဲ့ မောင်လေးကတခါ အောက်ဆင်ခူးကြပြန်တယ် ။ မနက် လေးနာ၇ီခွဲ ဆိုသီပြီးသလောက် ကို အဖေရယ် လမ်းထိပ် ဇရပ် ကိုဖောက်သည်သွားပို့တယ်။


ဇရပ်မှာ ရေမြောကမ်းတင် နေစရာမရှိတဲ့သူတွေ စု ပြီးနေကြတာပါ ။ စလေမှာ စလေမင်းခွေးခေတ် မင်းနေပြည်တော်ဖြစ်ခဲ့တာကြောင့် ဇရပ်တွေ တကယ်ပေါပြီး နေစရာမရှိတဲ့သူတွေ စတည်းချကြတယ်။ မင်း က မိဖုယားတပါးယူရင် ကိုးကွယ်ဘို့ ဘုရားတဆူ၊ ဘုန်းကြီးကျောင်းတကျောင်း ၊နေစရာ အဆောင်တခု နဲ့ အလှူပြုစရာ ဇရပ်တဆောငိချီးမြှောက်ရတယ်လို့ ဆိုပါတယ် ။အိမ်က ဇရပ်ကိုသွားရင် မင်းဆွေ မင်းမျိုးသင်းချိုင်းကိုဖြတ်ရတယ်။ မြေနေရာကျယ်ကျယ်မှာ ဂူတွေကို လက်ရာကောင်းကောင်းနဲ့ ဆောက်ထားတာပါ ။ စကားမစပ် ဂူထဲမှာမြှုပ်တဲ့ အခါလက်ဝတ်လက်စားတွေပါ တခါထဲမြှုပ်တယ် လို့ စကားဆင့်ကားတာရှိခဲ့ လို့ နောက်ပိုင်းမှာဂူဖောက်တာတွေရှိခဲ့ပါတယ်။ ကျမတို့ ကလေးတွေ အတွက်ကတော့ စစ်တိုက်တန်း ကစားချိန်မှာ ဂူတွေဟာအကာအကွယ်လုပ်လို့ကောင်းတဲ့နေရာတခုပါ။


မနက် ၅နာရီထိုးလို့ ရောင်နီလာပြီး ဝေလီဝေလင်း အချိန်မှာ နှင်းပန်း၊နှင်းဆီပန်းခူးပြီး ကျမရောင်းဘို့ ထွက်ပါတယ်။ နှင်းပန်းကတော့ လူကြိုက်များလို့ တကန်တကရောင်းမနေရပါဘူး ။ကြိုမှာထားတဲ့သူတွေကိုပေးရုံပါဘဲ ။ အမေ က လက်ကျန်ပန်းတွေ မနက်လင်းမှမြင်ရတဲ့ပန်းတွေကို ဆက်မသီအားတော့ပါဘူး ။ ဘုရားတင် အိမ်နီးနားချင်း လိုချင်တဲ့သူတွေကို ကောက်သင်းကောက်ပေးလိုက်ရော။


သူက ဆူးပုပ် ကင်မွန်းချဉ် ပင်နံသီး စတာတွေကို ခူးရ စီးရပါတယ်။




ပြီးမှ အဖေက ကျမနောက်ကို စက်ဘီးနဲ့ လိုက်ပို့ ပါတယ် ။


အဲဒီအချိန်ဆို ကျမလဲ ဈေးရောက်နေပါပြီ။ အိမ်ကနေ ဈေးအထိ လမ်းတလျှောက် မှာ ခုနကရေးတဲ့ ဇရပ်ထိလျှောက်ပြီးရင် အရှေ့ စက်ရုံ ရပ်ကွက်ကနေ မြို့ထဲဈေးထိတောက်လျှောက် လမ်းမကြီးရှိပါတယ်။ ဇရပ်ကနေ ဈေးဘက်ကို အသွား ဘုရားတဆူ ဘုန်းကြီးကျောင်းတ၀ိုင်းဖြတ်၇ပါသေးတယ်။ပြီးမှ လမ်းမကြီးတောက်လျှောက်ဆက်မလိုက်ဘဲ ဘုန်းကြီးကျောင်းဘေးက လမ်းကြားကနေ ရဲစခန်းထဲ ၀င်ရောင်းပါတယ်။ ရဲစခန်းတ၀န်းလုံးဟာ ကျမဖောက်သည်တွေပေါ့ ။


ရဲစခန်း ကထွက်ပြီးဈေးကြားမှာ တိုက်အိမ်တွေရှိပါသေးတယ်။ ချောက် ကျောက်ပန်းတောင်း ကားဂိတ်လဲ ရှိတယ်။


လမ်းတလျှောက် ဟိုဟိုဒီဒီရောင်းပြီးလို့  ဈေးရောက်တဲ့ အချိန်မှာ တော်တော်ကုန်သွားပါပြီ။ ပန်းကိုတော့ ဈေးမှာ အားထားမရောင်းပါဘူး ။ သူတို့တွေ ရွေးကြတာ ပန်းကုံးတွေ ကြိုးရှူပ် ပြီး စပွင့်လာတဲ့ အညာနေမင်းကြီးကြောင့် စပယ်ကုံးတွေဟာမလှချင်တော့ဘူး ။


ဒါကြောင့်  ပန်းများပြီး ရဲစခန်းမှာသိပ်မကုန်ရင် ဈေးဘက်ကိုဆက်မသွားဘဲ တိုက်ကုန်း မြောက်ကုန်း သင်းဘောဆိပ်တွေမှာ သွားရောင်းပါတယ်။ ဈေးကိုတော့ အသီးအရွက်တွေဘဲ ရောင်းပါတယ်။


လမ်းမှာကုန်သွားလဲ ဈေးကိုတော့ရောက်အောင်သွားပါတယ်။အိမ်အတွက် ဟင်းချက်စရာဝယ်ရတယ်လေ။


အဲဒီအချိန် အမေက အပင်တွေ ရေလောင်း ၊ ရှင်းလင်းပေါ့ ။ ကျမပြန်လာတဲ့ ၉နာရီခွဲ ၁၀ နာရီလောက်မှာ စပြီးဟင်းချက်ပါတယ်။ အဖေကတော့ စက်ရုံထဲသွားပါပြီ။ ကျမရယ်မောင်လေးရယ် က အ၀တ်လျှော် ရေချိုး ပြီး အပ်ထိုးကြပါတယ်။ အပ်ကပုံမှန် အချောင်း ၃၀၀ လောက်ထိုးရပါတယ်။ အမေ ထမင်းဟင်းကျက်ပြီဆို စားပြီး တရေးအိပ်ကြပါတယ်။ အိပ်ယာကထရင် အပ်ဆက်ထိုးကြပါတယ်။


ပြီးရင်တော့ သွားကစားကြတာပေါ့ ။ညနေလေးနာရိလောက်ဆို အိမ်ပြန် အပင်တွေရေဖြန်းတာကူ ၊ နှင်းဆီတွေ ဖောက်သည်အတွက်ဖြတ် ၊ အမေ့ ကိုကူပါတယ်။ ပြီး ၆နာရီ ခွဲဆို မိသားစု အတူထမင်းစား ပြီးရင်သွားကစား ည ၉နာရီလောက်ဆိုပြန်လာပြီး ဖောက်သည်ပေးဘို့ ပန်းတွေ ခူး သီပေါ့ ။ အိမ်ကိုလာလည်တဲ့သူတွေကလဲ ကူလုပ်ကြပါတယ်။ ပြီးရင် အဖေက ဖောက်သည်ပို့ ပြီး ၁၁ နာ၇ီလောက်ဆို မနက်စောစောထရမှာမို့  အိပ်ယာဝင်ကြပါတော့တယ်။
ကျမ ဘ၀မှာ ဒီလို ပန်းတွေ တပုံကြီး နဲ့ အိပ်ယာထအိပ်ယာဝင် အိမ်တအိမ်လုံး ဘယ်နေရာဘယ်အခန်းဖြစ်ဖြစ် စံပယ်ပန်းအနံ့တွေ စွဲပြီးမွှေးနေတဲ့ အိမ်မျိုးမှာထပ်နေခွင့် ရဘို့ ဆိုတာ ရွှေငုံးမင်းအမြီးမျှော်သလို ခရီးတော် နီးလျှက်နဲ့ဝေး မို့  အတိတ်က ပန်းဖြူဖြူ စိတ်ရင်းဖြူဖြူလူတွေကြားနေခဲ့ရတဲ့ အဲဒီဘ၀လေး ကို အမှတ်တရ ရေးဖွဲ့ရပါတယ်။


အမှန်က ငယ်ငယ်တုန်း ကဆော့ခဲ့တာတွေရေးမလို့  ။ အတွေးတွေက အစီစဉ်မကျတော့ ပန်းရောင်းရတဲ့ဆီရောက်သွားပါတယ်။


ပန်းရောင်းခဲ့ရတဲ့ မပန်းသည်ဘ၀ ဟာလဲ ကျမရဲ့ ပုံရိပ်ဟောင်းတခုပါဘဲ ။

Monday, July 18, 2011

ကြည်ကြည်နူးနူး သားအဖနှစ်ဦး

သမီးလေး ၂ ရက် SSC Women Centre မှာ


၃ ရက်သမီးလေး

သမီး ၅ ရက်



စလုံး အလာ လေယာဉ်ပေါ်မှာ


ဧည့် သည်လာလို့  နှိူးလိုက်တာ အိပ်ရေးမ၀လို့ မျက်မှောင်ကြုတ်နေတဲ့သမီးလေး


အပြင်သွားရမယ်ဆို ပျော်လို

Sunday, July 17, 2011

သမီးလေး လေးလ

မွေးတုန်းက 3.5 kg ရှိတဲ့သမီးလေး ဒီနေ့  9 kg ရှိနေပြီ ။ တကယ်ဆို 6.1 kg ဘဲ ရှိရမှာလေ။ over weight ပေါ့ ။
အရပ်က ရှည်လို့ တော်သေး ။ အရပ်တော့  တိတိကျကျ တိုင်းမကြည့်သေးဘူး ။သူ့ အဘွားကတိုင်းတာမကြိုက်ဘူးလေ ။


ခုဆို သေချာမှောက်တတ်နေပြီ ။ လက်ဆွဲထုတ်ပေးစရာမလိုတော့ဘူး ။
မွေ့ ယာကြိုက်ပြီး ဖျာပေါ်မှာ မအိပ်ချင်ဘူး ။ မွေ့ ယာမကြိုက် ၊ ထိုင်တာတောင်မှ အိလို့  ပြန်ထဘို့၇ာခက်တယ်ဆိုတဲ့ အဘွားနဲ့ တော့  ဟုတ်နေပြီ ။ :P
ဝမ်းစိမ်းစိမ်းတွေ သွားလို့  အရမ်းစိုးရိမ်နေတဲ့ အိမ်သားတွေအတွက် ဆရာဝန်ရဲ့မှတ်ချက်ကတော့ အစာချေ အင်ဇိုင်းတွေ ထွက်လို့ ပါတဲ့ ။ အစာ ပျော့ပျော့ လေး စကျွေးလို့ ရပြီတဲ့ ။ ၆ လ ထိစောင့် စရာမလို တော့ဘူးတဲ့လေ ။
ခုတောင် သူ့ သမီး ၀နေလို့  မလှမှာစိုးတဲ့ သူ့ အဖေကတော့ ၆ လမှကျွေးချင်တယ်လို့  ဈေးဆစ်နေလေရဲ့ ။
အယင်ညဘက် ၂ကြိမ် မအေနို့ နဲ့ အိုကေနေတဲ့ သမီးဟာ မ၀တော့လို့  အော်တယ်။ မအေနို့ ကလဲ သိပ်မလိုက်တာပါမယ်ထင်ရဲ့ ။
နို့ ဘူးလို လွယ်လွယ်နဲ့ မျိုချ ဗိုက်ဝတဲ့သမီးလေးဟာ အမေနို့ ကို မစို့ ချင်တာ့ဘူး ။ခုမှ လေးလရှိသေး ။ အနည်းဆုံးတနှစ်အထိတော့ တိုက်ချင်သေးတယ် ။နို့ ဘူးအသစ်က နို့သီးခေါင်းတောင် အထွက်နဲလို့ အော်တယ် ။
အယင် ကလေးရှိတဲ့အိမ်ရယ်လို့ အသံ မကြားရတဲ့အိမ်မှာ အသံလေးတွေ စပြီးဝေစည်လာတယ် ။
သောကြာသမီးလေး စကားကလဲ များမှများ ။ ဖအေမျက်နှာများကြည့် ပြီးရင်ဘာတွေ ပြောမှန်းမသိ ပြောနေတာများ ၊ ဖအေကလဲ သမီးအကြောင်းပြ ကလေးနားနေပြီး မေမေ့ ကိုဘာမှ မကူတော့ဘူး ။

( ဟင်းးးးးးးးးနော် ဒီသားအဖတော့ ။ ရိုက်ခံရတော့မယ် ။ <3<3<3 )

သမီးလေး ကိုကို ကမျက်နှာချိုသလောက် သမီးလေးက မျက်နှာတင်းတယ် ။ ဖားအောက် ဆရာတော်ကြီးကတောင် ဒေါသကြီးမဲ့ ပုံကြီးပါလားဟ တဲ့ ။
သူ့ အဖေကတော့ မိန်းကလေးမျက်နှာတင်းတာကောင်းတာပေါ့တဲ့ ။ မြှူလို့ ရီရင်တောင်လှစ်ခနဲဘဲ ။
ဒီပုံကတော့ သူ့အဖေ မြှူနေတုန်း ရိုက်ထားတဲ့ပုံလေးပေါ့ ။




မှတ်မှတ်ရရ 16.07.2011 ညနဲ့ ဒီနေ့မနက် 17.07.2011 မှာ သမီးလေးက မအေနို့ ကိုတိုက်တဲ့ အခါ မျက်လုံးပြူး မျက်ဆံပြူးနဲ့ ကလန်ကျောက်ပြီးငိုပါတယ် ။ စိတ်ညစ် ၀မ်းနဲပြီး နို့ ကလဲ တင်းတာ ညှစ်ပစ်ရတော့ နာတယ် ။
ဘာများဖြစ်လို့ ပါလိမ့်ဆိုပြီးနို့ ကို ပရိတ်ရွတ် ရေနဲ့သပ်ချ ၊ပြီးမှ နို့ က ချဉ်နေတာ ။း(
ညှစ်လိုက် ရေဆေးလိုက် ရေနွေးဖတ်တိုက်လိုက်နဲ့  ဒီနေ့ညတိုက်တော့စို့ ပြီး ခုနမှ အိပ်သွားလေရဲ့ ။

သမီးလေး တသက်လုံး ပူပင်ကြောင့် ကြမရှိ ဒီလိုဘဲ နှစ်နှစ်ခြိုက်ခြိုက် အိပ်နိုင်ပါစေ ကွယ် ။

Tuesday, July 12, 2011

ချစ်တဲ့ ကဗျာလေးများ (၁)

လွန်ခဲ့ တဲ့  အနှစ် နှစ်ဆယ်တုန်းက ကဗျာလေးတွေကို အရမ်းချစ်တတ် စွဲလမ်းတတ်ပြီး နှစ်သက်မြတ်နိုးတဲ့  ကဗျာလေးတွေကို ကူးရေးထားတတ်တဲ့  လတ်တလော ဖြစ်ပေါ်ခံစားရတာတွေကို လက်တန်း ကဗျာချိုးတတ်တဲ့ သူတယောက် အဖြစ်မှ မိသားစု စားဝတ်နေရေး အတွက်ကြောင့်ကြ ပူပင်ရာမှ အရာ အားလုံးကို ငွေ နှင့် ယှဉ်တွဲ မြင်တတ်သော မိန်းမ ကြီးတယောက် ဖြစ်လာခဲ့ ပါတယ် ။ :D

ခုတော့  ဘလော့ဂါ မမခင်ဦးမေ လို ဆန္ဒရှိတဲ့အတိုင်း မပူပင်ရဘဲ သွားနိုင် ၊စားနိုင်၊ ၀ယ်နိုင်၊ အမျိုးတွေကို လက်ဆောင်ပေးနိုင်တဲ့ ဘ၀ ကို တိတ်တခိုး အားကျနေမိသူတယောက်ပေါ့ ။း)


နှစ်သက်စွဲလမ်းခဲ့တဲ့ ကဗျာလေးများကို ဆန္ဒရှိချိန်မှာ အလွယ်တကူ ပြန်ဖတ်နိုင်ဘို့ ရာ ကိုယ့် ဘလော့ လေးမှာတင်ပါမယ်။
လက်လှမ်းမှီရာ ဘလော့ မှကဗျာလေးများကိုတော့  ဘလော့ ပိုင်ရှင်များထံ ခွင့် ပြုချက် ရယူမှာဖြစ်သော်လဲ ခွင့် ပြုချက်တောင်းဘို့  လက်လှမ်းမမှီတဲ့ ဆရာ ဆရာမကြီးများ (သို့ ) သက်ဆိုင်သူများကို ဒီနေရာကနေ ခွင့် ပန်လိုပါတယ် ။
တကယ်လို့ များ မျှဝေ ခံစားခွင့် မပြုလိုပါလျှင် ၀မ်းနည်းစွာဖြင့် ပြန်ဖြုတ်ပေးပါမယ် ။
ဆရာမကြီး ခင်နှင်းယုရဲ့  ကျွန်မဧ။် ချစ်သူ စာအုပ်မှ ကဗျာတပုဒ်ပါ ။



ရေချိုတွင်း

အဏ္ဏ၀ါ ၊ အို သခင်ငဲ့
သခင် အင်အား၊ ကြီးမား ပျံကြယ်
အံ့သြဘွယ်တည့် ။

ကျွန်းကိုရစ်ဝိုင်း၊ ရေလှိူင်းလည်း
အတိုင်းမသိ၊ မျှော်ကြည့်  မဆုံး
မိုးစပ်ကုန်းသို့ ၊ ထိဖုံးအသွင်
အကျွန်ုပ်မြင်ဧ။် ။

အကျွန့်  အတွက်မူ
သက်ဆက်ကြည်လင်၊ မှီခိုရှင်ကား
ငယ်ပင်ငယ်စွ ၊ဤကျွန်မဧ။်
ချမ်းမြသန့် ရှင်း၊ ရေချိုတွင်းတည့်။

Saturday, July 9, 2011

အမေတို့ စဉ်းစားစရာ (ကျားမေမေရဲ့ တိုက်ပွဲတေးသံ)



ဘုရားရေ ပြင်းထန်လွန်းလှပါလား............................................................................................................................

ကျားမေမေရဲ့  တိုက်ပွဲတေးသံ တဲ့
http://www.maukkha.org/index.php?option=com_content&view=article&id=1486:2011-07-06-02-44-31&catid=92:library-&Itemid=386
သမီးလေးကို ကိုယ်ဝန်ဆောင်ချိန်မှာ အလုပ် ၂ ခု လုပ်တော့ အရမ်း stress များခဲ့တယ် ။
ဒီကာလတွေမှာ မမြင်ရသေးတဲ့ ကလေးလေးအတွက် ဆုတောင်းမိတာက ကျန်းကျန်းမာမာနဲ့  အေးချမ်းပြည့် စုံတဲ့ဘ၀လေး ရဘို့ ပါဘဲ ။
ထေရ၀ါဒ ဗုဒ္ဓဘာသာ တရားကို ရင်ထဲမှာကိန်းအောင်းပြီး ကျင့်ကြံအားထုတ်နိုင်သူတယောက်ဖြစ်စေချင်တာပါဘဲ ။

သမီးလေး ကိုမွေးတာ မြန်မာမှာဆိုတော့  လက်တည့်စမ်းချင်သူတွေကအများသား။
မျက်ခုံးမွှေးဆွဲမတဲ့ ။ မျက်တောင်ရိတ်မယ်တဲ့၊ နှူတ်ခမ်းကို ဖိပေး ။ ချေထောက်ကို ဆန့် ပေး ၊ ကတုံးရိတ်ပေး .........................................


မလုပ်ပါနဲ့  သမီးလေးနာလိမ့် မယ် ထိခိုက်မယ် ...ပြန်ပြောတော့  အမေ (သမီးအဘွား) က ညီးတို့ တုန်းကလဲ ဒီလိုဘဲလုပ်ပေးလာတာ .ခု ဘာဖြစ်လဲ ကျိုးသလားကန်းသလား လူစဉ်မမှီလားတဲ့ ပြန်မေးတယ် ။
ဒီလိုတော့ လဲမဟုတ်ဘူးပေါ့  ဒါပေမဲ့  သမီးလေးကို အရမ်းအလှကြီးလဲ မဖြစ်စေချင်ဘူးလေ သာမန်လေးဘဲ ပေါ့ (သာမန်မိဘကမွေးတာဘဲလေ)လှရင်လှတဲ့  ဒုက္ခ ရှိတယ် ။ ရုပ်ရှင်မင်းသမီးတို့  မယ်တို့ လုပ်မှာမှ မဟုတ်တာ ၊လုပ်လဲ မလုပ်စေချင်ပါဘူးလေ ။ လောဘ ဒေါသ နည်းပြီး အေးချမ်းတဲ့ ဘ၀လေး ရစေချင်တာ ..လို့  ပြောတော့ 
အားလုံးက ဤထ္ထိရူပံ ဓနံ တဲ့ သမီးလေးကိုလှအောင်တတ်နိုင်သမျှ ပြုပြင်ပေးခြင်းဟာ သူ့ ရဲ့ ဓနကို တတ်နိုင်သလောက်ဖြည့် ပေးတာဘဲလို့ ဝိုင်းပြောကြတယ် ။


ကိုယ်က ဒီလိုဖြစ်စေချင်ပေမဲ့  သူကဒီလိုဖြစ်ချင်ဦးမှကိုး ။ အရွယ်ရောက်လာတဲ့ အခါ သူဘာဖြစ်ချင်တယ်ဆိုတာ သူ့ ဟာသူ ရွေးချယ်မှာပါ ။ အဲဒီ အချိန်မှာ ရွေးချယ်မှူ လမ်းကြောင်းမှားခဲ့ ရင် လမ်းမှန်ကိုနားလည်စေဘို့  ဆွေးနွေးရမှာ ၊ မှန်ခဲ့ ရင်လဲ အဲဒီလမ်းကြောင်းပေါ် သက်တောင့် သက်သာလျှောက်နိုင်စေဘို့  ပံ့ပိုးပေးရမှာ သာ မိဘတာဝန်ပါ ။ ဒီကြားထဲမှာတော့တတ်နိုင်သမျှ အကောင်းဆုံး ဖြစ်အောင်လုပ် ပေးရမှာ တဲ့ ။

ခု ကျားမေမေ ရဲ့ တိုက်ပွဲတေးသံကိုဖတ်ပြီး ပြင်းထန်လွန်းလှတာ ကို သဘောမတွေ့ ပေမဲ့
အေမီ က “ကြီးမားတဲ့ အောင်ပွဲအတွက် စည်းကမ်းတင်းကြပ်ခဲ့တာလို့ ကျမမြင်တယ်။ ကျမမိဘတွေက ကိုယ့်စည်းကိုယ့်ကမ်းနဲ့ (self-discipline) နေတတ်အောင် သင်ပေးတယ်။ ကလေးဘ၀မှာ ရွေးချယ်စရာများများ မရှိအောင် ကန့်သတ် ချုပ်ချယ်မှုခံရတာဟာ ကျမကြီးလာတော့ ရွေးချယ်စရာတွေအများကြီး ရှိလာအောင် မိဘတွေက လုပ်ပေးခဲ့တာလို့ ထင်တယ်။ အခု ကျမချစ်တဲ့အလုပ်ကို ကျမ ရနေတယ်”
ဆိုတဲ့ စကားကိုတော့  တွေးတောစဉ်းစားမိပါတယ် ။

သမီးလေးကို သူလိုချင်တဲ့လမ်းကြောင်းပေါ်ရောက်အောင် ဘ၀မှာရွေးချယ်ပိုင်ခွင့် တွေများအောင် ဆိုပြီး ကိုယ်ကကောင်းတယ်ထင်တဲ့ လမ်းကြောင်း တခုပေါ်ေ၇ာက်အောင် စည်းမျဉ်းစည်းကမ်းတွေနဲ့  တင်းကျပ် သင့်ပါရဲ့လားးးးးးး

ကျမ ဘ၀ မှာ နောင်တ ရစရာ တခါ တော့ဖြစ်ခဲ့ ပြီးပြီ ။
သားလေးတယောက်မွေးခဲ့ တဲ့အတွက် သူကြီးလာတဲ့အခါ သူ့ ရဲ့လိုအင်ဆန္ဒတွေကို မဖြည့်ဆီး ပေးနိုင်မှာစိုးလို့ ဆိုပြီး ၁၉ လသားအရွယ်သူ့ ကိုထားခဲ့ပြီး စလုံး ကိုလာပြီးအလုပ်လုပ်ခဲ့တာ..............တနှစ်အကြာမှာ ဆုံးသွားခဲ့တယ်။
မဆုံးခင် အဲဒီတနှစ်ကာလအတွင်းမှာ သူဟာ မအေ ကို လွမ်းဆွတ်နေခဲ့ရတယ် ။ အဲဒီ အချိန်မှာတော့ သူလိုချင်တာ အမေ ပါဘဲ ။
ကျမ ဟာ ဗုဒ္ဓ ဘာသာပေမဲ့ မိရိုးဖလာ သဘောမျိုး မို့  အနိစ ဆိုတဲ့ သဘောကို မဆင်ခြင်မိဘူး ။

အနာဂတ်ကိုမှန်းမျှော်ပီး သူ့ အတွက်ရယ်လို့  လုပ်ခဲ့  ပေမဲ့  သူ့ အတွက်ရယ်လို့  ဖြစ်မသွားခဲ့ဘူး ။


အခုသမီးလေးအလှည့် ကျတော့ရော ...

အရမ်းငယ်လေးလို့  မိဘ နဲ့ အတူထား ပြုစုမယ်ဆိုပေမဲ့ မလုပ်မဖြစ် အလုပ် လုပ်ရတဲ့ ကျမ ၊ သမီးလေးအတွက် အချိန်အများကြီးမပေးနိုင်ဘူး။း(

ဒီမှာ အစစအရာရာ စားရိတ်ကြီးလို့  များများစုဆောင်းမထားနိုင်တဲ့အခါ သမီးလေးကြီးလာလို့  သူဆန္ဒရှိသလောက်ဖြည့် ဆည်းမပေးနိုင်တဲ့အခါ

သမီးလေး မျက်နှာငယ် ၀မ်းနည်းရမှာလား ။

ဘာဘဲဖြစ်ဖြစ် သမီးလေးကိုခွဲထားဘို့ မစဉ်းစားတော့ပါဘူး ။

ကိုယ့် ခွန်အားရှိသလောက်ကြိုးစားမှာပါ ။

သမီးလေးနဲ့  အနီးကပ်နေပြီး သူ့ ရဲ့လိုအင်ဆန္ဒတွေကို ကောင်းသောလိုအင်ဆန္ဒတွေအဖြစ် လမ်းကြောင်းမှန်အောင် ဖေးမထိန်းတတ်အောင် ၊ ကောင်းသောလိုအင်ဆန္ဒများ ပြည့် ဝအောင် သူကြိုးစားတဲ့အခါ အနားမှာ လိုအပ်တာတွေကို ဖြည့်ဆည်းပေးနိုင်တဲ့ သူတယောက်ဖြစ်အောင် ကိုယ်တိုင်အရင်ကြိုးစားရမှာပါ ။

သမီးလေး ကို ကောင်းသောစိတ်ထားရှိပြီး အေးချမ်းမှူကို မြတ်နိုးကာ တရားဓမ္မ မှာမွေ့ လျော်တတ်သူဖြစ်အောင် အယင်ဆုံး ကျမကိုယ်တိုင် ကျင့် ကြံကြိုးစားရမယ် မဟုတ်ပါလားရှင် ။

Thursday, July 7, 2011

မအားပါဘူးဆို....း)))))




တကယ် တကယ် မအားပါဘူးဆို


စိတ်ဆိုးဘို့ တောင်မအားပါဘူး ။ (စုမိ ကို သက်သေများနှင့် ဖြေသည်)


လကုန်ထဲက ပြီး၇မဲ့ claim.... vo work တွေ များလွန်းတော့ ဆိုဒ်ထဲသွားပြီးကြည့် လိုက် ပြန်လာ တွက်လိုက်နဲ့း(((((


အ၇င်တုန်းကတော့ လုပ်စ၇ာရှိတယ်ဆို ညဘက်တွန်းလုပ်တာ၊ ခုတော့  ညနေဆိုလဲ ရုံးကပြန်ချင်တာအ၇မ်း ၊


အိမ်မှာ မျှော်နေတဲ့သူတွေရှိတယ်လေ ။


ညဘက်ဆိုလဲ သမီးလေးကိုနို့ တိုက်ရင်း မျက်လုံးက စင်င်င်င်င်င်းးးးးး


မဖြစ်သေးပါဘူး အဖေတို့ အမေတို့ နဲ့ စကားပြောဦးမှ ။


အားလုံး အိပ်ချိန်ရောက်ပြီလာာာာာာာာာာာာား?????????????


မီးကလင်းရင်အိပ်မရဘူးတဲ့ ........ဧည့် ခန်းမှာ laptop နဲ့  သွားလုပ်မှ ။


သမီးရေမအိပ်သေးဘူးလား ခေါင်းကိုက်မယ်နော် ......ဟုတ် ခနလေး BQ break down လေးဖတ်ပြီးရင်


င်င်င်င်င်င်..မယ်သံရေ သမီးလေးနိုးနေတယ် ။ နို့ ဆာလို့ ထင်တယ် ပါးစပ်လေးတပြင်င်င်နဲ့  ကလေးသနားပါတယ် လာတိုက်လိုက်ဦး ( ဟင် ... အင်းးးး အလုပ်က ထွက်စာတင်ခိုင်းတော့မလားမသိ ။ အို ဘာဘဲဖြစ်ဖြစ် နို့ တိုက်ရင်း အိပ်တော့မယယယယယယယယယယယယ်) ။